Fréttablaðið - 03.03.2006, Blaðsíða 70

3. mars 2006 FÖSTUDAGUR54
1
6 7 8
10
13
119
12
15
16
18
21
20
17
14
19
2 3 4 5
opið alla laugardaga 10-14
GLÆNÝ LÚÐA
SKÖTUSELUR
TÚNFISKUR
1 dálkur 9.9.2005 15:17 Page 2
LÁRÉTT 2 himinn 6 klukka 8 kletta-
sprunga 9 ætt 11 málmur 12 óróleg 14
splæs 16 í röð 17 horfðu 18 hætta 20
tveir eins 21 merki.
LÓÐRÉTT 1 lummó 3 einnig 4 lögtak 5
blekking 7 heimilistæki 10 gagn 13 fljót-
færni 15 gorta 16 auð 19 númer.
LAUSN
HRÓSIÐ
...fær Dorrit fyrir að koma vel
fyrir í tímaritinu Singapore Tatler.
LÁRÉTT: 2 loft, 6 úr, 8 gjá, 9 kyn, 11 ál, 12
ókyrr, 14 stang, 16 tu, 17 sáu, 18 ógn, 20
mm, 21 mark.
LÓÐRÉTT: 1 púkó, 3 og, 4 fjárnám, 5 tál, 7
ryksuga, 10 nyt, 13 ras, 15 guma, 16 tóm,
19 nr.
Reykjavíkurnætur í janúar og febrúar eru víst alveg
jafn mikið í frásögur færandi og aðrar nætur ársins.
Ég hafði greinilega rangt fyrir mér að halda að
þessir mánuðir væru góðir til að taka frí frá skrifum.
Ég hélt nefnilega að flestir Reykvíkingar hefðu
óeðlilega lágan púls á þessum tíma og væru allir
í fýlu. Svo er hreint alls ekki! Ekki nóg með það
heldur tók bróðurpartur vinkvenna minna upp á
því, um og eftir jólin, að hætta með kærustum
sínum. Þar af leiðandi er sko heldur betur nóg fyrir
mig að smjatta á næstu föstudaga. Takk fyrir það!
Held að það sé vel við hæfi að byrja á enn einni
hrakfallasögunni. Um jólahátíðina var ein þessarra
góðu kvenna á leiðinni í svaka fínt boð. Hún var
í dröppuðum topp og vildi halda elegansinum
og vera í samlitum brjóstahaldara. Málið var þó
að þessi ákveðni brjóstahaldari var ekki „undra“
og gerði lítið fyrir brjóstin hennar sem höfðu því
miður allt að því horfið í „reboundmegruninni“. Í
því skyni að krydda aðeins til á þessu svæði kippti
hún litlum púðum úr öðrum og smellti inn fyrir.
Þetta áhættuatriði tókst svo vel til að hún nældi
sér í einn vel byggðan læknanema og skellti sér
með honum heim. Eftir nokkur glös um kvöldið
og undir áhrifum ómældrar gleði gleymdi hún
stund og stað og brjóstahaldarapúðunum. Þegar
hiti hafði færst í leikinn smellti hann af henni
haldaranum sem studdi við þessi þrýstnu og djúsí
brjóst. Þegar honum hafði tekist að vippa honum
af henni duttu púðarnir hallærislega hægt á gólfið
og eftir stóðu pínulítil krúttin. Einu viðbrögðin sem
hún fékk upp úr sér var að beygla á sér munninn.
Þá brá hún á það ráð að bleyta varirnar og setja á
þær stút. Morgunninn eftir var vandræðalegur að
vanda. Hún staulaðist á lappir um hádegið og fór
að búa sig undir að strjúka. Þegar hún hafði fundið
fötin sín, báða sokkana, eyrnalokkana og var viss
um að hún hefði engin ummerki skilið eftir sig,
hentist hún fram á gang í skóna og hringdi á
leigubíl. Þegar leigubíllinn var að renna í hlað
birtist náunginn í anddyrinu. Með bros á
vör spurði hann hvort hún væri kannski
að gleyma einhverju. Að sjálfsögðu stóð
tungan í henni svo hún splæsti í hann
einu krúttubrosi og kippti af honum
púðunum. Það sem stóð eftir hjá mér
eftir frásögnina var þessi spurning: Vita
menn að við notum ótrúlegustu hluti til
að lúkka eftir þeirra höfði án þess að það
sé endilega svo, eða sjá þeir okkur sem
algera glæpona og finnst þeir illa sviknir
þegar heim er komið? Svo er hin spurn-
ingin: Myndu þeir ekki gera það sama ef
það væri samþykkt í samfélaginu? Ég segi:
Verum eins og okkur líður best og ef það er
álitið sem svik og landráð þá er ráð að setja
punktinn yfir i-ið hvort eð er!
REYKJAVÍKURNÆTUR HARPA PÉTURSDÓTTIR VELTIR AUKAHLUTUM FYRIR SÉR
Svik eða sexí?
Leikarinn Benedikt Erlingsson
mun frumsýna einleikinn Mr.
Skallagrímsson hinn 13. maí í til-
efni af opnun Landnámssetursins í
Borgarnesi auk þess sem hann er
hluti af Listahátíð í Reykjavík.
Einleikurinn er byggður á
Egilssögu og innblásinn af sagna-
hefð sögualdar á Íslandi. Mark-
miðið er að vekja áhuga áhorfenda
á að lesa Egilssögu og aðrar Íslend-
ingasögur. Er verkið ætlað full-
orðnum og börnum allt frá átta ára
aldri.
„Þetta er einleikur með sjálfum
mér í öllum hlutverkum þar sem
ég ætla að reyna að segja sögu
Egils Skallagrímssonar,“ segir
Benedikt. „Ég hef einu sinni áður
staðið fyrir þjóðlegri sagna-
skemmtun og hún stóð yfir í tvö og
hálft ár og endaði sem sjónvarps-
skemmtun,“ segir hann í léttum
dúr og á þar við leikritið Orms-
tungu sem sló rækilega í gegn á
sínum tíma.
Benedikt segist ekki vita hversu
mörg hlutverk hann muni leika í
einleiknum. „Ég á eftir að telja
hlutverkin. Ég verð að segja alla
þessa rosalegu sögu og hef bara
tvo tíma til þess. Fólk þarf að
keyra í Borgarnes til að sjá þetta
þannig að ég þarf af standa mig og
ljúka mér af á réttum tíma svo að
fólk geti komist heim á skikkan-
legum tíma,“ segir hann.
Þrátt fyrir að Benedikt sjái einn
um öll hlutverkin í sýningunni
verða þekktir fagmenn honum til
halds og trausts. Leikstjóri verður
Peter Engkvist sem einnig stýrði
Ormstungu, Mugison mun semja
tónlistina við verkið og Ragnar
Kjartansson listamaður mun sjá
um leikmynd en Kjartan Ragnars-
son faðir hans er frumkvöðullinn
að gerð einleiksins ásamt eigin-
konu sinni Sigríði Margréti.
„Egill er fyrsta kynslóð af
Íslendingi og saga hans tengist
landnámssögunni,“ segir Bene-
dikt. „Ég ætla ásamt fleiri sagna-
mönnum að standa fyrir skemmt-
un í Landnámssetrinu og það er
eiginlega mín höfuðlausn að gera
þessa sýningu,“ bætir hann við og
hlær. „Það eru tíu ár síðan ég frum-
sýndi Ormstungu og þetta er svona
„kommbakk“.“ Aðspurður segist
hann fremur vera angistarfullur
en spenntur að ráðast í þetta viða-
mikla verkefni.
Benedikt hefur búið í Dan-
mörku að undanförnu og er um
þessar mundir að fara að leika í
nýjustu mynd hins umdeilda Lars
Von Trier, Direktören for det hele,
ásamt leikstjóranum Friðriki Þór
Friðrikssyni.
Tökur á myndinni, sem fjallar
um innrás íslenskra kaupsýslu-
manna í danskt efnahagslíf, hefj-
ast á mánudaginn. Segist Benedikt
mjög spenntur fyrir því að vera
loksins að verða skandinavísk
kvikmyndastjarna. freyr@frettabladid.is
BENEDIKT ERLINGSSON: FRUMSÝNIR EINLEIKINN MR. SKALLAGRÍMSSON
Þetta er mín höfuðlausn
BENEDIKT ERLINGSSON Benedikt Erlingsson hefur samið einleikinn Mr. Skallagrímsson
sem verður frumsýndur 13. maí. FRÉTTABLAÐIÐ/HEIÐA
Svör við spurningum á síðu 8
1 Alcoa.
2 Jóhannes Gunnarsson.
3 Teheran.
[ VEISTU SVARIÐ ]
FRÉTTIR AF FÓLKI
Franska söngkonan Keren Ann, sem er í dúettn-
um Lady & Bird ásamt
Barða Jóhannssyni,
hefur verið hér á landi
undanfarna daga til
að taka upp ný lög
með Barða. Ekki er víst
hvenær önnur plata
dúettsins kemur út en sú
fyrsta leit dagsins ljós fyrir
þremur árum við góðar undirtektir.
Landsliðsfyrirliðinn Eiður Smári Guðjohnsen og eiginkona hans,
Ragnhildur Sveinsdóttir, eignuðustu
sinn þriðja strák á miðvikudaginn. Eiður
Smári var í eldlínunni með landslið-
inu á þriðjudagskvöldið þegar það
tapaði fyrir Trínidad og Tóbagó og bar
nýburinn greinilega hag föður síns fyrir
brjósti, beið með að koma í heiminn
þar til dómarinn hafði flautað leikinn
af. Drengurinn er ljóshærður og vó 3,6
kíló en mæðginunum heilsast vel. Eiði
gefst þó ekki mikill tími til
að vera með drengnum
nýfædda því hann er á
leið til Barcelona ásamt
félagsliði sínu Chelsea.
Þar verður á brattann
að sækja því liðið
tapaði heima 2-1.
Alþingismaðurinn og ofurbloggar-inn Össur Skarphéðinsson hefur
tekið góða spretti á heimasíðu sinni
en hann náði nýjum og áður óþekkt-
um hæðum með Afríkupistlum sínum
sem hann skrifaði frá Tógó. Stílfimi og
frásagnargáfa Össurar naut sín í botn
um litla drenginn Dieudonné, eða Gjöf
Guðs, sem hann kynntist á barnaheimili
Spes-samtakanna í Tógó. Þeir bundust
slíkum tilfinningaböndum að
Össur virðist hafa átt erfitt
með að slíta sig frá honum
og þegar heim til Íslands
var komið skrifaði hann
saknaðarfullan pistil um
Donna sinn, eins og
hann kallaði snáðann,
og lýsir hvernig Donni
litli hljóp til hans í hvert skipti sem
Össur kom á heimilið. Rithöfundar
og bókmenntaspekingar hafa keppst
við að lofa þennan pistil Össurar og
þannig segir til dæmis Illugi Jökulsson í
athugasemdakerfi síðu Össurar að hann
megi eiga það að „þessi texti um hann
Donna er einhver sá fegursti sem ég hef
lengi lesið. Og hefðu ýmis Nóbelsskáld
mátt gefa af sér fingur til að festa viðlíka
á blað.“ Sjálfur hefur Össur sagt vinum
sínum að hann hafi heillast svo gersam-
lega af svörtu Afríku að hann hyggi senn
á aðra för - og vilji helst ekkert koma
heim aftur. fb/fgg/þþ
Björn Stefánsson, trommuleikari
Mínus, hefur verið valinn fjórði
besti trommari sögunnar af hinu
virta rokktímariti MetalHammer.
Efstur á listanum er Corey
Taylor úr Slipknot, Nico McBrain
úr Iron Maiden er í öðru sæti og
Lars Ulrich úr Metallica í því
þriðja. Lesendur tímaritsins stóðu
að kosningunni og því verður þetta
að teljast mikill heiður fyrir
Bjössa.
„Þetta er hálfspes og eiginlega
bara ótrúlegt,“ segir Bjössi. „Ég
er búinn að fylgjast með þessu
blaði og þessum árslistum síðan
ég var tólf ára og þetta er frekar
mikið sjokk,“ segir hann. „Lars
Ulrich er ástæðan fyrir því að
maður fór að gera þetta sem
maður er að gera í dag og maður
hlustaði ekki á annað en Metallicu
á sínum tíma. Síðan er hann þarna
rétt fyrir ofan mig.“
Bjössi byrjaði að tromma þegar
hann var tólf ára en segist hafa
séð ljósið þegar hann var fimmtán
og hefur varla gert annað síðan.
Hann segir í léttum dúr að nú sé
stefnan sett á að komast á topp
listans. „Það þýðir ekkert annað.
Núna verður maður bara að halda
áfram en maður verður fyrst að
melta þetta aðeins sjálfur.“
Fjórða breiðskífa Mínus er í
vinnslu og mun sveitin að öllum
líkindum klára hana í næsta mán-
uði. - fb
Fjórði besti trommari sögunnar
BJÖSSI Í MÍNUS Trommuleikarinn knái
hefur verið valinn fjórði besti trommari
sögunnar. FRÉTTABLAÐIÐ/HEIÐA