Fréttablaðið - 27.12.2005, Blaðsíða 4

4 27. desember 2005 ÞRIÐJUDAGUR
NOREGUR Norskir launþegar þurfa
ekki að vinna lengi til að vinna sér
inn fyrir matarkörfu með átján
vörutegundum þótt matvöruverð
sé næstum jafnhátt í Noregi og á
Íslandi. Þeir eru í fimmta sæti yfir
þær Evrópuþjóðir sem eru hvað
fljótastar að vinna fyrir matarkörfu
með mjólk, kaffi, osti og sykri svo
fátt eitt sé nefnt.
Vefútgáfa Aftenposten segir
Norðmenn þurfa að vinna í tvær
klukkustundir og tvær mínútur fyrir
matarkörfunni meðan Þjóðverjar
vinni einn og hálfan tíma og Danir
tæpa tvo tíma. Svíar vinni hins
vegar í tvær stundir og átta mínútur
og Finnar sextán mínútum betur. ■
Matarkarfan í Noregi:
Kostar tveggja
stunda vinnu
GENGIÐ
GENGI GJALDMIÐLA 23.12.2005
Gengisvísitala krónunnar
Bandaríkjadalur 63,49 63,79
Sterlingspund 110,26 110,8
Evra 75,36 75,78
Dönsk króna 10,101 10,161
Norsk króna 9,356 9,412
Sænsk króna 7,974 8,02
Japanskt jen 0,5444 0,5476
SDR 90,98 91,52
HEIMILD: Seðlabanki Íslands
KAUP SALA
106,0225
Stálu tveimur milljörðum Starfs-
maður á bresku pósthúsi hefur verið
dæmdur í sex og hálfs árs fangelsi fyrir
fjárdrátt og svik. Maðurinn stal ávísana-
heftum og greiðslukortum í svo stórum
stíl að hann hafði rúma tvo milljarða
króna upp úr krafsinu. Mágur hans fékk
jafnframt dóm fyrir aðstoð við að koma
peningunum í umferð.
BRETLAND
FLÓÐBYLGJA Í gær var ár liðin síðan
öflugur jarðskjálfti í Bengalflóa
leiddi af sér einhverja mannskæð-
ustu flóðbylgju sögunnar en talið er
að á þriðja hundrað þúsund manns
hafi farist í þeim hildarleik. Ham-
faranna var víða minnst í heiminum
í gær.
Flóðbylgjan skelfilega mynd-
aðist þegar jarðskjálfti af stærð-
inni níu reif hafsbotninn vestur
af Súmötru í sundur á annan dag
jóla í fyrra. Tíu metra háar bylgj-
urnar brotnuðu á ströndum landa
allt frá Sómalíu í vestri til Malasíu
í austri. Enginn veit nákvæmlega
hversu margir biðu bana þenn-
an örlagaríka dag en að mati AP-
fréttastofunnar fórust 216.000
manns. Sameinuðu þjóðirnar áætla
að fjöldi látinna sé að minnsta kosti
223.000.
Fjölmennar minningarathafnir
voru haldnar í gær í löndunum tólf
sem ógnarbylgjan reið yfir. Sumar
þeirra voru stórar í sniðum en
aðrar látlausar og fámennar. „Fyrir
réttu árin, undir sama bláhimni,
sýndi móðir jörð eyðileggingar-
mátt sinn,“ sagði Susilo Bambang
Yudhoyono, forseti Indónesíu, við
athöfn í Aceh-héraði á Súmötru en
þar er talið að 130.000 hafi týnt lífi.
Hann lauk svo lofsorði á eftirlifend-
ur sem síðastliðið ár hafa reynt að
koma lífi sínu í samt lag á ný. „Þið
hafið minnt okkur á að lífið er þess
virði að berjast fyrir.“
Á Srí Lanka hittust Mahinda
Rajapakse, nýkjörinn forseti, og
hópur eftirlifenda nærri stað þar
sem flóðið sópaði járnbrautarlest
út af sporinu en við það létu tvö
þúsund farþegar hennar lífið. Í
Taílandi voru fjölmargar kyrrðar-
stundir haldnar en yfir 2.400 ferða-
menn frá Norðurlöndunum, Þýska-
landi og Ástralíu voru í hópi þeirra
sem dóu þar.
Í kjölfar hamfaranna fóru Sam-
einuðu þjóðirnar fram á 828 milljarða
króna neyðaraðstoð og hafa um þrír
fjórðu hlutar hennar borist. Engu
að síður á uppbyggingarstarf eftir
að taka mörg ár til viðbótar. Þorri
þeirrar 1,8 milljónar manna sem
missti heimili sín býr enn í tjöldum
eða kofaræksnum og fer þolinmæði
þessa fólks óðum þverrandi. Sjá síðu 28
sveinng@frettabladid.is
Ár liðið síðan móðir
jörð reiddi til höggs
Heimsbyggðin minntist í gær fórnarlamba flóðbylgjunnar sem reið yfir strandir
Indlandshafs fyrir ári. Umfangsmesta neyðaraðstoð sögunnar hófst í kjölfarið
en þó er vel á aðra milljón fólks ennþá án heimilis.
MINNINGIN ER SÁR Þessi stúlka frá Nagapattinam í Tamil Nadu-héraði á suðausturströnd Indlands gat ekki haldið aftur af tárunum við
minningarathöfn í gær. Hún missti alla fjölskyldu sína í hamförunum og býr því á munaðarleysingjahæli í bænum. FRÉTTABLAÐIÐ/AP
FÓLKSFJÖLGUN Sex börn fæddust
á aðfangadag, þar af fæddist eitt
klukkan 20.44 um kvöldið. Enn
fremur fæddust sjö börn á Þor-
láksmessu og sex á jóladag.
Kristín Sigurðardóttir ljós-
móðir segir fæðingarganginn oft
tóman á aðfangadag en svo hafi
ekki verið þetta árið. Hún hefur
ekki tölur yfir fjölda væntan-
legra fæðinga á nýársdag en segir
konur mun fremur vilja eiga börn
sín rétt eftir áramót en fyrir.
Vel ríflega fjögur þúsund börn
fæðast árlega á landinu, sam-
kvæmt tölum Hagstofunnar. Þau
voru 4.781 árið 1990, 4.288 fimm
árum síðar, 4.330 árið 2000 en
4.249 í fyrra. - mþþ
Fæðingar yfir jólatímann:
Sex börn fædd
á aðfangadag
PEKING, AP Eldsvoði varð að
minnsta kosti 26 manns að bana
í kínversku borginni Zhongshan
í gær. Upptök eldsins eru ókunn
en hann braust út á bar sem starf-
ræktur var í leyfisleysi á veitinga-
húsi.
Mikið hefur verið um eldsvoða
í samkomuhúsum síðustu ár í Kína
en á jóladag fyrir fimm árum lét-
ust 309 í bruna á skemmtistað í
borginni Luoyang. ■
Mannskæður eldsvoði í Kína:
Tuttugu og sex
létust á jóladag
SERBÍA-SVARTFJALLALAND, AP Ratko
Mladic, fyrrverandi hershöfðingi
Bosníu-Serba, er sagður hugleiða að
gefa sig fram við serbnesk yfirvöld
svo hægt verði að rétta yfir honum
vegna stríðsglæpa sem hann er
sagður bera ábyrgð á.
Marko Nicovic, fyrrverandi
lögreglustjóri í Belgrad, sagði á
jóladag í samtali við svartfellsku
fréttastofuna Mina að Mladic stæði
í samningaviðræðum við stjórnvöld
í Serbíu um að gefa sig fram gegn
því að fjölskylda hans og stuðnings-
menn sem aðstoðað hafa hann á
flóttanum síðustu ár nytu friðhelgi
og hlytu jafnvel fjárhagsaðstoð.
Nicovic sagðist halda að Mladic
íhugaði uppgjöf svo að komist yrði
hjá blóðugum átökum sem óhjá-
kvæmilega yrðu við handtöku hans.
Mjög hefur verið þrýst á ríkis-
stjórn Serbíu að finna og framselja
Mladic og félaga hans Radovan Kar-
adzic, sem var leiðtogi Bosníu-Serba
á sínum tíma. Stríðsglæpadómstóll
Sameinuðu þjóðanna í Haag hefur
ákært og lýst eftir tvímenningunum
fyrir glæpi gegn mannkyni meðan
Bosníustríðið geisaði á árunum
1992-95 og því hefur þeirra verið
leitað undanfarin ár. Serbnesk yfir-
völd hafa ævinlega haldið því fram
að þau viti ekkert um Mladic og séu
ekki í neinu sambandi við hann.
- shg
Viðræður um handtökur stríðsglæpamanna:
Mladic íhugar að gefa sig fram
RATKO MLADIC Hershöfðinginn stýrði her
Bosníu-Serba sem talinn er hafa unnið
mörg grimmdarverk í Bosníustríðinu á
árunum 1992-95. FRÉTTABLAÐIÐ/AP
Gæti rignt á gamlárskvöld Enn er
óvíst um veður á gamlárskvöld að sögn
Ásdísar Auðunsdóttur, veðurfræðings á
Veðurstofunni. Ráð er gert fyrir hægri
suðvestlægri átt með skilum vestur af
landinu. Skilin kunna að þokast inn á
landið fyrir áramót og valda úrkomu.
„Þetta lítur ágætlega út eins og er en
gæti brugðið til beggja vona,“ segir
Ásdís. „Það er of snemmt að spá fyrir
um það.“
ÁRAMÓTAVEÐUR
RÚSTIR EINAR Brunaeftirlitsmenn skoðuðu
verksummerki á barnum í gær.
FRÉTTABLAÐIÐ/AP
Á BRÁÐAMÓTTÖKUNNI Talið er að óprúttnir
menn hafi komið eiturgasinu fyrir.
FRÉTTABLAÐIÐ/AP
PÉTURSBORG, AP Yfir sjötíu manns
veiktust í Pétursborg í gær, þó
enginn lífshættulega, eftir að hafa
andað að sér hættulegu gasi.
Gasið slapp úr glerílátum sem
komið hafði verið fyrir í kassa
í verslun þar í borg. Sams konar
kassar fundust í þremur öðrum
verslunum sömu verslanakeðju
en ollu ekki skaða.
Glerílátin voru tengd við víra
og klukku og yfirmönnum keðj-
unnar höfðu nýlega borist hótun-
arbréf. Lögreglu grunar að málið
tengist harðvítugum samkeppnis-
deilum eða fjárkúgunum. ■
Verslun í Pétursborg:
Tugir veiktust
af völdum gass