Fréttablaðið - 25.05.2006, Page 48

FIMMTUDAGUR 25. maí 2006 11
Á leið okkar að betri heilsu
(hvert svo sem markmiðið er)
gleymum við oft að staldra við
og taka stöðuna, sérstaklega á
því sem vel hefur verið gert.
Auðvitað er gott að vera metn-
aðargjarn og vilja frábæran
árangur, en það er einnig mjög
mikilvægt að fagna góðum
árangri. Í stað þess að sjá alltaf
það neikvæða við far okkar og
útlit skulum við, hér og nú, leiða
hugann að því hvað við höfum
ótrúlega margt til brunns að
bera. Það er ekki egóismi eða
sjálfhverfa að telja upp kosti
sína og segja þegar maður lítur í
spegil: Mikið líturðu nú vel út!
Málið er að hugsunin um okkur
sjálf endurspeglast í framkomu
okkar og fasi og því er erfiðara
að vera geislandi glaður ef
maður sér fáa af þeim frábæru
eiginleikum sem maður hefur
og er sífellt að óska þess að vera
annar en maður er. Oft er hugs-
un okkar um eigið ágæti og útlit
mjög brengluð og óheilbrigð og
vekur lítið annað en vanlíðan og
vesæld. Hvort sem okkur líkar
betur eða verr hefur annað fólk
áhrif á okkur í einhverjum mæli
og því er mikilvægt að fyrir-
myndir okkar séu af heilbrigð-
um toga. Þá meina ég ekki endi-
lega að fyrirmyndir okkar þurfi
að vera íþróttamenn, heldur að
þær séu raunverulegar.
Tískuheimurinn er hættulegur
Þegar við flettum erlendum
slúðurblöðum sjáum við fjöld-
ann allan af frægu fólki, ekki
síst konum sem margar hverjar
líta óaðfinnanlega út. Sérstak-
lega í auglýsingum enda eru
þær ekki raunverulegar heldur
búnar til. Við konurnar könn-
umst líklega margar hverjar
við að vilja vera með einhver
brjóst, rass eða læri sem við
sjáum í þessum blöðum og
berum okkur saman við Holly-
wood-stjörnur. Margar þeirra
eru reyndar allt of grannar og
lifa í þeim óheilbrigða gervi-
heimi að frægð og heróínlegt
útlit skipti meira máli en góð
heilsa, lífsgæði og langlífi. Velt-
um því aðeins fyrir okkur af
hverju við viljum vera þær?
Hver segir að þeim líði betur en
þér? Hver segir að líf þeirra sé
betra? Ert það þú sjálf, af því
að hún á meiri af peningum en
þú og er með minni rass og
stærri brjóst? Og hver segir að
hamingja og velgengni felist í
þessum þáttum? Byggist slíkt
ekki frekar á athöfnum þínum á
hverjum degi, umönnun þinni á
sjálfum þér og öðrum og mátu-
legri hugarró um eigið ágæti?
Hættum þessu bulli og slepp-
um takinu á öfundinni og nei-
kvæðum hugsunum um okkur
sjálf. Hrósum hvert öðru fyrir
útlit, jafnt sem afrek og vin-
skap, og dagurinn verður svo
miklu auðveldari og skemmti-
legri.
Kveðja, Borghildur
Slæmt að vilja vera
annar en maður er
Heilbrigð sál
BORGHILDUR SVERRISDÓTTIR
EINKAÞJÁLFARI OG B.A. Í SÁLFRÆÐI
Flestum skólabörnum á höfuð-
borgarsvæðinu líður vel í skól-
anum. Samvera með fjölskyldu
og vinum og hrós frá kennurum
skipta þau miklu máli.
Rannsókn og greining gerði nýver-
ið könnun á líðan um fjögur þús-
und nemenda á höfuðborgarsvæð-
inu. Samkvæmt niðurstöðum líður
um 78 prósentum grunnskólanema
í 5. til 7. bekk frekar eða mjög vel
í skólanum. 15 prósent þeirra
sögðust líða hvorki vel né illa. Um
62 nemendur, eða um eitt og hálft
prósent sagðist líða mjög illa.
Þeir þættir sem hafa mest áhrif
á líðan skólabarnanna eru sam-
vera með fjölskyldu annars vegar
og vinum hins vegar. Samvera
með vinum virtist skipta meira
máli eftir því sem börnin urðu
eldri. Þeir nemendur sem leið best
í skólanum sögðust í yfir 90 pró-
sentum tilvika vera oft eða stund-
um með vinum sínum í frítíma en
hlutfall þeirra barna sem leið illa
var aðeins 63 prósent.
Gleðitíðindin eru að miklum
meirihluta skólabarna líður vel í
skólanum. Einnig vakti athygli að
yngri börn bæði stríða meira og
verða meira fyrir stríðni og mesta
stríðnin fer fram á skólalóðinni og
í frímínútum. Einnig hefur hrós
frá kennara mikil áhrif á líðan
skólabarnanna mun meira en hrós
frá öðrum fullorðnum. - joa
Vellíðan skólabarna
Stríðni er mest á meðal barna í yngri bekkjum og er algengust á skólalóðinni. Meirihluta
skólabarna líður vel í kennslustundum og í frímínútum.
WHO er með til athugunar
hvort fuglaflensa hafi smitast á
milli manna.
Alþjóða heilbrigðismálastofnunin
rannsakar nú hvort átta manna
fjölskylda í Indónesíu hafi smitað
hvert annað af fuglaflensu. Aldrei
hafa svo margir smitast af fugla-
flensunni á einum og sama staðn-
um. Ekki er vitað til þess að fólkið
hafi komist í snertingu við sýkta
fugla eða dýr og veldur það
áhyggjum meðal starfsmanna
Alþjóða heilbrigðismálastofnun-
arinnar. Komi í ljós að veiran hafi
ekki borist í fólkið gegnum sýkt
dýr mun þetta verða fyrsta tilfell-
ið þar sem fuglaflensuveiran
hefur borist á milli manna.
Áfram er leitað að mögulegum
dýrasmitbera, en meðan hann
finnst ekki eru veikindi fjölskyld-
unnar meðhöndluð sem stökk-
breytt útgáfa af fuglaflensuveir-
unni, sem getur borist á milli
manna.
Frétt fengin af doktor.is.
Óttast að smit hafi
borist milli manna
Fuglaflensa hefur greinst í átta manna fjölskyldu í Indónesíu. Ekki er útilokað að veiran hafi
smitast milli manna.
brúðkaup
1 dálkur 9.9.2005 15:21 Page 8
1 dálkur 9.9.2005 15:21 Page 8