Fréttablaðið - 26.09.2006, Blaðsíða 54

26. september 2006 ÞRIÐJUDAGUR30
Nýjasta viðbótin í plötusnúða-
flóru landsins eru systurnar
Ásgerður og Jóna Ottesen. Frum-
raun þeirra var á Barnum síðasta
fimmtudag þar sem staðurinn
iðaði við gamaldags hip hop og
indí rokk að hætti systranna.
„Þetta hefur blundað í okkur í
mörg ár og við höfum alltaf haft
mjög mikinn áhuga á tónlist. Það
má segja að við einokum græj-
urnar í öllum partíum sem við
mætum í,“ segir Ásgerður en
plötusnúðateymi þeirra systra
hefur ekki fengið neitt nafn
ennþá. Stúlkurnar lýsa hér með
eftir hugmyndum. „Það er alltaf
erfitt að finna nafn og hingað til
hefur okkur fundist allar okkar
hugmyndir með eindæmum hall-
ærislegar þannig að allar ábend-
ingar eru vel þegnar.“
Ása og Jóna ætla að hafa þann
sið að klæðast ávallt skemmtileg-
um búningum þegar þær spila.
„Það býr til meiri stemningu og
svo er alltaf þægilegt að geta falið
sig á bak við búninginn ef eitt-
hvað fer úrskeiðis,“ segir Ásgerð-
ur hlæjandi en systurnar hafa
verið að bíða eftir góðu tækifæri
til að þreyta frumraun sína á
börum bæjarins en segja markað-
inn á Íslandi svo lítinn að erfitt er
að koma sér á framfæri enda
flestir barir með plötusnúða í
fastri vinnu. „Hingað til hefur
það að við séum stelpur hjálpað
okkur enda ekki margir plötu-
snúðar kvenkyns í augnablik-
inu.“
„Við spilum mjög fjölbreytta
tónlist en elektró, indí rokk og
gamaldags hip hop er í uppáhaldi.
Okkar takmark sem plötusnúðar
er að ná sem flestum á dansgólfið
og halda gott partí,“ segir Ásgerð-
ur að lokum og eigum við eflaust
eftir að sjá og heyra meira af
þeim systrum í framtíðinni. - áp
Gott partí aðalmálið hjá Ottesen-systrum
ÁSGERÐUR OG JÓNA OTTESEN Systurnar
skipa plötusnúðateymi sem er farið að
láta til sín taka á börum bæjarins.
FRÉTTABLAÐIÐ/HÖRÐUR
Margmenni var mætt í Laugar-
dagshöllina um helgina til að fylgj-
ast með einum ástsælasta söngv-
ara landsins, sjálfum Björgvin
Halldórssyni, troða upp ásamt Sin-
fóníuhljómsveit Íslands. Björgvin
hefur greinilega engu gleymt og
náði að hrífa salinn með sér.
Krummi og Svala börn Björgvins
tóku lagið ásamt föður sínum og
einnig komu fram Eyjólfur Kristj-
ánsson, Stefán Hilmarsson og Sig-
ríður Beinteinsdóttir að ógleymd-
um karlakórnum Fóstbræðrum.
Það má segja að hápunktur tón-
leikana hafi verið þegar öll Sin-
fóníuhljómsveitin, karlakórinn og
Björgvin sjálfur settu upp sólgler-
augu og rokkuðu í takt við tíma-
lausa slagara Björgvins sem fékk
áhorfendur til að dilla sér í sætun-
um.
ÁNÆGÐ Á TÓNLEIKUM Gunnar Birgisson,
bæjarstjóri í Kópavogi, var mættur á tón-
leikana ásamt konu sinni.
FRÉTTABLAÐIÐ/DANÍEL
Frábærir tónleikar Björgvins
Á FREMSTA BEKK Árni M Mathiesen
fjármálaráðherra var á fremsta bekk
og einnig má greina Jónínu Bjartmarz
umhverfisráðherra í fjöldanum en bæði
virtust þau una sér vel á tónleikunum.
„ÉG LIFI Í DRAUMI“ Björgvin hefur greinilega engu gleymt og hreif áhorfendur með
sér á sviðinu.
PRÚÐBÚIN Sigrún Traustadóttir, Guðrún Kristjánsdóttir, Vilhjálmur Vilhjálmsson borg-
arstjóri og Anna Kristín Traustadóttir voru ánægð með tónleikana.
Rokkarinn og eiturlyfjaneytand-
inn Pete Doherty hefur loksins
náð að sannfæra kærustuna,
ofurfyrirsætuna Kate Moss, um
að giftast sér. Moss er sögð vera
svo ánægð með hversu vel Pete
hefur gengið að halda sér edrú
að hún hefur játast honum.
Talið er að brúðkaupið verði
innan nokkurra vikna, mögulega
í Karíbahafinu. Pete og Kate
munu vera að velta því fyrir sér
að flytjast til Bandaríkjanna í
kjölfarið.
Doherty
kvænist
PETE DOHERTY Hefur loksins náð að
sannfæra Kate Moss um að giftast sér.
Hafin er bygging nýrrar leik-
myndar fyrir James Bond-
myndirnar í Pinewood-
kvikmyndaverinu í
London.
Eldur kom upp í kvik-
myndaverinu í júlí við
tökur á nýjustu Bond-
myndinni, Casino
Royale, og eyði-
lagðist leikmynd-
in sem þá stóð
uppi. Enginn
meiddist í eldsvoð-
anum og enn er ekki
vitað hvað olli honum.
Var þetta í annað sinn
sem Bond-leikmyndin
eyðilagðist en hún var
upphaflega smíðuð fyrir myndina
The Spy Who Loved Me sem kom
út 1977.
Nýja leikmyndin verður til-
búin á næsta ári og verður því
klár þegar næsta James
Bond-mynd verður
frumsýnd á eftir
þeirri nýjustu,
Casino Royale,
sem kemur út í
nóvember. Er
hennar beðið
með mikilli eft-
irvæntingu þar
sem þetta verður í
fyrsta sinn sem Dani-
el Craig verður í hlut-
verki njósnarans 007.
Ný leikmynd byggð
JAMES BOND Daniel Craig verður í fyrsta sinn í hlutverki James Bond í Casino Royale.