Fréttablaðið - 26.09.2006, Blaðsíða 55

ÞRIÐJUDAGUR 26. september 2006 31
Ofurfóstran Jo Frost, sem hefur
slegið í gegn í breska sjónvarps-
þættinum Supernanny, er óviss um
hvort hún muni nokkurn tímann
eignast sitt eigið barn.
Frost, sem er 36 ára, hefur
hjálpað foreldrum að ráða við
erfið börn í þættinum með
góðum árangri en á sjálf
ekki börn. „Í augnablik-
inu þá heyri ég ekki lífs-
klukkuna segja tikk,
tikk, tikk. Ég er 36 ára
og þegar ég mun hitta
einhvern og við ákveð-
um að eignast börn, þá
verður kannski af því. En
kannski eign-
umst við engin
börn. Ég hef ekki
sömu löngun til
þess og margar aðrar konur,“ segir
hún.
Frost starfaði sem barnfóstra í
sautján ár áður en hún sló í gegn
í sjónvarpi. Segir hún undarlegt
hversu litla virðingu börn nú til
dags beri fyrir foreldrum
sínum. „Foreldrar þora varla
að aga börnin sín. Þeir eru
hræddir um að missa tengsl
við þau er þau eldast. Orð á
borð við „ég hata þig“ halda
þeim í gíslingu því þau taka
þeim svo persónulega.“
Barnlaus ofurfóstra
OFURFÓSTRAN Jo Frost veit
ekki hvort hún
mun nokkurn
tímann eignast
barn.
Breski leikarinn Jude Law er
ákveðinn í því að gefa Hollywood
upp á bátinn. Jude segist vera
kominn með nóg af því að leika í
kvikmyndum og vill snúa sér aftur
að sviðsleik í London, þar sem
hann hóf feril sinn. „Ég lít á sjálf-
an mig sem sviðsleikara, en þar
byrjaði ég. Ég er alltaf að svipast
um eftir rétta leikritinu og vonast
til að finna það innan tíðar,“ segir
Jude. Leikarinn, sem er 33 ára, vill
nú einbeita sér að sviðsleik en
viðurkennir að hann muni ekki
afsala sér auðævunum sem hann
hefur aflað sér í borg englanna.
Yfirgefur
Hollywood
JUDE LAW Ætlar að hvíla sig á kvik-
myndaleik og snúa sér að sviðsleik í
London. FRÉTTABLAÐIÐ/GETTYIMAGES
Trommuleikarinn Zoro mun halda
einleikstónleika í FÍH-salnum í
Reykjavík í dag og í Brekkuskóla
á Akureyri á fimmtudag. Zoro er
meðal annars þekktur fyrir að
hafa leikið með Lenny Kravitz,
Bobby Brown, Sean Lennon og
Lisu Marie Presley. Hann hefur
unnið til fjölda verðlauna og var
meðal annars kosinn af tímaritinu
Modern Drummer besti trommu-
leikarinn og námskeiðshaldarinn í
flokki R&B tónlistarmanna á
síðasta ári. Zoro hefur gefið út
kennsluefni í trommuleik sem er
fáanlegt á DVD-mynddiskum og
bókum. Það er Hljóðfærahús
Reykjavíkur sem stendur fyrir
komu Zoros til Íslands. Tónleik-
arnir hefjast kl. 20.00 báða dagana
og er aðgangur ókeypis á meðan
húsrúm leyfir.
Zoro með
tónleika
ZORO Trommuleikarinn Zoro verður
með einleikstónleika hér á landi í dag
og á fimmtudag.
Nýjustu vélarnar frá Hewlett-
Packard búa yfir stillingu sem
gerir notendum kleift að virðast
grennri á myndum en þeir eru í
raun. Samkvæmt heimasíðu Hew-
lett-Packard eiga áhrif stillingar-
innar þó ekki að vera meiri en svo
að fólk sé auðþekkjanlegt á mynd-
unum, en notendur hafa einhverja
stjórn á því hversu mikið er tekið
utan af þeim. Guðmundi Bender,
vörustjóri Opinna kerfa, umboðs-
og þjónustuaðila Hewlett-Packard
á Íslandi, líst ágætlega á nýjung-
ina. „Það hefur aldrei verið boðið
upp á þetta áður og það er margt
vitlausara en þetta, þó að það sé
svolítið fyndið,“ segir hann.
Guðmundur bendir á að eftir-
vinnsla ljósmynda í dag sé mikil.
„Hérna er í raun verið að færa
myndvinnsluforrit inn í mynda-
vélina sjálfa,“ útskýrir hann.
„Sumu fólki er illa við að láta taka
mynd af sér og þessi stilling róar
það kannski aðeins. Þeir nota þetta
sem vilja, aðrir ekki,“ segir Guð-
mundur.
Aðspurður hvort að búast megi
við fleiri nýjungum á þessu sviði,
svo sem stillingu til að hvítta tenn-
ur, segist Guðmundur alveg eins
búast við því. „Það er nú þegar
komin stilling sem fjarlægir litinn
úr augum, svo maður veit aldrei.“
Vélarnar eru komnar á lager hjá
Opnum kerfum, og segir Bjarni
Stefánsson hjá HP búðinni að
þegar sé búið að leggja inn pöntun
fyrir einni slíkri. - sun
Nýjar grennandi myndavélar
GRENNANDI MYNDAVÉL FRÁ HP
Notendur vélanna geta skafið aukakílóin
utan af myndefnum sínum.
Hljóðfærahúsið Laugavegi 176 105 Reykjavík www.hljodfaerahusid.is info@hljodfaerahusid.is Sími 591 5340
Aðga
ngu
r
ókey
pis!
Með
an
húsr
úm l
eyfir
.
Trommuleikarinn Zoro
Sólo tónleikar/námskeið.
FÍH salnum Rauðagerði 27, Reykjavík
26. september kl. 20.
Brekkuskóla Laugargötu , Akureyri
28. september kl 20.
Af því tilefni verður sértilboð á öllum vörum frá
Sabian, DW og Vic Firth dagana 25. - 30. september.
Zoro hefur meðal annars spilað og tekið upp með Lenny Kravitz, Bobby Brown, Frankie Valli
and the Four Seasons, The New Edition, Jody Watley, Sean Lennon, Philip Bailey of Earth Wind
& Fire, Lisa Marie Presley, Vanessa Paradis og miklu fleirum!
Hljóðfærahúsið kynnir.