Fréttablaðið - 03.03.2006, Blaðsíða 6

6 3. mars 2006 FÖSTUDAGUR
ÍS
LE
N
SK
A
A
U
G
L†
SI
N
G
A
ST
O
FA
N
E
H
F.
/S
IA
.I
S
-
LY
F
31
59
4
0
3/
20
06
Allar vörur í Heil og Sæl
færðu hjá okkur
KJÖRKASSINN
Er þörf fyrir íslenskt sendiráð á
Indlandi?
Já 23%
Nei 77%
SPURNING DAGSINS Í DAG
Ertu fylgjandi byggingu álvers við
Húsavík?
Segðu þína skoðun á visir.is
KJARNORKA, AP Fulltrúar stærstu
ríkja Evrópusambandsins; Bret-
lands, Frakklands og Þýskalands,
munu funda með Írönum í Vín í
dag varðandi kjarnorkuáætlun
þeirra. Viðræðum Írana og Rússa
um sameiginlega auðgun úrans í
Rússlandi lauk á miðvikudag án
þess að dagsetning væri sett fyrir
áframhaldandi fundi. Rússar hafa
farið fram á að Íranar hætti allri
auðgun úrans á heimavelli, en
Íranar hafa ekki orðið við þeirri
beiðni. ESB-tengslahópurinn mun
væntanlega fara fram á hið sama í
dag.
Íranar óskuðu eftir fundinum
með ESB-tengslahópnum, en á
mánudag mun Alþjóðakjarnorku-
málastofnunin, IAEA, funda um
kjarnorkuáætlun Írans. Íranar
halda því fram að öll kjarnorku-
vinnsla þeirra sé eingöngu í frið-
samlegum tilgangi, en stjórn IAEA
leggur ekki fullan trúnað á það. Í
janúar samþykkti hún að vísa
málum Írans til Öryggisráðs Sam-
einuðu þjóðanna, en gaf þeim þó
frest fram á mánudag til að gera
hreint fyrir sínum dyrum.
Forsætisráðherra Kína, Wen
Jiabao, sagði í gær að enn væri
tími til að ná samkomulagi innan
IAEA um kjarnorkuáætlun Írana.
Þessu samkomulagi væri best náð
með samningaviðræðum. - smk
Íranar funda með tengslahópi Evrópusambandsins í dag:
Kjarnorkumál undir smásjá
KJARNORKA Bushehr-kjarn-
orkustöðin í Írak.
FRÉTTABLAÐIÐ/AP
MENNTAMÁL „Að komast í hóp bestu
háskóla tel ég raunhæft markmið
og í rauninni nauðsynlegt til að
viðhalda þeim uppgangi sem hér
ríkir í þjóðfélaginu,“ segir Þor-
steinn Loftsson, prófessor og
deildarforseti Lyfjafræðideildar
Háskóla Íslands.
Um það er hann sammála Ein-
ari Sigurbjörnssyni, deildarfor-
seta Guðfræðideildar, að markmið
það sem Kristín Ingólfsdóttir,
rektor Háskólans, hefur sett skól-
anum næstu árin sé raunhæft; að
komast í hóp hundrað bestu
háskóla í heiminum.
Þorsteinn segir fjármagn
standa þessu markmiði fyrir þrif-
um. „Launagreiðslur eru 90 pró-
sent kostnaðar í deildunum og
framlög hafa ekki fylgt launaþró-
un og svigrúmið er ekkert. Það er
tillit tekið til margra hluta þegar
háskólar eru metnir og Háskóli
Íslands er þar ekki mikill eftirbát-
ur á mörgum sviðum. Þessu mark-
miði er hægt að ná með því að búa
til sérstaka hernaðaráætlun þar
sem þetta er markmiðið og kvika
ekki af þeirri braut. Fáist stjórn-
völd til að aðstoða okkur er allt
hægt í þessum málum.“
Kollegi Þorsteins, Einar Sigur-
björnsson, deildarforseti Guð-
fræðideildar, tekur undir orð Þor-
steins. „Þetta er ekki jafn fjarlægt
og margur mætti ætla. Deildir
innan Háskóla Íslands eru mjög
framarlega og hróður þeirra bor-
ist víða. Samfélagið gerir kröfu
um að Háskólinn sé framarlega í
sínum flokki og með auknu fjár-
magni og stuðningi liggur leiðin
aðeins upp á við frá því sem nú
er.“
Hvorugir telja að upptaka
skólagjalda sé endilega svarið við
fjárhagsvanda skólans og gengur
Þorsteinn svo langt að segja að
umræða um þau sé hreinn leikara-
skapur. „Stjórnmálamennirnir
vísa þessu til Háskólans. Að við
eigum að taka ákvörðunina um
upptöku skólagjalda eður ei og
þetta gera þeir með því að svelta
okkur fjárhagslega. Erlendis eru
framlög til ríkisskóla hærri en
framlög til einkaskóla þar sem
einkaskólarnir geta leyft sér að
taka skólagjöld að auki en hér er
þetta öfugt. Ég tel einsýnt að
ákvörðunin um upptöku skóla-
gjalda verður að vera á Alþingi ef
af verður.“ albert@frettabladid.is
ÞORSTEINN
LOFTSSON Ekki sé
verið að byggja
loftkastala með
skýrri stefnu um
að komast í hóp
bestu háskóla
heimsins.
EINAR SIGUR-
BJÖRNSSON Form-
legar umræður um
skólagjöld hafa
ekki farið fram
innan guðfræði-
deildar enn sem
komið er.
Fjárskortur stendur
skólanum fyrir þrifum
Markmið Háskóla Íslands að komast í fremstu röð er ekki einungis lofsvert
heldur beinlínis nauðsynlegt að mati deildarforseta við skólann.
KJARAMÁL „Þetta er mitt fyrsta
barn og sú hjálp og aðstoð sem ég
hef fengið er ómetanleg fyrir
utan það öryggi sem það veitir að
vita af henni,“ segir Díana Guð-
jónsdóttir, sem eignaðist stúlku-
barn þann 27. febrúar síðastlið-
inn.
Hún var komin til síns heima
rúmum sólarhring eftir fæðing-
una undir umsjón ljósmóður en
það stendur nýbökuðum mæðrum
ekki lengur til boða vegna kjara-
deilu ljósmæðra og Trygginga-
stofnunar.
Ber mikið í milli og varð eng-
inn árangur af fundi aðila á milli í
gær þó kröfur ljósmæðranna séu
aðeins fimmtán milljónum króna
frá hæsta tilboði á ársgrundvelli.
Meðan ekki semst verða afleið-
ingarnar þær að mæður verða að
dvelja lengur á sjúkrastofnun
eftir fæðingu og búa læknar á
barnadeild sig undir örtröð vegna
þessa samkvæmt heimildum
blaðsins enda kýs meirihluti
mæðra að fara sem fyrst heim að
fæðingu lokinni og stærð vöku-
deilda spítalanna tekur mið af
því.
Að sögn Unnar Friðriksdóttur,
varaformanns Ljósmæðrafélags
Íslands, hafa þær lengi setið eftir
í kjörum og segir kröfur félags-
manna eðlilegar. „Við erum ekki
að fara fram á neitt yfirgengilegt
heldur aðeins að halda í við aðra
hópa í þjóðfélaginu en það þykir
of mikið.“ - aöe
ÓMETANLEG HJÁLP Kristín Nielsen ljós-
móðir heldur á nýfæddri dóttur Díönu.
FRÉTTABLAÐIÐ/HEIÐA
Kjaradeila ljósmæðra og Tryggingastofnunar í hnút:
Mæður verða lengur á spítala
Ekið á ljósastaur Fólksbifreið var
ekið á ljósastaur á Fitjum á Suðurnesj-
um. Hlaut ökumaðurinn minni háttar
meiðsl en bíllinn er mikið skemmdur.
Stuldur á bíl Bifreið af gerðinni
Toyota Hilux var stolið í Grindavík. Lýsir
lögreglan í Keflavík eftir vitnum eða
öðrum sem upplýsingar hafa.
LÖGREGLUFRÉTTIR
Skandinavar heim Sameinuðu þjóð-
irnar hafa beðið alla starfsmenn sína af
skandinavskum uppruna um að yfirgefa
Vesturbakkann vegna hótana sem borist
hafa um líf og heilsu skandinavískra
erindreka. Danskir fjölmiðlar telja að
hótanirnar séu til komnar vegna skopt-
eikningnanna af Múhameð spámanni
sem birtust í Jótlandspóstinum.
VESTURBAKKINN
DANMÖRK Grundfos, eitt stærsta
fyrirtæki Danmerkur, útilokar
ekki að flytja starfsemi sína frá
landinu. Ástæðan er meðal annars
ummæli Anders Fogh Rasmussen
forsætisráðherra um að sum
dönsk fyrirtæki hafi tekið fjár-
hagslega hagsmuni fram yfir mál-
frelsið í kjölfar mótmælanna í
Miðausturlöndum.
Þetta kom fram í viðtali við
stjórnarformann fyrirtækisins í
Berlingske tidende í gær. En hann
hefur áður sagst vera mótfallinn
birtingu teikninganna. Í dag starfa
um fimm þúsund manns hjá
Grundfos í Danmörku. - ks
Ósáttir við forsætisráðherra:
Grundfos íhug-
ar að flytja sig
DÓMSMÁL Íslenska ríkið skal greiða
manni er varð fyrir vinnuslysi við
störf sín fyrir varnarliðið á Kefla-
víkurflugvelli rúmar 1,4 milljónir í
bætur samkvæmt dómi Hæstarétt-
ar í gær.
Slysið varð með þeim hætti að
vinnufélagi mannsins ók lyftara á
hann og vinnufélaginn sýndi þannig
af sér gáleysi sem vinnuveitandinn
beri ábyrgð á. Fellur kostnaður á
íslenska ríkið samkvæmt varnar-
samningi Íslands og Bandaríkjanna
þó mennirnir hafi verið við störf
fyrir varnarliðið. - aöe
Ríkið dæmt skaðabótaskylt:
Fær rúmlega
milljón í bætur
PARÍS, AP Frönsk yfirvöld tilkynntu
í gær að ellefu ný tilfelli af H5N1
fuglaflensunni hefðu fundist þar í
landi. Um var að ræða hegra, önd
og níu svani.
Landbúnaðarráðherra Serbíu
tilkynnti einnig að bráðabirgða-
rannsóknir sýndu að dauðir svanir
í norðvesturhluta landsins hefðu
drepist úr H5 veirunni. Jafnframt
fundust tveir tugir fugla til við-
bótar í Svíþjóð, sem talið er að
hafi drepist úr fuglaflensu.
Enn sem komið er virðist fólk
þurfa að handleika sýkta fugla til
að smitast af veirunni, en síðan
árið 2003 hafa rúmlega 90 manns
látist úr henni í Asíu og Tyrk-
landi. - smk
Fuglaflensan:
Finnst á ný í
Frakklandi
FRANSKIR SVANIR Frönsk yfirvöld fylgjast
nú grannt með fuglum þar í landi.
MOSKVA, AP Aðalsaksóknari Rúss-
lands tilkynnti í gær að hann hefði
farið fram á að Bretar framseldu
auðkýfinginn Boris Berezovsky
sem ákærður hefur verið fyrir til-
raun til valdaráns.
Berezovsky hefur verið í sjálf-
skipaðri útlegð í Bretlandi síðan
árið 2003, en hann var mikill stuðn-
ingsmaður Borisar Jeltsín. Í við-
tali við rússneska útvarpsstöð,
sem útvarpað var í janúar, sagðist
Berezovsky vera að vinna að því
að steypa rússnesku ríkisstjórn-
inni af stóli með valdi. Verði hann
fundinn sekur, getur hann átt von
á allt að 20 ára fangelsi. - smk
Auðkýfingur ákærður:
Rússar krefjast
framsals
HÁSKÓLI ÍSLANDS Kristín Ingólfsdóttir, rektor Háskóla Íslands, vill að skólinn komist í hóp
hundrað bestu háskóla í heiminum. FRÉTTABLAÐIÐ/HEIÐA