Fréttablaðið - 25.10.2006, Blaðsíða 62

25. október 2006 MIÐVIKUDAGUR22
timamot@frettabladid.is
Tilkynningar um merkis-
atburði, stórafmæli og
útfarir í smáletursdálkinn
hér á síðunni má
senda á netfangið
timamot@frettabladid.is.
Auglýsingar á að senda á
auglysingar@frettabladid.is
eða hringja í síma
550 5000.
MERKISATBURÐIR
1917 Bolsévikar undir stjórn
Leníns ná völdum í
Rússlandi.
1955 The Tappan Company
kynnir örbylgjuofninn til
sögunnar.
1962 Adlai Stevenson,
sendiherra Bandaríkjanna,
sýnir Öryggisráði
Sameinuðu þjóðanna
ljósmyndir sem
sanna tilvist sovéskra
eldflaugaskotpalla á
Kúbu.
1962 Bandaríski rithöfundurinn
John Steinbeck hlýtur
bókmenntaverðlaun
Nóbels.
1983 Bandarískir hermenn
ráðast inn í Grenada í
kjölfar stjórnmálaumbrota
í landinu.
Breska skáldið Geoffrey Chaucer lést á
þessum degi árið 1400, 57 ára að aldri.
Chaucer hefur verið kallaður faðir enskra
bókmennta, því hann kaus að skrifa á
ensku frekar en á frönsku eða latínu, eins
og siður lærðra manna var á þeim tíma.
Eftir hann liggja mörg verk en þekktastur er
hann fyrir Kantaraborgarsögur, sem hann
náði ekki að ljúka við áður en hann lést.
Chaucer fæddist líklega í London árið 1343, þótt
nákvæm dag- eða staðsetning liggi ekki fyrir. Faðir
hans var kaupmaður en lítið er vitað um æskuár
skáldsins. Í upphafi hundrað ára stríðsins fór hann
með hernum til Frakklands og var tekinn til fanga
árið 1360. Honum var sleppt ári síðar en lítið er
vitað um afdrif hans næstu árin. Árið 1366 gekk
hann hins vegar í hjónaband og ári síðar fékk
hann inni sem hirðmaður konungs. Í þjónustu
konungs ferðaðist hann mikið, meðal annars til
Flórens þar sem hann kynntist ítölskum kveðskap,
sem hann studdist við í eigin kvæða-
gerð.
Talið er að Chaucer hafi verið kominn
til einhvers konar metorða sem skáld
árið 1374, þegar Játvarður III lofaði
honum drjúgum vínsopa á hverjum
degi til æviloka fyrir, að gera vel við sig
í ljóði. Hann var í þjónustu konungs til
æviloka, meðal annars sem tollheimtu-
maður og byggingameistari. Talið er að hann hafi
byrjað á Kantaraborgarsögum á 9. áratug 14. aldar
og lagt þær á hilluna á þeim tíunda.
Árið 1399 var Ríkharði II steypt af stóli og eftir
það svo gott sem hverfur Chaucer úr skriflegum
heimildum. Opinbert dánardægur hans er þó
ekki öruggt, það var sett á legstein hans rúmlega
hundrað árum eftir að hann dó. Hann var grafinn í
Westminister Abbey, en árið 1556 voru líkamsleifar
hans fluttar á virðulegri stað í kirkjugarðinum, sem
kallaður er Skáldahornið.
ÞETTA GERÐIST: 25. OKTÓBER 1400
Faðir enskra bókmennta allur
PABLO PICASSO LISTAMAÐUR (1881-
1973) FÆDDIST Á ÞESSUM DEGI
Góður smekkur, en ömurlegt
fyrirbæri. Smekkur er
andstæðingur
sköpunargáfunnar.
AFMÆLI
Ingibjörg
Þorbergs,
tónskáld og
textahöfundur,
er 79 ára.
Þorfinnur
Ómarsson,
upplýsinga-
fulltrúi, er 41
árs.
Jóhann
Sigurjónsson,
forstjóri Haf-
rannsókna-
stofnunar, er
54 ára.
Guðrún G.
Bergmann,
hótelhaldari
á Hellnum, er
56 ára.
Þorsteinn
Bachmann,
leikari, er 41
árs.
Kjartan Lorange, Bergstaðastræti 43, er 80 ára. Hann verður að
heiman.
„Við leggjum höfuðáherslu á
að bókin hafi hagnýtt gildi
fyrir fólk, til dæmis þegar
það þarf að fara í bankann
og til læknis“ segir Torfi
Geirmundarson rakari sem
ásamt Wasönu Maríu vinnur
að taílensk-íslensku orða-
safni.
Hugmyndin er runnin
undan rifjum Wasönu, sem
hefur unnið á rakarastofu
Torfa um skeið, en hann
hjálpar henni að snara hug-
tökunum yfir á íslensku.
Orðasafnið, sem Torfi býst
við að verði um sextíu síðna
langt, hefur verið í smíðum
undanfarna tvo mánuði. „Við
höfum leitað víða eftir styrk,
til dæmis hjá borginni og í
ýmsum ráðuneytum en fengið
lítil viðbrögð, þótt flestir séu
sammála að það sé mikil þörf
á svona riti. Það eru jú um
þrjú þúsund Taílendingar
hér á landi og um tvö hundruð
Íslendingar á Taílandi.“
Þá leitaði Torfi til JPV
eftir útgáfu og býður nú eftir
svari, en bókin er að hans
sögn svo gott sem tilbúin til
útgáfu. „Ég vona að hún
komi út á næstu mánuðum,
ég gef hana út sjálfur ef
annað bregst en til þess þarf
ég styrk,“ segir hann að
lokum.
Taílenskt-íslenskt orðasafn
TORFI OG MARÍA Hafa unnið
að orðasafninu undanfarna tvo
mánuði. FRÉTTABLAÐIÐ/HÖRÐUR
Bjarney Guðrún
Þórarinsdóttir (Badda)
starfsmaður á Hólaborg
er 60 ára í dag.
Hún verður að heiman.
Hjartans þakkir til allra þeirra sem sýndu
okkur hlýhug og stuðning við andlát og
útför ástkærs sonar okkar, fóstursonar,
bróður, mágs og frænda,
Kristjáns Þórðarsonar
Sérstakar þakkir til Slökkviliðs höfuðborgarsvæðisins.
Aðalheiður Kristjánsdóttir Vigfús Árnason
Þórður Rafn Guðjónsson Jónína Guðbjörg Björnsdóttir
Guðjón Þórðarson Jensína Helga Finnbjarnardóttir
Ingvar H. Þórðarson
Elísa Vigfúsdóttir Guðmundur Þorleifsson
Sigrún Óladóttir Hafsteinn Stefánsson
og frændsystkin.
Legsteinar
Kynningarafsláttur af
völdum tegundum
Fjölbreytt úrval
Hagstæð verð
Stuttur afgreiðslufrestur
Útfararþjónustan ehf.
Stofnað 1990
Þegar andlát ber að
Alhliða útfararþjónusta í 16 ár
Símar: 567 9110 & 893 8638
www.utfarir.is • utfarir@utfarir.is
Rúnar
Geirmundsson
Sigurður
Rúnarsson
Elís
Rúnarsson
Tveir liðsmenn Sniglabandsins, þeir
Skúli Gautason og Pálmi Sigurhjart-
arson, eiga afmæli í dag. Hljómsveit-
in hefur nýverið sent frá sér nýja
plötu og eins eru liðin tuttugu ár frá
því að fyrsta plata hljómsveitarinn-
ar, Fjöllin falla í hauga, leit dagsins
ljós. Rúvtops, nýjasta afurð hljóm-
sveitarinnar, er unnin upp úr útvarps-
þáttum sem Sniglabandið var með á
RÚV árin 2003-2004. Á henni má
finna sextán lög sem hljómsveitin
samdi eftir pöntunum hlustenda, og
þrjátíu brot úr útvarpsþáttunum
sjálfum.
Pálmi Sigurhjartarson, annað
afmælisbarn dagsins, var staddur á
Borgarfirði eystri í gær. „Ég er á
ferð um Austfirðina með Tónlist fyrir
alla, það er verkefni sem gengur út á
að tónlistarmenn heimsækja skóla
víðsvegar um landið og kynna íslensk
dægurlög og þjóðlög fyrir krökkun-
um,“ sagði hann, og bætti við að hann
yrði því „að heiman“ á afmælisdag-
inn. „Þetta er hálfgert flökkulíf hjá
mér þessa dagana, en ég fæ kannski
kökusneið eða eitthvað á afmælinu,“
sagði Pálmi.
Samhliða því að kynna Rúvtops
ásamt öðrum meðlimum hljómsveitar-
innar, flytur Pálmi tónlist sína í sýn-
ingunni Þjóðarsálinni sem sýnd er í
Reiðhöll Gusts í Kópavogi, og hefur
því í nógu að snúast. „Svo erum við
núna að vinna í lögunum úr útvarps-
þáttum Sniglabandsins í sumar. Þau
verða gefin út á næsta ári,“ sagði
Pálmi, sem vildi ólmur nýta tæki-
færið og óska Skúla vini sínum til
hamingju með daginn.
Skúli, stofnandi Sniglabandsins, var
nýlentur í Danmörku þegar Fréttablaðið
náði tali af honum í gær. Skúli sagðist
þó ekki vera fluttur af landi brott.
„Konan mín er hér í námi, og ég er hér
eins mikið og ég get.“ Skúli stefnir á að
fagna afmælinu með fjölskyldu og nán-
ustu vinum. „Ætli við förum ekki eitt-
hvað út að borða,“ sagði hann.
Aðspurður hvort einhver áform
væru um að halda upp á tuttugu ára
útgáfuafmæli Sniglabandsins sagði
Skúli að það kæmi vel til greina. „Við
höfum verið að hugsa um það, en það er
ekki orðið ljóst hvernig það verður
ennþá,“ sagði hann. Starfsaldur Snigla-
bandsins er nú orðinn nokkuð langur,
en Skúli sagðist allt eins hafa búist við
því að hljómsveitin yrði langlíf þegar
hún var stofnuð. „Ég fann það eiginlega
strax í upphafi að við vorum með eitt-
hvað svolítið sérstakt í höndunum, það
var einhver galdur í þessu,“ sagði Skúli,
en að sögn hans er galdurinn enn í með-
limum Sniglabandsins. Skúli segir tón-
listarstefnu hljómsveitarinnar þó hafa
breyst nokkuð í gegnum árin, og ætti
þess væntanlega að verða vart ef Fjöl-
lin falla í hauga er borin saman við
Rúvtops. „Framan af var þetta mjög
rokkuð hljómsveit, en við höfum nú
mýkst eitthvað síðan og tónlistarstefn-
an víkkað út frá bifhjólarokkinu,“ sagði
Skúli. sunna@frettabladid.is
SNIGLABANDIÐ: FAGNAR MARGFÖLDUM AFMÆLUM UM ÞESSAR MUNDIR
Orðnir mýkri með árunum
PÁLMI SIGURHJARTARSON Segir Sniglabandið
starfa meðan þeir hafi gaman af því.
FRÉTTABLAÐIÐ/GVA
STOFNANDI SNIGLABANDSINS Skúli Gautason var staddur í Danmörku og heldur upp á afmælið þar. FRÉTTABLAÐIÐ/HILLI
ÁGÚST
BOGASON,
útvarps- og
tónlistarmaður,
er 25 ára.