Fréttablaðið - 05.05.2006, Síða 12

5. maí 2006 FÖSTUDAGUR
BANDARÍKIN, AP Mannréttindasam-
tökin Amnesty International saka
Bandaríkin um að hafa ekki aflagt
pyntingar á föngum í tengslum
við stríð sitt gegn hryðjuverkum.
„Vísbendingar halda áfram að
skjóta upp kollinum um að víð-
tækar pyntingar og önnur ómann-
úðleg eða niðurlægjandi meðferð
sé stunduð á föngum í haldi
Bandaríkjanna í Afganistan,
Guantanamoflóa á Kúbu, Írak og
víðar,“ segir í skýrslu samtak-
anna til nefndar á vegum Sam-
einuðu þjóðanna gegn pynting-
um.
Á fundi nefndarinnar, sem
hefst í Genf í næstu viku, verður
fjallað um það hvernig Bandaríkin
hafa staðið sig í að framfylgja
ákvæðum alþjóðasamnings Sam-
einuðu þjóðanna gegn pyntingum
og öðrum grimmilegum aðferðum
við refsingar.
Amnesty fullyrðir í skýrslunni
að engir háttsettir bandarískir
yfirmenn hafi verið dregnir til
ábyrgðar fyrir þau dæmi sem
komið hafa fram í dagsljósið um
pyntingar eða slæma meðferð á
föngum.
„Þótt Bandaríkjastjórn haldi
áfram að fordæma pyntingar og
illa meðferð eru þessar yfirlýsing-
ar ekki í samræmi við það sem
tíðkast í reynd,“ segir Curt Goer-
ing, aðstoðarframkvæmdastjóri
Amnesty International í Banda-
ríkjunum. - gb
FANGELSIÐ Í GUANTANAMO Á KÚBU
Bandaríkjamenn eru sakaðir um að stunda
enn pyntingar og illa meðferð á föngum.
Amnesty International ásaka bandarísk stjörnvöld:
Hafa ekki stöðvað pyntingar
SKIPULAGSMÁL Ragnar Sverrisson,
talsmaður verkefnisins Akureyri í
öndvegi, segist reiður Samfylk-
ingunni á Akureyri fyrir að vilja
hverfa frá gerð sjávarsíkis í
miðbæ Akureyrar. „Þetta er
ekkert annað en skemmdar-
verk á verðlaunatillögunni og
til þess fallið að fæla öfluga
fjárfesta frá aðkomu að upp-
byggingu miðbæjarins,“
segir Ragnar.
Ásgeir Magnússon
skipar fjórða sæti á
framboðslista Samfylk-
ingarinnar á Akureyri
og í kosningablaði Sam-
fylkingarinnar segir
hann gerð sjávarsíkis
ekki á forgangslista
flokksins. Jafnframt segir hann
kostnað við gerð síkisins geta
numið allt að milljarði króna.
Ragnar segir kostnaðarhug-
myndir Samfylkingarinnar frá-
leitar. „Heildarkostnaður við
gerð bátaskurðarins fer ekki
yfir 250 milljónir króna sam-
kvæmt útreikningum Siglinga-
stofnunar. Samfylkingin fer því
með hreint bull og er að
stefna þessu verkefni í
voða,“ segir Ragnar.
- kk
Talsmaður Akureyrar í öndvegi ævareiður Samfylkingu:
Fæla fjárfesta
frá miðbænum
RAGNAR SVERRISSON Tals-
maður Akureyrar í öndvegi
segir Samfylkinguna fara
með bull varðandi kostnað
við gerð sjávarsíkis í miðbæ
Akureyrar. FRÉTTABLAÐIÐ/KK
LÖGREGLUMÁL Aldís Þorbjarnar-
dóttir, fimmtug kona í Kópavogi,
segir leigubílstjóra hafa valdið því
að hún fótbrotnaði illa aðfaranótt
sunnudags. Bílstjórinn segir atvik-
ið hafa verið hreint óhapp, byggt á
mistökum af sinni hálfu. Konan
ætlar að kæra.
„Þetta var dýr leigubíll, í þess
orðs fyllstu merkingu,“ segir Aldís,
sem nú er í gifsi frá tám og upp að
hné á hægri fæti. „Ég fór í leikhús
á laugardagskvöldið og síðan út að
skemmta mér og neytti áfengis
eins og gerist og gengur. Ég var
svo á gangi upp Laugaveginn þegar
leigubíllinn var stöðvaður hjá mér,
án þess að ég veifaði. Skömmu
síðar veifaði ég bíl og þá var sami
bíllinn kominn aftur. Bílstjórinn ók
mér heim, en þegar til átti að taka
var ég ekki með nema 1000 krónur
handbærar, þar sem ég hafði skilið
greiðslukortin mín eftir heima. Ég
sagði við bílstjórann í gríni, um
leið og ég rétti honum forláta silfur-
hring sem ég hafði fengið í fimm-
tugsafmælisgjöf, að það væri best
að hann tæki hringinn sem trygg-
ingu, meðan ég skytist inn eftir
korti til að greiða eftirstöðvarnar,
sem voru 950 krónur.“
Aldís kveðst síðan hafa stigið út
úr bílnum. Hafi þá ekki skipt nein-
um togum, bílstjórinn hefði komið
út, sagt sér að „svona tíðkaðist ekki
hér,“ og hrint sér þannig að hún féll
við í götuna.
„Ég fékk lost við sársaukann
þegar fóturinn kubbaðist í sundur
og missti meðvitund,“ segir Aldís.
„Vitni var að þessum atburði sem
hringdi strax í lögreglu og sjúkra-
bíl. Þann tíma sem ég lá þarna stóð
bílstjórinn ógnandi yfir mér og
skipaði mér í sífellu að koma með
peningana.“ Aldís var flutt á
sjúkrahús þar sem gerð var bráða-
aðgerð á fæti. Spengja þurfti tví-
brotið beinið og negla saman á
tveimur stöðum, að því er sést á
röntgenmynd. Hún verður frá
vinnu í þrjá mánuði og síðan tekur
við endurhæfing.
„Ég er einstæð móðir með tvö
börn og missi nú margra mánaða
laun, auk aukavinnunnar sem ég
hef tekið,“ segir Aldís. Silfurhring-
inn kveðst hún ekki hafa fengið
aftur, en bílstjórinn segist ekkert
kannast við þann þátt frásagnar-
innar.
Sæmundur Kr. Sigurlaugsson,
framkvæmdastjóri Hreyfils Bæj-
arleiða, segir atvik af þessu tagi
algert einsdæmi. Leigubílstjórarn-
ir ráði sjálfir afleysingamenn á
sína bíla, en stöðin komi þar hvergi
nálægt. jss@frettabladid.is
Sakar leigubílstjóra
um tvöfalt fótbrot
Aldís Þorbjarnardóttir, fimmtug kona í Kópavogi, sakar leigubílstjóra um
að hafa valdið tvöföldu fótbroti. Bílstjórinn segir slysið óhapp. Aldís, sem er
óvinnufær, ætlar að kæra málið til lögreglu.
FÓTBROTIN EFTIR BÍLFERÐ
Aldís ætlar að kæra til
lögreglunnar í Kópavogi,
en hjá rannsóknardeildinni
þar fengust þær upplýs-
ingar að skýrsla um málið
væri tilbúin og konan hefði
boðað skriflega kæru.
550 5000
AUGLÝSINGASÍMI