Fréttablaðið - 26.09.2006, Blaðsíða 10

10 26. september 2006 ÞRIÐJUDAGUR
STJÓRNMÁL Helga Vala Helgadóttir,
fjölmiðlakona og laganemi, sækist
eftir 2.-3.
sæti í
prófkjöri
Samfylking-
arinnar í
Norðvestur-
kjördæmi.
Helga
Vala er
leikari að
mennt og
hefur bæði
leikið og leik-
stýrt. Þá
hefur hún
unnið að dagskrárgerð hjá
Bylgjunni, Ríkisútvarpinu,
Talstöðinni og á NFS. Helga Vala
er búsett í Bolungarvík. - bþs
Helga Vala Helgadóttir:
Í prófkjör Sam-
fylkingarinnar
HELGA VALA
HELGADÓTTIR
DÓMSMÁL Aðalmeðferð hefst í
dag í máli Auðar Sveinsdóttur,
ekkju Halldórs Laxness, gegn
Hannesi Hólmsteini Gissurar-
syni vegna brota á höfundarrétt-
arlögum. Forsaga málsins er sú
að Hannesi er gefið að sök að
hafa brotið höfundarréttarlög
„með grófum og ítrekuðum
hætti“ í 120 tilvikum í fyrsta
bindi bókaraðar sinnar um ævi
nóbelsskáldsins.
Í ákærunni eru brotin sögð
framin af ásetningi eða stór-
felldu gáleysi. Fjölskylda Hall-
dórs vill að Hannes verði dæmdur
samkvæmt 54. grein höfundar-
réttarlaga en refsing við slíkum
brotum getur verið fjársekt eða
allt að tveggja ára fangelsi.
Málið var þingfest fyrir Hér-
aðsdómi í nóvember 2004. Því
var síðar vísað frá þann 9. júní
2005 með þeim rökum að ekki
hafi verið gerð nægileg grein
fyrir brotum Hannesar í máls-
höfðuninni og hún hafi því verið
ófullnægjandi. Var Auði einnig
gert að greiða Hannesi 500 þús-
und krónur í málskostnað.
Hæstiréttur felldi frávísunina
úr gildi í september á síðasta ári
með þeim rökum að málið væri
einkarefsimál og ekki ætti að gera
sambærilegar kröfur til málatil-
búnaðar í slíkum málum og gerð-
ar væru til ákæru í opinberu máli.
Héraðsdómur mun nú taka efnis-
lega afstöðu til málsins. - þsj
Aðalmeðferð í máli Auðar Sveinsdóttur gegn Hannesi Hólmsteini hefst í dag:
Efnislegrar afstöðu að vænta
HANNES
HÓLMSTEINN
GISSURARSON
AUÐUR LAXNESS
BETRI YFIRSÝN
Bakarameistarinn hefur stækkað ört á síðustu
10 árum. TOK bókhaldskerfið hefur stækkað
með okkur og veitt okkur þá yfirsýn yfir reksturinn
sem við þurfum hverju sinni. Þannig höldum
við okkur í fararbroddi með nýjungar og getum
boðið viðskiptavinum okkar upp á gæðavöru.
Vigfús Kr. Hjartarson, framkvæmdastjóri
Bakarameistarinn hf.
Ræddu við okkur um hvernig
TOK hentar þér í síma 545 1000.
HugurAx Grjóthálsi 5 www.hugurax.is
HugurAx Guðríðarstíg 2-4 hugurax@hugurax.is
Slökkvum ljósin og
horfum á stjörnurnar
28. september kl. 22:00
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
L
BI
3
39
50

09
/2
00
6
SAMGÖNGUMÁL Breikkun Suður-
landsvegar er lífsnauðsynleg.
Þetta segir Þorvarður Hjaltason,
framkvæmdastjóri Samtaka
sunnlenskra sveitarfélaga.
Á rúmum tíu árum hefur
umferð frá Selfossi og nágrenni
þess til Reykjavíkur aukist um allt
að níutíu prósent. Samkvæmt upp-
lýsingum frá Vegagerðinni bendir
allt til þess að þessi þróun haldi
áfram og muni þá jafnvel tvöfald-
ast á næstu tíu árum.
Í gær var undirritað samkomu-
lag um stofnun Suðurlandsvegar
ehf. Tilgangur félagsins er að flýta
breikkun á veginum milli Selfoss
og Reykjavíkur. Stofnendurnir eru
Sjóvá, sveitarfélögin austan Hell-
isheiðar, Mjólkursamsalan og Sam-
tök sunnlenskra sveitarfélaga.
Tillögur um framkvæmdirnar
hafa ekki enn verið teknar inn í
samgönguáætlun Alþingis, sem
von er á í haust. Samkvæmt gild-
andi samgönguáætlun er gert ráð
fyrir 300 milljóna framlagi til
vegabóta á Suðurlandsvegi. Til
samanburðar bendir Þorvarður á
að samkvæmt útreikningum Sjó-
vár var beinn kostnaður trygg-
ingafélaga og tjónavalda árið 2004
vegna slysa á veginum um 600
milljónir. Við það bættust 400
milljónir sem samfélagið stóð
straum af. - kdk
Eignarhaldsfélag um breikkun Suðurlandsvegar var stofnað í gær:
Segja breikkun lífsnauðsynlega
VIÐ STOFNUNINA Tilgangur félagsins er að flýta fyrir breikkun á veginum sem liggur
á milli Selfoss og Reykjavíkur. FRÉTTABLAÐIÐ/HÖRÐUR
STRÍPAÐ GEGN STJÓRNVÖLDUM
Þessi ungi maður beraði á sér bossann
í mótmælunum vegna lygahneykslisins
í Ungverjalandi á dögunum.
FRÉTTABLAÐIÐ/AP
ELDSVOÐI Vélaskemma á Þor-
gautsstöðum í Hvítársíðu brann
til kaldra kola um helgina.
Slökkvilið Borgarfjarðardala
var kallað út en þegar það kom á
staðinn þótti ljóst að ekki væri
hægt að bjarga skemmunni.
Slökkviliðsmönnum tókst þó að
afstýra því að eldurinn breiddist
út í nálægt timburhús en sögðu
þeir að litlu hefði mátt muna.
Töluvert tjón varð í eldsvoð-
anum þar sem í skemmunni voru
meðal annars tvær dráttarvélar,
nýleg sláttuvél og heyvinnuvélar.
Eldurinn er talinn hafa kviknað
út frá rafmagni.
- þsj
Skemma brann til kaldra kola:
Töluvert tjón á
tækjabúnaði
NORÐURLÖND
Vinsæl Eyrarsundsbrú Eitt
hundrað milljón farþegar hafa farið
yfir Eyrarsundsbrú milli Danmerkur og
Suður-Svíþjóðar síðan hún var tekin
í gagnið fyrir sex árum. Ökumenn
þurfa að greiða 2.900 krónur til að
fara þessa 15,3 kílómetra leið.
LEIKSKÓLAR Nú vantar starfsfólk í
15-16 stöðugildi á leikskólum í
Kópavogi.
Sesselja Hauksdóttir leikskóla-
fulltrúi segir að á flesta leikskóla
í bænum vanti aðeins einn til
starfa en fáar umsóknir komi inn
frá faglærðu fólki.
„Nú býðst leiðbeinendum á
leikskólum í Kópavogi að sækja
nám við Fjölbrautaskólann í
Garðabæ sem Kópavogsbær
greiðir fyrir.“
Sesselja segir að um 40-45
starfsmenn hafa tekið þessu boði
en náminu fylgja launaflokka-
hækkanir fyrir utan þær einingar
sem starfsfólk vinnur sér inn. - hs
15-16 vantar á leikskólana:
Bærinn greiðir
nám starfsfólks
LEIKSKÓLABÖRN Nú vatnar starfs-
fólk í um 15 stöðugildi á leikskólum í
Kópavogi.