Fréttablaðið - 26.09.2006, Blaðsíða 59

ÞRIÐJUDAGUR 26. september 2006 35
HANDBOLTI Árlegur kynningar-
fundur fyrir handboltatímabilið
sem senn er að hefjast var hald-
inn í gær. Þar spáðu þjálfarar og
fyrirliðar liða í deildunum um
gengi liðanna í vetur. Skemmst er
frá því að segja að Valsmönnum
var spáð sigri í DHL-deild karla
og Stjörnunni í DHL-deild kvenna.
Aftureldingu var spáð sigri í 1.
deild karla og FH 2. sætinu en tvö
efstu liðin komast í úrvalsdeild að
ári. Fylki og ÍR var spáð falli úr
úrvalsdeildinni. Leikin er þreföld
umferð í öllum deildum.
„Mér líst ágætlega á þessa spá
en hafa ber í huga að menn reynd-
ust ekki sannspáir í fyrra,“ sagði
Óskar Bjarni Óskarsson, þjálfari
Vals. „En það er alltaf gaman að
þessum spám, hún markar alltaf
upphaf tímabilsins og vonandi að
hún rætist í ár. Þetta er það sem
við stefnum að og við erum þakk-
látir fyrir að þjálfarar og fyrirlið-
ar annarra liða hafa greinilega
trú á okkur og okkar mannskap.
Ég vil líka meina að stjórn hand-
knattleiksdeildarinnar hafi unnið
gott starf í sumar og fengið til
liðsins marga skemmtilega leik-
menn.“
Óskar segir þó ekki ólíklegt að
raunveruleikinn verði annar en
spáin sýnir. „Það eru mörg hörku-
lið í deildinni sem eiga eftir að
valda usla. Sem dæmi gætu HK
og Stjarnan farið ofar en þeim er
spáð. Ég held að það hafi ef til vill
aldrei verið erfiðara að spá en
núna í ár.“
Breytt fyrirkomulag er á
Íslandsmótinu í ár en boðið verð-
ur upp á keppni í tveimur deild-
um í fyrsta sinn í langan tíma.
„Mér fannst reyndar mjög gaman
í fyrra en það hafa margir beðið
eftir því að fá tvær deildir. Átta
liða deild býður upp á mikla
spennu og því vona ég að verði
gaman í vetur.“
Fjórtán lið voru í DHL-deild
karla í fyrra og hafa nú tvö þeirra,
KA og Þór, sameinast í eitt lið,
Akureyri. Það keppir í úrvals-
deildinni en fimm lið frá því í
fyrra keppa nú í 1. deildinni auk
þriggja nýrra. Það eru Grótta,
Höttur og Haukar 2 en tvö síðast-
nefndu liðin hafa undanfarin ár
keppt í utandeildinni.
Viðbúið er að fimm lið verði í
sérflokki í DHL-deild kvenna en
þar keppa níu lið í ár. Tíu lið voru
í deildinni í fyrra og aðeins tvö-
föld umferð þannig að dagskráin
verður þéttari hjá konunum í
vetur. Fækkunina má skýra með
því að tvö lið hafa sameinast
undir merkjum Akureyrar.
„Spáin staðfestir grun okkar í
Stjörnunni að við erum á réttri lið
með liðið okkar,“ sagði Aðalsteinn
Eyjólfsson, þjálfari Stjörnunnar.
„Ég býst við því að 4-5 lið eru með
hvað bestan mannskap en það
telur ekki alltaf. Ung lið eins og
Fram og HK gætu vel spýtt í
lófana og strítt hinum liðunum.
En ég tel að Grótta muni mæta
gríðarlega sterkt til leiks í
vetur.“ eirikur.asgeirsson@frettabladid.is
MEISTARARNIR? Markús Máni Michaelsson og Óskar Bjarni Óskarsson, fyrirliði og
þjálfari Vals sem er spáð titlinum í ár. FRÉTTABLAÐIÐ/GVA
Valsmönnum spáð sigri
Valur og Stjarnan munu standa uppi sem sigurvegarar í DHL-deild karla og
kvenna ef spár forráðamanna og fyrirliða liða í deildunum rætast. Átta lið
mæta til leiks í 1. deild karla og þar er Aftureldingu og FH spáð í 1. og 2. sætið.
SPÁIN 2006-2007
DHL-deild karla
1. VALUR 226 STIG
2. FRAM 209
3. HAUKAR 191
4. STJARNAN 159
5. HK 155
6. AKUREYRI 123
7. FYLKIR 101
8. ÍR 84
DHL-deild kvenna
1. STJARNAN 253 STIG
2. HAUKAR 240
3. VALUR 205
4. ÍBV 185
5. GRÓTTA 175
6. FH 139
7. HK 108
8. FRAM 93
9. AKUREYRI 60
1. deild karla
1. AFTURELDING 224
2. FH 214
3. ÍBV 167
4. SELFOSS 156
5. GRÓTTA 147
6. VÍKINGUR/FJÖLNIR 136
7. HAUKAR 2 124
8. HÖTTUR 84
FÓTBOLTI Aftonbladet greindi frá
því í gær að Newcastle hefði sett
sig í samband við fyrrum sænska
landsliðsmarkvörðinn Magnus
Hedman sem lagði skóna á
hilluna fyrir fimmtán mánuðum.
Hedman er 33 ára gamall og
fyrirspurnin kom honum alger-
lega í opna skjöldu. „Ég átti ekki
von á því að fólk myndi eftir mér
þar sem ég hef ekki spilað lengi,“
sagði Hedman.
Shay Given lagðist nýverið
undir hnífinn og verður frá í sex
vikur. - esá
Hættur en vinsæll:
Newcastle vill
fá Hedman
MAGNUS HEDMAN Hér í leik með Celtic
en hefur leikið með Ancona, Coventry,
AIK og IFK Stokkhólmi. NORDICPHOTOS/GETTY
FÓTBOLTI Fyrr á árinu réð enska
knattspyrnusambandið fyrrum
yfirmann Lundúnalögreglunnar,
Stevens lávarð, til að rannsaka
ásakanir um mútugreiðslur í
tengslum við félagaskipti
leikmanna. Greint var frá því um
helgina að rannsókn Stevens
hefði leitt í ljós 50 grunsamleg
félagaskipti sem skoða þyrfti
nánar. Alls voru 362 félagaskipti
skoðuð. Niðurstöðu rannsóknar-
innar er að vænta á mánudag. - esá
Rannsókn um spillingu:
50 grunsamleg
félagaskipti
FÓTBOLTI Þýsku úrvalsdeildar-
félögin Aachen og Borussia
Mönchengladbach hafa verið
sektuð af þýska knattspyrnusam-
bandinu eftir að stuðningsmenn
liðanna viðhöfðu niðrandi
ummæli sem fólu í sér kynþátta-
fordóma um leikmennina í leik
liðanna. Aachen var sektað um
6,75 milljónir króna og Gladbach
um 2,25 milljónir. FH var í sumar
sektað um 30 þúsund krónur fyrir
samskonar atvik í leik liðsins
gegn ÍBV. - esá
Þýska knattspyrnan:
Gladbach og
Aachen sektuð