Fréttablaðið - 16.02.2006, Blaðsíða 70

16. febrúar 2006 FIMMTUDAGUR50
1
6 7 8
10
13
119
12
15
16
18
21
20
17
14
19
2 3 4 5
SÚR HVALUR
30% afsláttur af
harðfiski og hákarli
Opið alla laugardaga 10-14
LÁRÉTT:
2 gáski 6 einnig 8 arinn 9 meðvit-
undarleysi 11 guð 12 reyna 14 langt
op 16 þreyta 17 sæ 18 fiskur 20 bor
21 hnappur.
LÓÐRÉTT:
1 rusl 3 í röð 4 pressa 5 fugl 7
sveppur 10 tæki 13 framkoma 15 lýð
16 dauði 19 tveir eins.
LAUSN:
HRÓSIÐ
...fær Baldvin Jónsson fyrir að
breyta Reykjavík í gósenland fyrir
sælkera en hann er einn af skipu-
leggjendum Food & Fun hátíðar-
innar sem haldin er í fimmta sinn
í lok febrúar.
Tónlist Undanfarið hef ég verið að
hlusta töluvert á Depeche Mode, því ég
er að fara á tónleika með þeim í Parken
í Kaupmannahöfn seinna í mánuðinum.
Annars hlusta ég á popp, rokk, djass,
klassík, R&B og já eiginlega allt nema
þungarokk.
Bók Mestallur minn tími fer í lestur í
lögfræðinni. En bækur sem hafa höfðað
sérstaklega til mín eru bækur eins og
Alkemistinn, Da Vinci lykillinn og Body
Language. Ég hef mjög gaman af bókum
með heimspekilegu ívafi, ljóðabókum
o.s.frv.
Bíómynd Síðasta bíómynd sem ég sá
var The Flightplan með Jodie Foster sem
var mjög góð að mínu mati. Annars hef
ég gaman af að horfa á þessar gömlu
góðu myndir eins Dirty Dancing, Foot-
lose, Flashdance o.fl. Mér finnst mjög
gaman og afslappandi að horfa á góða
grínmynd.
Borg Ég er mjög hrifin af London og
hún hefur verið í uppáhaldi síðustu árin.
Í dag finnst mér hins vegar Kaup-
mannahöfn alltaf verða meira og meira
spennandi. Ég hef lengi átt þann draum
að fara til Parísar og vona að sá draumur
rætist næsta sumar.
Búð Mango er ein af mínum uppáhalds-
fataverslunum og ég hef lagt töluvert á
mig til að finna slíka búð þegar ég hef
verið erlendis. Annars versla ég mikið
í verslunum eins og Karen Millen, GK,
Sand, Kulture, Zara....
Verkefni Ég er ritstjóri fyrir tímaritið
Takturinn sem er nýtt tímarit innan laga-
deildar HR og fjallar um málefni líðandi
stundar í máli og myndum, ásamt því
að vera málgagn laganema í HR. Fyrsta
tölublaðið verður gefið út í næstu viku.
Síðan er ég formaður í hinum nýstofn-
aða Stúdentadansflokki og einnig
dansari í flokknum. Æfingar hjá Stúd-
entadansflokknum hófust 1. febrúar sl.
svo það hefur verið í mörgu að snúast
undanfarnar vikur um leið og ég stunda
krefjandi laganám. Einnig er ég í ritstjórn
tímaritsins Lögréttu sem er faglegt
tímarit innan lagadeildar HR, sem birtir
ritrýndar greinar frá lögfræðingum.
AÐ MÍNU SKAPI MARGRÉT A. EINARSD., RITSTJÓRI TAKTSINS OG FORM. STÚDENTADANSFLOKKSINS
Dirty Dancing, London og Mangó
LÁRÉTT: 2 ærsl, 6 og, 8 stó, 9 rot, 11
ra, 12 prófa, 14 klauf, 16 lú, 17 sjó, 18
áll, 20 al, 21 tala.
LÓÐRÉTT: 1 sorp, 3 rs, 4 strauja, 5 lóa,
7 gorkúla, 10 tól, 13 fas, 15 fólk, 16
lát, 19 ll.
Roger Waters, fyrrverandi leiðtogi
hljómsveitarinnar Pink Floyd, held-
ur tónleika í Egilshöll 12. júní.
Þar mun hann taka öll helstu lög
Pink Floyd auk þess sem hann mun
flytja meistaraverk sveitarinnar,
Dark Side Of The Moon, í heild sinni
og í raun í lengri útgáfu en á plöt-
unni sjálfri. Waters mun jafnframt
spila um það bil helminginn af plöt-
unni The Wall.
Roger Waters var sköpunar-
krafturinn á bak við helstu verk
Pink Floyd en hann samdi alla texta
hljómsveitarinnar og um áttatíu
prósent af lögunum og er án efa
einn áhrifamesti tónlistarmaður 20.
aldarinnar. Skemmst er að minnast
þátttöku Pink Floyd með Waters inn-
anborðs á Live 8 tónleikunum síð-
asta sumar sem vakti mikla athygli.
Spratt upp orðrómur um að sveitin
ætlaði að koma saman á ný en ekki
er víst hvort af því verður.
Með Waters í för kemur hópur
valinkunnra tónlistarmanna en í
föruneyti hans verða yfir 30 manns.
Ekkert verður sparað svo þessir
tónleikar verði sem glæsilegastir
og verða m.a. risaskjáir notaðir auk
þess sem sérstakt surround-hljóð-
kerfi verður notað.
Fragtflugvél mun koma til
Íslands með 10-15 tonn af græjum
sem verða notaðar á tónleikunum
auk alls þess besta í hljómflutnings-
tækjum sem innlendir aðilar geta
útvegað.
Roger Waters, sem gefur út nýja
plötu í haust, mun aðeins halda
fimmtán tónleika á þessu ári í heim-
inum og er því um einstæðan við-
burð að ræða. - fb
Waters til Íslands
„Vertu ógesslega velkomin skil-
urrru!“ Þessi kveðja tekur á móti
öllum þeim sem heimsækja nýja
aðdáendasíðu Silvíu Nóttar, sil-
vianott.com, sem hin sautján ára
Ástrós Lilja Einarsdóttir úr Hafn-
arfirði hefur stofnað.
Yfir sex þúsund manns hafa
heimsótt síðuna síðan hún var sett
upp þann 12. febrúar sem hlýtur að
teljast mjög góður árangur.
Ýmsan fróðleik er að finna á
síðunni um þessa umdeildu sjón-
varps- og tónlistarkonu, m.a. Eur-
ovision-lagið Til hamingju Ísland,
þætti með Silvíu Nótt og viðtöl við
hana.
Hið merkilega er að Ástrós
heldur einnig úti aðdáendasíðu
Birgittu Haukdal, birgittaworld.
com, sem mun einmitt keppa við
Silvíu Nótt í úrslitakeppni Eurov-
ision á laugardaginn. Sú síða hefur
verið uppi í eitt og hálft ár og fékk
eitt sinn tvö þúsund heimsóknir á
einum og sama deginum.
Mætti því ætla að Ástrós Lilja
verði afar tvístígandi þegar kemur
að úrslitastundinni í beinni útsend-
ingu Ríkissjónvarpsins. „Ég held
bara með báðum, Birgittu og
Silvíu, og kýs þær báðar,“ segir
Ástrós Lilja. „Það má kjósa fimm
sinnum úr hverjum síma,“ bætir
hún við en segist ekki hafa ákveðið
nákvæmlega hvernig hún ætli að
framkvæma kosninguna.
Ástrós fór að sjá forkeppnina
þann fjórða febrúar þar sem þær
Silvía og Birgitta komust báðar
áfram. Hún segist hafa skemmt sér
mjög vel en því miður komist hún
ekki á lokakeppnina vegna þess að
uppselt sé á viðburðinn. Verður hún
því að láta sér nægja að fylgjast
spennt með í beinni útsendingu.
Aðspurð segist Ástrós ekki
skilja allt fjaðrafokið sem varð
þegar lagi Silvíu var lekið á netið
fyrir nokkrum vikum síðan. „Mér
finnst þetta kjaftæði. Hún lak
þessu ekki á netið sjálf. Mér finnst
að það ætti ekki að refsa henni
fyrir það ef eitthvað svona skeður,“
segir hún.
Þrátt fyrir að Ástrós sé eldheit-
ur aðdáandi Silvíu, rétt eins og
flestar vinkvenna hennar, hefur
hún ekki verið það alla tíð. „Fyrst
fór hún ógeðslega í taugarnar á
mér, ég bara þoldi hana ekki. Síðan
þegar fór að líða á þættina fór
mér að finnast hún skemmtileg og
fyndin.“
Fari svo að Silvía Nótt vinni Eur-
ovision-keppnina hér á landi eins
og margir hafa spáð á Ástrós þann
draum heitastan að sjá lokakeppn-
ina í Grikklandi í maí. „Mig lang-
ar það náttúrlega geðveikt mikið
en það kostar náttúrlega pening.
Það gæti orðið frekar erfitt,“ segir
aðdáandi Silvíu Nóttar og Birgittu
Haukdal númer eitt á Íslandi.
freyr@frettabladid.is
ÁSTRÓS LILJA: STOFNAÐI AÐDÁENDASÍÐUR SILVÍU NÓTTAR OG BIRGITTU
Ætlar að kjósa þær báðar
ÁSTRÓS LILJA Ástrós hefur umsjón með tveimur aðdáendasíðum: Silvíu Nóttar og Birgittu Haukdal. FRÉTTABLAÐIÐ/E.ÓL.
ROGER WATERS Fyrrverandi forsprakki Pink
Floyd er á leiðinni hingað til lands í sumar.
FRÉTTIR AF FÓLKI
Á þessum stað í Fréttablaðinu í gær var greint frá gremju Barts Cameron,
ritstjóra tímaritsins Reykjavík Grapevine,
í garð Baltasars Kormáks, leikstjóra,
sem átti að hafa fleygt nýjasta tölublaði
Grapevine út af Kaffibarnum vegna
neikvæðs dóms um kvikmynd hans A
little trip to heaven. Þetta segir Baltasar
hins vegar að sé af og frá, enda hefur
hann annað við tíma sinn að
gera en henda rusli út
af Kaffibarnum, sem
hann á hlut í. Þar fyrir
utan hefur Baltasar
upplýst að umrætt
tölublað Grapevine
hafi ekki borist inn á
Kaffibarinn og því hafi
ekki verið neitt
Grapevine til þess
að henda.
Tildrög fréttar-innar var tölvupóstur til blaðamanna
Fréttablaðsins frá Cameron þar sem
hann hélt þessu fram fullum fetum og
vandaði Baltasar ekki kveðjurnar með
fúkyrðaflaumi sem vart er hafandi eftir.
Hann lét þess þó getið að það væri ljóst
að „þeir sem þyrftu mest á gagnrýni að
halda gætu ekki tekið henni“. Það skýtur
því óneitanlega skökku við að í frétt á
vefnum grapevine.is í gær sór Cameron
þetta allt saman af sér og kom sökinni
alfarið á Fréttablaðið. Sagði hann að
ritstjórn Grapevine hafa haft samband
við Baltasar og komist að raun um að
hann hefði aldrei hent Grapevine út af
barnum og ekki einu sinni lesið dóminn
sem átti að hafa valdið öllu fjaðrafokinu.
Grapevine bítur svo höfuðið af skömm-
inni í niðurlagi netfréttarinnar þar sem
Fréttablaðið er sagt hafa farið með rangt
mál í mola gærdagsins þegar Cameron
var sagður „óhress“ með Baltasar. Haft
er eftir ritstjóranum að hann hafi „aldrei
verið annað en hress“. Þessi fullyrðing
hans verður þó að teljast vægast sagt
hæpin í ljósi reiðilesturs hans í áður-
nefndum tölvupósti. Hringavitleysan
hélt svo áfram; laust eftir hádegi í gær
var fréttinni á heimasíðu blaðsins breytt
og hún færð eilítið nær sannleikanum
og loks fjarlægð af heimasíðunni. Þessi
margföldu sinnaskipti Camerons hljóta
óhjákvæmilega að vekja upp spurningar
um þá blaðamennsku sem stunduð er
undir ritstjórn hans á Grapevine. Blaða-
menn Fréttablaðsins þurfa hins vegar að
bíta í það súra epli að hafa
verið gripnir í bólinu
með því að taka
Cameron trúan-
legan sem örugga
heimild, í stað þess
að fara sjálfir á
stúfana. -þþ/-bs