Fréttablaðið - 03.03.2006, Blaðsíða 8

8 3. mars 2006 FÖSTUDAGUR
ATVINNUMÁL Um þrjátíu manns
hefur verið sagt upp störfum á
Hvammstanga það sem af er þessu
ári. Í síðustu viku sagði rækju-
verksmiðjan Meleyri upp öllum
starfsmönnum sínum, en þar voru
tuttugu stöðugildi.
Kaupfélag Vestur-Húnvetninga
sagði upp fimm starfsmönnum um
síðustu mánaðamót vegna breyt-
inga í rekstri. Svo hafa stjórnend-
ur Freyjuprjóns ákveðið að leggja
niður saumastofuna og því hefur
fimm starfsmönnum verið sagt
upp þar. Freyjuprjón rekur áfram
prjónastofu og þar starfa sjö.
Að sögn Arnar Gíslasonar,
vinnslustjóra á Meleyri, höfðu sex
starfsmenn þegar sagt upp áður
en til hópuppsagnarinnar kom.
Þar af voru þrír Pólverjar sem
hyggjast snúa til síns heima en
alls störfuðu fimm Pólverjar í
verksmiðjunni.
„Það má eiginlega segja að það
hafi orðið hamskipti hjá Kaupfé-
laginu,“ segir Valgerður Kristj-
ánsdóttir kaupfélagsstjóri. „Við
seldum vöruflutningadeildina
fyrir skemmstu, lögðum niður inn-
lánsdeildina sem var orðin barn
síns tíma og svo höfum selt helm-
ingshlut okkar í sláturhúsinu og
allt kallar þetta á breytingar á
rekstrinum,“ bætir hún við.
Að sögn Stefáns Eiríkssonar
framkvæmdastjóra flytur Freyju-
prjón aðallega út voðir til Rúss-
lands en þarlendir taka þátt í
rekstri fyrirtækisins.
„Við höfum vissulega nokkrar
áhyggjur af atvinnumálunum en
hins vegar eru einnig tækifæri í
sjónmáli sem við bindum talsverð-
ar vonir við,“ segir Skúli Þórðar-
son sveitarstjóri. „Þar vil ég nefna
flutning Fæðingarorlofssjóðs
hingað í Húnavatnssýslu sem
félagsmálaráðherra hefur ráðgert
í lok þessa árs. Síðan hefur verið
mikil uppbygging í ferðaþjónust-
unni í dreifbýlinu hér í kring og
við vonumst til að sem flest
atvinnutækifæri skapist þar. Svo
eru tvö stór ferðaþjónustuverk-
efni í gangi sem við bindum mikl-
ar vonir við en það er Selasetrið
og svokallað Grettistak sem er
mikið verkefni sem verið er að
vinna að.“
Einnig er fyrirhugað að hefja
átöppun og útflutning á vatni frá
Hvammstanga. jse@frettabladid.is
Þrjátíu hafa misst vinnuna á
Hvammstanga frá áramótum
Sveitarstjórinn á Hvammstanga hefur áhyggjur af atvinnumálum í bænum. Síðan um áramót hafa um
þrjátíu manns misst vinnuna. Vonast er til að starfsemi Fæðingarorlofssjóðs verði flutt á Hvammstanga.
VALGERÐUR KRISTJÁNSDÓTTIR Kaupfélags-
stjórinn segir að fimm starfsmönnum hafi
verið sagt upp vegna breytinga.
FRÁ HVAMMSTANGA Íbúar á Hvammstanga hafa þurft að þola þungar raunir á þessu ári en
eitt fyrirtæki hættir senn rekstri og tvö önnur hafa fækkað starfsfólki. Uppsagnirnar eru því
orðnar um þrjátíu á þessu ári.
STRASSBORG, AP Evrópuríki þurfa
strangari reglur um eftirlit með
leyniþjónustum sínum og betra
eftirlit með erlendum útsendurum
sem starfa innan landamæra
þeirra. Þetta sagði Terry Davis,
forseti Evrópuráðsins, þegar hann
kynnti skýrslu ráðsins um fanga-
flug bandarísku leyniþjónustunn-
ar CIA í Strassborg á miðvikudag.
Rannsóknin leiddi ekki í ljós
neinar óyggjandi sannanir fyrir
því að bandaríska leyniþjónustan
CIA hefði starfrækt leynileg fang-
elsi í Evrópu fyrir meinta fylgi-
smenn al-Kaída. Hún leiddi hins
vegar í ljós að víða væri pottur
brotinn.
Davis sagði ljóst að löggjöf um
leyniþjónustur væri víða ófull-
nægjandi. Ætti það hvorttveggja
við um leyniþjónustur viðkomandi
landa og eftirlit með erlendum
erindrekum. Hann sagði jafn-
framt að nær ómögulegt væri
fyrir stjórnvöld í aðildarríkjunum
að vita hvort Mannréttindasátt-
máli Evrópu væri brotinn með
flugi um lofthelgi þeirra.
Evrópuráðið krafði ríkisstjórn-
ir allra aðildarríkja sinna um svör
við spurningum um löggjöf þeirra
og vitneskju um fangaflug CIA.
Íslensk stjórnvöld svara því til að
engin sértæk löggjöf sé um eftirlit
með erlendum útsendurum. Þá
segjast þau enga vitneskju hafa
um að nokkur opinber starfsmað-
ur eða embættismaður hafi hjálp-
að til við fangaflug. Þess vegna
hafi ekki þótt ástæða til að hefja
opinbera rannsókn. ■
TERRY DAVIS Forseti Evrópuráðsins kynnir
skýrsluna í Strassborg. FRÉTTABLAÐIÐ/AP
Niðurstaða rannsóknar Evrópuráðsins á meintu fangaflugi CIA:
Eftirliti er víða ábótavant
SVEITARSTJÓRNARKOSNINGAR Próf-
kjör framsóknarfélaganna í Mjóa-
fjarðarhreppi, Fjarðabyggð og á
Fáskrúðsfirði og Stöðvarfirði
verður haldið 4. mars næstkom-
andi. Prófkjörið er bindandi fyrir
fjögur efstu sætin.
Guðmundur Þorgrímsson, Sig-
rún Júlía Geirsdóttir og Þorberg-
ur Hauksson bjóða sig fram í
fyrsta sæti listans. Eiður Ragnars-
son býður sig fram í fyrsta til
annað sæti og Líneyk Anna Sæv-
arsdóttir í annað til þriðja sæti.
Jóhanna Guðný Halldórsdóttir
býður sig fram í fjórða sæti. Taln-
ing fer fram á Hótel Reyðarfirði
að kvöldi kjördags. - shá
Framsóknarflokkurinn:
Prófkjör á
Austurlandi
Heimilisofbeldi algengt Heimilisof-
beldi er vandi í Kína sem annars staðar.
Ný könnun bendir til að slíkt ofbeldi
tíðkist á minnst 30 prósentum heimila
í landinu og að gerræðismennirnir séu í
90 prósentum tilfella karlmenn.
Innflutningur margfaldast
Kínversk stjórnvöld gera ráð fyrir að
innflutningur til landsins muni tvöfaldast
á næstu fimm árum. Meirihlutinn mun
koma frá nágrannalöndum í Asíu.
KÍNA
Lögreglan skoðar málið Grunur
verkalýðshreyfingarinnar um að Litháum
við störf við Dugguvog 10 í Reykjavík sé
ekki borgað samkvæmt kjarasamning-
um er til rannsóknar hjá rannsóknarlög-
reglunni.
VINNUMARKAÐUR
Stofnfrumur ekki til gagns Stofn-
frumumeðferð gerir ekkert gagn fyrir
þá sem eru á batavegi eftir hjartaáfall
samkvæmt nýrri könnun. Eldri kannanir
bentu til að stofnfrumur hjálpuðu við
endurnýjun hjartans og blóðstreymis
um það.
Ný tegund farsíma Motorola hefur
tryggt sér einkarétt á farsíma með
innbyggðum gítar. Verður hann eins
og gítar í laginu og hægt að plokka
lyklaborðið eins og strengi á raunveru-
legum gítar.
VÍSINDAFRÉTTIR
Lík finnast Öryggissveitir fundu lík
29 hermanna og grunaðra uppreisnar-
manna í Nepal á miðvikudag, eftir að til
skotbardaga kom þeirra í millum daginn
áður. Ofbeldisalda hefur gengið yfir
Nepal síðan vopnahléi lauk þar í landi
fyrr í vetur.
NEPAL
VEISTU SVARIÐ?
1 Hvað heitir fyrirtækið sem hefur hug á að reisa álver við Húsavík?
2 Hver er formaður Neytendasam-takanna?
3 Hver er höfuðborg Írans?
GAZA-BORG, AP Einn helsti for-
sprakki herskáu hreyfingarinnar
Heilagt stríð íslams fórst þegar
bíll hans sprakk í Gaza-borg á mið-
vikudag.
Hreyfingin kenndi Ísraelsher
um og hótaði hefndum, en tals-
menn Ísraelshers sögðu herinn
ekki hafa komið nálægt tilræðinu.
Talsmenn Ísraelshers hafa hingað
til verið fljótir að taka ábyrgð á
því þegar þeir drepa forsprakka
herskárra hreyfinga Palestínu-
manna. Maðurinn sem fórst, Khal-
ed Dahdouh, er sagður hafa lifað
níu tilræði Ísraelshers af og hafa
stjórnað daglegum eldflaugaárás-
um hreyfingarinnar á Ísrael.
Hreyfingin Heilagt stríð íslams
hefur ekki haldið vopnahléið sem
ríkt hefur síðastliðið ár, og sem
Hamas-hreyfingin, sem nú stend-
ur í stjórnarmyndun í Palestínu,
hefur virt.
Jafnframt lét einn ísraelskur
landtökumaður lífið og tveir særð-
ust í tveimur skotárásum í gær.
Árásirnar eru raktar til herskás
arms Fatah-hreyfingarinnar sem
palestínski forsetinn Mahmoud
Abbas tilheyrir.
Ísraelsher og landtökumenn
yfirgáfu Gaza-svæðið síðastliðið
sumar, eftir 38 ára hersetu. - smk
Foringi herskárrar hreyfingar drepinn á Gaza:
Ísraelsher segist
ekki ábyrgur
BÍLSPRENGJA Palestínskur lögreglumaður reynir að slökkva eld í bíl sem sprakk og varð
einum manni að bana í Gaza-borg. FRÉTTABLAÐIÐ/AP
Ársfundur 2006
SVÖR Á BLS. 54