Fréttablaðið - 26.09.2006, Blaðsíða 16

26. september 2006 ÞRIÐJUDAGUR16
nær og fjær
„ORÐRÉTT“
„Það er allt fínt að frétta og sumarið er búið
að vera yndislegt,“ segir Kristján Jónsson, betur
þekktur sem „Kiddi Bigfoot“. „Ég keypti mér
jeppa í janúar og er búinn að jeppast mikið á
jöklum og sjá landið frá nýju sjónarhorni. Hin
árlega Þórsmerkurferð í byrjun júlí var hápunktur
sumarsins og toppurinn þriggja rétta máltíð á
hvítum dúk í miðri glæsilegri náttúrunni. Alveg
ógleymanlegt.“
Kiddi tók nýlega við starfi framkvæmda-
stjóra Íslenska útvarpsfélagsins, en var að
vinna hjá Sam-myndum og Stúdíó Paradís áður.
„Ég tel mig vera kominn heim að vera kominn
aftur í útvarpsmennskuna,“ segir Kiddi, sem
eins og kunnugt er var áður allt í öllu á
útvarpssviði Norðurljósa. „Það gengur
mjög vel hjá okkur, X-FM vann stórsigra í
síðustu könnun og nú liggur fyrir að slípa
línurnar hjá Kiss FM og sjá hvað við getum gert
betur þar.“
Kiddi er á leið til London að sækja sér inn-
blástur. „Ég er á leið á fjögurra daga ráðstefnu
hjá Antony Robins, sem er einn besti lífsþjálfari í
heimi. Hann heldur ráðstefnur fyrir tíu þúsund
manns í einu og kennir frá níu á morgnana
til ellefu, tólf á kvöldin – bara klukkutíma
pása. Hann kennir manni í stuttu máli
að betrumbæta líf sitt í leik og starfi. Ég
hef farið til hans áður og það var mjög
gagnlegt. Þetta er bara eins
og með góða bók, maður
vill kíkja á hana aftur,
þótt maður viti alveg
hvernig hún endar.“
HVAÐ ER AÐ FRÉTTA? KRISTJÁN JÓNSSON FRAMKVÆMDASTJÓRI
Á leiðinni til lífsþjálfaraSonurinn breytist aldrei
„Hann hefur ekkert
breyst heldur er bara
ennþá sami sonurinn.“
Þóra Hallgrímsson, móðir
Björgólfs Thors, en sonur
hennar var valinn kynþokka-
fyllsti auðjöfurinn af
viðskiptablaðinu Financial
Times.
Fréttablaðið. 25. september.
Tekur hugmyndir
alvarlega
„En það er algerlega
fáránlegt að ímynda sér
að lausnin geti verið
alþjóðlegt bann við
tilteknum veiðar-
færum.“
Einar Kr. Guðfinnsson
sjávarútvegsráðherra um
hugmyndir Sameinuðu
þjóðanna um bann við
veiðum með botnvörpu.
Morgunblaðið. 25. september.
„Ómar er eldhugi, það þekki
ég vel eftir áratuga samstarf,“
segir Haukur Heiðar Ingólfsson,
heimilislæknir
og píanóleik-
ari, sem hefur
verið aðalundir-
leikari Ómars
Ragnarssonar
með hléum
síðan 1963.
Eins og kunnugt
er hefur Ómar
kynnt hug-
myndir um nýjar
leiðir sem fela í sér að hægt verði
að afla raforku til að knýja álverið í
Reyðarfirði án þess að fórna þeim
náttúruperlum sem færu undir
fyrirhugað Hálslón. „Náttúra lands-
ins er Ómari ákaflega hugleikin,“
segir Haukur Heiðar, „og þess
vegna skil ég baráttuvilja hans og
löngun til verndunar landsins. Ég
virði hans skoðanir og er honum
sammála. Ég hef ferðast mikið
með honum um allt land og þekki
því af eigin raun hversu vel hann
þekkir landið okkar og er annt um
það. Mér finnst hann líka benda á
aðrar leiðir í virkjunarmálum, sem
hægt væri að fara... ef einhver vildi
hlusta.“
SJÓNARHÓLL
BARÁTTA ÓMARS RAGNARSSONAR
Bendir á
aðrar leiðir
HAUKUR HEIÐAR
INGÓLFSSON
LÆKNIR
Heildarlausn fyrir snyrtinguna
Lotus Professional
R
V
62
15
A
Blár sápuskammtari Foam
Blátt WC Compact statíf fyrir tvær rúllur
Á tilboði í september
Arngrímur Þorgrímsson
Sölustjóri hjá RV
3.982 kr.
1.865 kr.
1.865 kr.
Blár enMotion snertifrír skammtari
Í Reykjanesbæ eru sjö veitinga-
staðir sem grilla sína eigin ham-
borgara. Þetta verður að teljast
vel af sér vikið hjá bæjarfélagi
sem telur rúmlega tíu þúsund
manns. Nú þegar síðasti banda-
ríski hermaðurinn er að hverfa af
landinu má þá búast við algjöru
hruni í hamborgarabransanum í
Keflavík? Nei, aldeilis ekki, segja
veitingamenn.
„Þegar ég byrjaði fyrir sjö
árum voru helmingur kúnnanna
hermenn af vellinum,“ segir Gunn-
ar Friðriksson, veitingamaður á
Ólsen Ólsen í Hafnargötunni. „Svo
fór hermönnunum að fækka smátt
og smátt og undir það síðasta voru
þetta kannski fimm prósent kúnna-
hópsins. Það er því alls engin mar-
tröð þótt Kaninn sé farinn því
fækkunin hefur verið jöfn og yfir
langan tíma.“
Gunnar segist vera sá eini í
Keflavík sem bjóði upp á eld-
steikta hamborgara. „Ég fékk mér
gas og stækkaði hamborgarann í
kjölfarið. Mínir vinsælustu borg-
arar eru Ólsen-borgarinn og Ólsen
Spes-borgarinn. Svo er ég líka
með tuttugu tegundir af Ólsen-
bátum.“ Gunnar er mjög ánægður
eftir sumarið: „Ég hef aldrei séð
annað eins af túristum og í sumar.
Það varð algjör sprenging og það
eru allir að tala um þetta hérna í bænum. Hér áður fyrr keyrðu túr-
istarnir bara í gegn en nú gera
þeir stopp og fá sér að borða.“
Vilberg Skúlason er sjaldan
kallaður annað en „Villi Pulsa“,
enda búinn að vera með Pylsu-
vagninn í Tjarnargötu í að verða
27 ár. „Kanarnir hafa aldrei verið
stór kúnnahópur hjá mér svo það
skiptir mig engu þótt þeir séu farn-
ir,“ segir Villi. „Íslenski kynstofn-
inn hefur alltaf verið minn stærsti
kúnnahópur.“ Villi byrjaði með
borgara sem síðar var kallaður
„Villaborgari“ – hamborgari með
hefðbundnu pulsu-með-öllu með-
læti auk rauðkáls og súrra gúrkna.
„Þessi er alltaf jafn vinsæll,“ segir
Villi. Hann segir helstu breyting-
una hjá sér undanfarin ár vera þá
að hann sé hættur að hafa opið á
næturnar. „Það breyttist allt með
nýjum opnunartíma skemmti-
staða. Það var auðveldara að stíla
inn á þetta þegar allir staðirnir
lokuðu á sama tíma, en nú er fólk
að drattast heim til sín þetta sex til
sjö á morgnana, svo ég er bara far-
inn að opna fyrr á morgnana.“
Hörður hjá Boggabar kallar
Villaborgara „Keflvíkinginn“ á
sínum stað. Hann segist ekki held-
ur hafa orðið fyrir
búsifjum þótt Kaninn
sé farinn. „Þeir voru nú
aldrei stór kúnnahópur
og eftir 11. september
hættu þeir alveg að
koma,“ segir hann.
Boggabar heldur upp á
tuttugu ára afmæli sitt
á næsta ári en hann
hefur verið á sama stað
á Víkurbrautinni síðan
árið 1987. „Pítsurnar
eru vinsælastar hjá
mér, en hamborgararn-
ir alltaf líka,“ segir
Hörður.
Aðrir staðir sem
bjóða upp á hamborg-
ara í Reykjanesbæ eru
Pizza-Ungó, Biðskýlið í
Njarðvík, Brautarnesti
og tvö útibú söluturns-
ins Nýungar. Alls stað-
ar var það sama uppi á
teningnum, veitingamenn óttast
ekki brotthvarf Kanans.
Það sem einkennir alla staðina
er að þeir eru með bílalúgu, eru
svokallaðir „Drive through“-staðir
að amerískri fyrirmynd. Hvergi á
landinu er annað eins magn af
lúgum og í Keflavík og Keflvíking-
ar eru byrjaðir að útbreiða lúgu-
menninguna því eigandi Bíla-
apóteksins í Hæðasmára – fyrsta
lúguapóteksins á Norðurlöndum –
er Keflvíkingur.
gunnarh@frettabladid.is
Keflvískir hamborgarasalar óttast
ekki brotthvarf Kanans
VILLI PULSA HJÁ PYLSUVAGNINUM Íslenski kynstofninn stærsti kúnnahópur-
inn. FRÉTTABLAÐIÐ/VILHELM
GUNNAR FRIÐRIKSSON Í ÓLSEN ÓLSEN Engin martröð þótt
Kaninn sé farinn. FRÉTTABLAÐIÐ/VILHELM
Lúgusjoppurnar eru hvergi jafnmargar
■ Frakkinn Michael Lotito lifir
á því að borða
hina undarleg-
ustu hluti og er
tíður gestur í
sjónvarpsþáttum
og á sýningum.
Níu ára gamall
byrjaði hann að
borða gler og málmhluti og síðan
hefur hann m.a. lagt sér til munns
7 sjónvarpstæki, tölvu, 15 innkaupa-
kerrur, tvö rúm og Cessna flugvél.
Hann getur étið tæplega kíló af
málmum á dag og hefur aldrei
fengið í magann af átinu. Hann
borðar auðvitað „venjulegan“ mat
líka og konan hans segist vera
ágætur kokkur.
FURÐUR:
SANNKÖLLUÐ ALÆTA