Fréttablaðið - 26.09.2006, Blaðsíða 48

26. september 2006 ÞRIÐJUDAGUR24
Tómstundastarfsemi Blindrafélagsins
hófst að nýju í gær, en á meðal nám-
skeiðanna sem félagsmönnum býðst að
sækja eru námskeið í dansi, smíðum og
handavinnu. Steinunn Hákonardóttir,
félagsmálafulltrúi Blindrafélagsins,
segir ekkert því til fyrirstöðu að blind-
ir og sjónskertir sæki námskeið í smíð-
um eða annarri handavinnu.
„Þetta er með stærra sniði en fyrir
þá sem eru alsjáandi, en gengur eins
og í sögu,“ segir Steinunn. „Við pössum
upp á að það sé næg birta fyrir þá sem
eru sjónskertir og kennarinn tekur til-
lit til sjónar þátttakenda,“ útskýrir hún
og bætir við, „meðlimir Blindrafélags-
ins eru allt frá sjónskertu fólki og upp
í lögblint fólk, svo það er á mörgum
stigum. Eins eru margar og misjafnar
ástæður fyrir sjónmissi hjá fólki.“
Steinunn segir fólk á öllum aldri sækja
námskeiðin. „Hjá okkur eru líka marg-
ar eldri konur sem voru miklar handa-
vinnukonur hér áður fyrr, áður en þær
fóru að missa sjón. Þær hafa þetta
hreinlega á tilfinningunni,“ segir Stein-
unn.
Fyrir utan tómstundastarfið er öfl-
ugt félagsstarf innan Blindrafélagsins.
Félagið hefur opið hús tvisvar í viku og
Steinunn segir um sextíu til sjötíu
manns mæta reglulega á þær samkom-
ur. Innan félagsins starfar foreldra-
deild og ungmennadeild, farið er í
ýmsar ferðir, kvennadeild félagsins
stendur fyrir fyrirlestrum, og einn
laugardag í mánuði er haldinn fræð-
andi fyrirlestur. „Þetta er mjög menn-
ingarlegt,“ segir Steinunn hlæjandi.
Fyrsta ferð haustsins verður haust-
litaferð á Þingvelli sem Steinunn segir
um fimmtíu manns þegar hafa skráð
sig í. „Ef að fólk kemur einu sinni á ein-
hverja samkomu þá kemur það aftur,“
segir hún af öflugu tómstundastarfi
Blindrafélagsins. „Það sprettur af
þessu mikill vinskapur og fólk hittist
fyrir utan félagið. Ég veit til dæmis af
mörgum eldri konum sem gera sér oft
ferð saman á kaffihús niðri í bæ,“ segir
Steinunn. sunna@frettabladid.is
BLINDRAFÉLAGIÐ: TÓMSTUNDARSTARF HEFST AÐ NÝJU
Fólk kemur alltaf aftur
STEFANÍA ÓSK JÚLÍUSDÓTTIR Ein af mörgum meðlimum félagsins og virkur þátttakandi í uppákomum á vegum þess.
FRÉTTABLAÐIÐ/SIGURJÓN EINARSSON
MERKISATBURÐIR
1580 Francis Drake lýkur
hringferð sinni um
hnöttinn.
1942 Bifreiðaeinkasala ríkisins er
lögð niður.
1945 Fyrsti bandaríski
hermaðurinn lætur lífið í
Víetnam.
1957 Söngleikurinn West
Side Story eftir Leonard
Bernstein er frumfluttur í
London.
1970 Fokker Friendship-flugvél frá
Flugfélagi Íslands hf. ferst á
Mykinesi í Færeyjum. Átta
manns létust, þar af einn
Íslendingur.
1973 Concorde-þota flýgur í
fyrsta sinn yfir Atlantshafið
á mettíma.
1984 Ákveðið er að Bretar
afhendi Kínverjum Hong
Kong-borg árið 1997.
ÓLAFUR JÓHANN ÓLAFSSON
FÆDDIST Á ÞESSUM DEGI 1962
„Maður sendir aldrei frá sér bók fyrr
en maður er orðinn ánægður með
hana.“
Þetta sagði rithöfundurinn í viðtali við Fréttablaðið
fyrir nokkrum árum en í haust kemur út ný bók eftir
hann.
T. S. Eliot fæddist á þessum degi
í St. Louis árið 1888. Hann var
af virtum ættum en forfeður
hans settust að í Ameríku á 17.
öld. Faðir hans var virðulegur
kaupmaður og móðir hans tók
virkan þátt í góðgerðamálum í
St. Louis. Sjálfur útskrifaðist Eliot
frá Harvard þar sem hann lærði
sanskrít, en eftir að hann hitti
skáldið Ezra Pound fluttist hann
til Englands en vinátta þeirra
entist þeim ævina.
Árið 1915 giftist hann Vivian
Haigh-Wood en það hjónaband
var ávísun á óhamingju vegna
geðsjúkdóma sem Vivian barðist
við. Hún dó á geðspítala 1947.
Eliot fékk vinnu í Lloyd‘s banka
1917 en skrifaði ritdóma og
ritgerðir í frítíma sínum. Hann
stofnaði meira að segja tímarit
tengt því áhugamáli sínu en til
hliðar, og í hljóði, orti hann.
Fyrsta stóra verk hans, The Love-
song of J. Alfred Prufrock, kom út
1917 en síðar gaf hann út meist-
araverk sitt The Waste Land. Það
var síðan ekki fyrr en 1925 að
hann hætti í bankanum og fékk
vinnu sem einn af ritsjórum hins
virta forlags Faber and Faber.
Hann vann þar til dauðadags.
Eliot fékk Nóbelsverðlaunin
árið 1948 en 1957 giftist hann
aðstoðarmanni sínum, Valerie
Fletcher. Hjónin lifðu hamingju-
sömu lífi þar til Eliot lést 1965.
ÞETTA GERÐIST: 26. SEPTEMBER 1888
Ljóðskáld í eyðilandi
T.S. ELIOT
AFMÆLI
Ásgerður
Júníusdóttir,
söngkona, er
38 ára.
Brynhildur
Guðjónsdóttir,
leikkona, er 34
ára.
MERKISATBURÐIR
1870 Kristján X
Danakonungur.
1897 Páll páfi
sjötti.
1898 George
Gershwin tón-
skáld.
Eiginmaður minn, faðir okkar og sonur,
Helgi Hallgrímsson
til heimilis að Norðurbyggð 1c, Akureyri,
lést mánudaginn 18. september. Útförin fer fram frá
Akureyrarkirkju fimmtudaginn 28. september kl. 13.30.
Blóm og kransar eru vinsamlega afþakkaðir. Þeim sem
vilja minnast hans er bent á minningarsjóð Geðhjálpar,
síma 570 1700. Fyrir hönd aðstandenda,
Helga G. Erlingsdóttir
Steinþór Helgason
Sigríður Svana Helgadóttir
Arnar Helgason
Sigríður J. Helgadóttir
Elskuleg móðir okkar, tengdamóðir, amma, systir og mágkona,
Inga Björk Halldórsdóttir
Fellaskjóli, Grundarfirði,
andaðist á Fellaskjóli laugardaginn 23. september.
Anna Dóra Markúsdóttir Jón Bjarni Þorvarðarson
Benjamín Markússon Anna María Hedman
Kristín Markúsdóttir
barnabörn
Jenný Halldórsdóttir Guðmundur Finnsson
Ása Helga Halldórsdóttir Ingvi Árnason
Sigurbjörg Halldórsdóttir
Ástkær eiginmaður minn, faðir okkar,
tengdafaðir, afi og langafi,
Kristinn Ólafsson
frá Reynisvatni, Silfurteig 5,
lést á Landspítalanum við Hringbraut aðfaranótt föstu-
dagsins 22. september. Útförin verður auglýst síðar.
Fanný Guðbjörg Guðmannsdóttir
Sólveig Fanný Magnúsdóttir Hallgrímur H. Gröndal
Valdís Magnúsdóttir Unnsteinn Hermannsson
Halldóra Elín Magnúsdóttir Guðmundur A. Sæmundsson
Sigurður Sveinn Másson Vaida Másson
Jón Guðmann Jónsson
börn og barnabörn.
Elskuleg systir mín, móðursystir okkar
og frænka,
Ólöf Birtha J. Huseby
Grunnarsundi 6, Hafnarfirði,
lést á heimili sínu þriðjudaginn 19. september.
Útförin fer fram frá Fossvogskirkju fimmtudaginn
28. september kl. 11.00.
Kristín Haraldsdóttir
Ingólfur Magnússon Tinnar Ýr Ingólfsdóttir
Margrét Magnúsdóttir Kolbeinn Björgvinsson
Hörður Magnússon Hrafnhildur Baldursdóttir
Legsteinar
Kynningarafsláttur af
völdum tegundum
Fjölbreytt úrval
Hagstæð verð
Stuttur afgreiðslufrestur
timamot@frettabladid.is
Tilkynningar um merkis-
atburði, stórafmæli og
útfarir í smáletursdálkinn hér
til hliðar má senda á netfangið
timamot@frettabladid.is.