Fréttablaðið - 03.09.2006, Side 12

3. september 2006 SUNNUDAGUR12
Hjónin Bogi Jónsson og Narumon Sawangjaitham búa að Hliði á Álftanesi og
hafa þar byggt upp staðinn á undan-
förnum árum en Hlið hafði áður
verið eyðibýli um nokkurt skeið.
Bogi og Narumon, eða Nok, eins
og hún er jafnan kölluð, höfðu
rekið veitingastaðinn Taíland og
taílenskt vöruhús í nokkur ár
þegar þau neyddust til að selja það
allt saman auk einbýlishúss á Arn-
arnesinu, þar sem þau bjuggu. „Ég
vissi af eyðibýlinu Hliði og samdi
við Bessastaðahrepp um að fá að
gera húsið upp. Efnið og vinnan
fóru upp í leigu í ákveðinn tíma á
meðan ég gerði upp og byggði við
húsið með það fyrir augum að vera
þar með veitingarekstur,“ segir
Bogi og bætir því við að þau hjónin
hafi þurft að útfæra viðskiptahug-
myndina með það í huga að svæðið
í kringum húsið er friðaður fólk-
vangur vegna fuglalífsins í kring.
„Þess vegna urðum við að búa eitt-
hvað til sem leiddi ekki af sér
mikla umferð í kringum fuglalífið
og sýna staðnum tilhlýðilega virð-
ingu. Rauði þráðurinn í gegnum
alla uppbygginguna hefur verið að
gera lítið en gera það vel.“
Hjónin hafa rekið matsal í sól-
stofu íbúðarhússins í yfir tvö ár og
taka þar við litlum hópum en bara
einum á kvöldi. „Við getum tekið
við sex til tólf manna hópum með
góðu móti og bjóðum upp á taí-
lenskan mat. Nok sér um elda-
mennskuna og leggur mikið upp úr
því að maturinn sé bæði góður
fyrir augað og magann en hún
skreytir réttina á mjög skemmti-
legan hátt. Auk þess fáum við
sendar orkídeur frá Taílandi í
hverri viku til að hafa á borðunum
í matsalnum.“
Næring fyrir líkama og sál
Auk þess að vera með veitinga-
staðinn hefur Bogi verið að útbúa
taílenskt spa í útihúsinu sem stend-
ur við hlið íbúðarhússins að Hliði.
„Þar er ég búinn að setja upp jurta-
gufubað og heitan pott með sjó og
þara. Gufan er leidd í gegnum pott
sem inniheldur tuttugu austur-
lenskar jurtir og inn í gufuklefann.
Jurtirnar í gufunni hreinsa eitur-
efni úr líkamanum, auka blóðrás-
ina í húðinni og stinna hana en
einnig á þessi gufa að halda fólki
unglegra og vera sérstaklega góð
fyrir kvenfólk,“ segir Bogi og
útskýrir síðan innihald heita potts-
ins. „Í pottinum er heitur sjór með
þangi en sjór og salt draga í sig
neikvæða orku. Þarinn er einstak-
lega góður fyrir exem og þurra
húð og hár en þarinn inniheldur
rosalega næringarríkar olíur.“ Til
stóð að opna heilsulindina í ágúst-
mánuði en því hefur verið frestað
um sinn. „Ég kem til með að bjóða
upp á hefðbundið taílenskt nudd,
sem er þrýstipunktanudd þar sem
farið er eftir orkulínum í líkaman-
um og notaðar teygjur úr jóga-
fræðum.“
Eftir hefðbundna nuddið tekur
við jurtabakstranudd en farið er
yfir liði og vöðva með heitum púða
sem inniheldur tuttugu tegundir af
jurtum,“ segir Bogi og bætir því
við að hann muni einnig bjóða upp
á ilmolíunudd og líkamsskrúbb.
„Þetta er allt eftir þeirri spa-menn-
ingu sem hefur verið að þróast í
Taílandi og Asíu og hefur verið
mjög vinsæl undanfarna áratugi
þó um mörg hundruð ára tækni sé
að ræða.“ Spa-aðstaðan er enn á
reynslustigi á meðan Bogi lýkur
við breytingarnar á húsinu en brátt
verður hægt að njóta þess að leggj-
ast í þarann og láta jurtagufuna
leika um líkamann.
sigridurh@frettabladid.is
Breyttu eyðibýli í paradís
NUDDAÐSTAÐAN Í einu herbergi útihússins hefur Bogi komið fyrir dýnum þar sem taí-
lenska nuddið verður. FRÉTTABLAÐIÐ/HEIÐA
HEIMILISLEGT Veitingasalurinn er notalegur og heimilislegur en þar taka hjónin á móti sex
til tólf manna hópum í mat á hverju kvöldi.
Bogi og Nok kynntust árið 1988, þegar Bogi var við nám í Konunglega taí-
lenska nuddskólanum, sem er starfræktur í klaustri í gamla konungsgarð-
inum í Bangkok. Ári síðar giftu þau sig og flutti Nok til Íslands með syni
sína tvo. Nok hefur mikla reynslu af taílenskri matargerð en hún starfaði við
matreiðslu á virtu hóteli í Bangkok áður en hún flutti til Íslands. Sem barn og
unglingur aðstoðaði hún móður sína í súpusöluvögnum hennar.
SJÓR OG ÞARI Bogi og Nok standa hér á þaki úti-
hússins þar sem er heitur pottur með sjó og þara en
þarinn mun vera góður fyrir húð og hár.
��������������������������������������������������������������������
���������������������������������������������������������
����������������������������������������������������
���������������������������������������
�������������
��������
���� �����
���������������������� ������������ ����
����������������������������������������
�� ����
���������
�������� �����
����������������������