Fréttablaðið - 27.12.2005, Blaðsíða 26

27. desember 2005 ÞRIÐJUDAGUR26
nær og fjær
„ORÐRÉTT“
Ingi Björnsson, starfsmað-
ur Feðga ehf., vann silfur-
verðlaun á Evrópumótinu í
kranastjórnun. Hann stefnir
að sigri að ári.
„Þetta var mjög skemmtilegt,“ segir
Ingi kranastjóri um árangurinn
góða á Evrópumótinu sem fram fór
í Þýskalandi. Hann sigraði á Íslands-
mótinu í kranastjórnun sem fram fór
í ágúst og var því fulltrúi lands og
þjóðar á Evrópumótinu. Þýski krana-
framleiðandinn Liebherr stendur að
Evrópumótinu og Merkúr, umboðs-
aðili Liebherr á Íslandi, annaðist
framkvæmd Íslandsmótsins.
Það var heimamaður sem bar
sigur úr býtum og segir Ingi að sá
hafi haft svolítið forskot. „Hann
vinnur á krana með sama stýrikerfi
og kraninn sem notaður var í keppn-
inni.“ Ingi vinnur hins vegar á öðru-
vísi krana og hafði því litla reynslu
af tegundinni sem keppt var á. Eins
og gefur að skilja getur slíkt skipt
máli. Aðstæður voru góðar og veður
ágætt, þrátt fyrir fimm stiga frost.
Ingi fór ekki tómhentur heim,
hann hlaut miða á leik í Meistara-
deild Evrópu að launum og má
ráða hvaða leik hann sér. „Ég er nú
enginn sérstakur áhugamaður um
knattspyrnu en finnst gaman að
fara á völlinn,“ segir Ingi, sem hefur
hugsað sér að bregða sér utan þegar
nær dregur úrslitum, jafnvel að sjá
sjálfan úrslitaleikinn.
Evrópumeistaramótið vakti tals-
verða athygli í þýskum fjölmiðlum
enda fylgdist fjöldi blaðamanna með
gangi mála.
Ingi er staðráðinn í að koma heim
með gullverðlaunin á næsta ári enda
lítið fyrir að láta í minni pokann.
„Ég sagði við þá að ég myndi koma
aftur og ég vona að sigurvegarinn
verði líka með þá svo ég geti lagt
hann,“ segir annar besti kranastjóri
í Evrópu.
VERÐLAUNAHAFARNIR Þjóðverjinn sem
sigraði vinnur á eins krana og keppt var á
og hafði því svolítið forskot á Inga. Ingi er
til hægri á myndinni með knött í hönd.
Ingi Björnsson er annar
besti kranastjóri í Evrópu
Nýverið var nýr snjótroðari
Hjálparsveitar skáta í Reykjavík
prófaður í Bláfjöllum. Nokkrum
konum sem fluttu til landsins frá
Kólumbíu í haust var boðið með í
ferðalagið.
Spenna og eftirvænting ríkti
meðal kvennanna, sem ekki eru
vanar snjó í heitu heimalandinu.
Spennan var líka til staðar hjá
hjálparsveitarmönnunum, sem
iðuðu í skinninu að sjá hvernig nýi
troðarinn reyndist. Kom í ljós að
hann er hinn ágætasti.
Kólumbísku konurnar fluttu
til Íslands í haust en þær komu
frá flóttamannabúðum í Ekvador.
Hafa þær verið skilgreindar
„konur í hættu“ af alþjóða Rauða
krossinum. Kólumbíumennirn-
ir eru samtals 24, konur og börn
þeirra.
Koma þeirra hingað til lands
var samvinnuverkefni Rauða
krossins, Reykjavíkurborgar og
ríkisins.
JIBBÍ JEI Konunum frá Kólumbíu fannst gaman í snjónum í Bláfjöllum á dögunum enda
klæddu þær af sér kuldann. FRÉTTABLAÐIÐ/VILHELM
Sprellað í íslenskum snjó
Snjóhlébarðaynjan Samarru, sem nýr í
dýragarðinum í Sydney í Ástralíu, ól nýlega
tvo unga sem dafna afar vel. Þeir hafa
vitanlega vakið mikla athygli í heimaborg
sinni enda fátítt að snjóhlébarðaungir fæð-
ist í dýragörðum. Tæknifrjóvgun var beitt til
að koma ungunum undir og er faðirinn Leó
búsettur í dýragarði í Þýskalandi. Ungarnir
eru enn ónefndir.
Nú, er það ekki Jón
Ásgeir?
„Ég hef aðeins átt einn
leiðtoga í lífinu og hann er
Jesús Kristur.“
HREINN LOFTSSON, STJÓRNAR-
FORMAÐUR BAUGS, Í VIÐTALI VIÐ
FRÉTTABLAÐIÐ.
Kennarar gera nú
kraftaverk
„Ég er hins vegar bara
kennari en ekki kraftaverka-
maður.“
JESÚS SIGFÚS H. POTENCIANO
KENNARI Í FRÉTTABLAÐINU.
FJÖLGUN Í SYDNEY
FRÉTTABLAÐIÐ/AP
INGI BJÖRNSSON Annar
besti kranastjóri í Evrópu
að störfum.
„Héðan er bara allt ótrúlega gott að frétta,“
segir Þorsteinn Sigfússon, svæðisstjóri
Orkubús Vestfjarða á Hólmavík, og
honum er hlýtt til bæjarins. „Við segjum
aldrei neitt vont á Hólmavík. Í þau fáu
skipti sem eitthvað bjátar á þá leitum
við bara lausna á því og gerum úr því
gott.“
Þorsteinn segir ávallt vera líf og fjör
hjá Orkubúinu. „Það er nóg um að vera
og starfið hefur verið gott. Nú er allt með
venjulegasta móti í þessum bransa á Vest-
fjörðum miðað við árstíma. Við gröf-
um kannski ekki marga skurði í
frostinu en við höfum næg
önnur verkefni. Við erum
að ganga frá teikningum
og að telja vörurnar í
tilefni af áramótunum. Við
erum að byggja og við
erum að endurbæta
því allt verður að vera
í lagi svo ekkert bili.
Það fer allt á annan
endann ef orkudreif-
ingin stöðvast.“
Starfið einskorðast þó
ekki við Hólmavík. „Við
höfum verið að leggja
heimtaugar og
heimaæðar
fyrir hita-
veitur
úti
um
allar jarðir. Við vinnum auðvitað í Hólma-
vík en flækjumst líka í Reykhólasveit og
Árneshrepp.“
Aðspurður segir Þorsteinn að merkjanlegur
munur sé á orkunotkuninni um jólin og
aðra daga ársins. „Já, mikil ósköp. Vestfirð-
ingar skreyta mikið og elda enn meira. Það
ætlar allt um koll að keyra hér í raforkunotk-
un.“
Þorsteinn hefur hvorki teljanlegar áhyggjur
né er sérlega spenntur fyrir opnun raforku-
markaðarins. „Við búumst nú ekki við mikilli
samkeppni hjá okkur eftir þetta og reiknum
ekki með að margir skipti um veitu. Við veit-
um náttúrlega mjög góða þjónustu. Annars
vitum við í rauninni voða lítið og segjum þar
af leiðandi enn minna því þetta er stöðugt
að breytast.“
HVAÐ ER AÐ FRÉTTA? ÞORSTEINN SIGFÚSSON SVÆÐISSTJÓRI ORKUBÚS VESTFJARÐA
Segjum aldrei neitt vont á Hólmavík