Fréttablaðið - 25.10.2006, Blaðsíða 70

25. október 2006 MIÐVIKUDAGUR30
Bresku blöðin kalla þetta
skilnað aldarinnar og aðrar
fréttir hafa gjörsamlega
fallið í skuggann af máli
Paul McCartney og Heather
Mills. Fréttablaðið skellti
sér baksviðs á sápuóperuna
sem virðist vera í uppsigl-
ingu.
Paul McCartney og Heather Mills
komu fram sem samrýmdar mann-
eskjur og virtust stíga til jarðar
saman þegar þau tilkynntu bresk-
um fjölmiðlum og almenningi um
skilnað sinn eftir fjögurra ára
hjónaband. „Okkur hefur fundist
það mjög erfitt að lifa eðlilegu lífi
með þessum stöðuga átroðningi
fjölmiðla inn í líf okkar,“ sagði
meðal annars í yfirlýsingunni.
„Okkur finnst það því mjög sorg-
legt að tilkynna að við höfum
ákveðið að skilja að skiptum en
sem vinir og viljum gjarnan fá
frið á þessum erfiðu tímum.“
Adam var hins vegar ekki lengi í
paradís.
Mills fer í mál við fjölmiðla
Fréttir síðustu viku hafa verið í
sápuóperustíl. The Daily Mail
komst á undarlegan hátt yfir hluta
skilnaðarskjalanna sem Mills
ætlar að leggja fram við réttar-
höldin en þau eiga að hefjast
snemma á næsta ári. Þar segir
Mills að McCartney hafi lamið sig
og beitt sig andlegu ofbeldi. Nýjar
fréttir benda til þess að sumt af
starfsfólki Lindu heitinnar
McCartney hafi varað Heather við
ofbeldisfullri hegðan Paul. Í gær
tilkynnti Mills síðan að hún ætlaði
í mál við The Daily Mail og The
Sun vegna fréttaflutnings þeirra
af málinu og sagðist fyrirsætan
vera skotspónn þarlendra fjöl-
miðla.
Vinir bítilsins urðu fokillir yfir
þessum fréttum og lýstu því yfir í
blöðunum að Mills væri algjör
geðsjúklingur sem hefði hagað
sér svo brjálæðislega að þeir
hefðu reynt að fá McCartney til að
losa sig við hana. Margir þeirra
komu meira að segja fram undir
nafni.
McCartney sneri síðan vörn í
sókn, sagði Heather hafa reynt að
rústa feril sinn meðan á hjóna-
bandinu stóð, eytt öllum pening-
um sínum og jafnvel beitt sig
ofbeldi. Orð standa því gegn orði
en breska pressan virðist hafa
tekið málstað McCartneys enda
tónlistarmaðurinn elskaður af
þjóð sinni. Aðdáendur McCartn-
eys hafa jafnframt lýst yfir mikl-
um stuðningi við Paul eins og sjá
mátti í Fréttablaðinu í gær þegar
Davíð Steingrímsson, aðdáandi
McCartney númer eitt, sagði Mills
vera skemmda og málatilbúnaður
hennar lygi. „Í hans tónlist eru
allir textarnir um ást, hlýju og
vinskap og fjölskyldu,“ sagði
Davíð.
Klám og vændi
Skuggaleg fortíð fyrirsætunnar
hefur jafnframt komið fyrir sjón-
ir almennings. The Daily Mail
birti skömmu eftir skilnaðinn
djarfar myndir af Mills í heitum
leik við þýskan ljósmyndara sem
komu fyrst út í bókinni Die Freu-
den Der Liebe eða Unaðssemdir
ástarlífsins. Ekki skánaði ástandið
hjá Mills þegar News of the World
birti stóra frétt á forsíðu sinni
skömmu seinna sem gaf til kynna
að Mills hefði selt líkama sinn
hæstbjóðanda og hefði meðal ann-
ars verið reglulegur rekkjunautur
vopnasalans Adnan Khashoggi.
Í fyrstu vildi Paul ekkert af
þessu vita og jafnvel þegar þau
gengju í hjónaband bauðst Heath-
er til að skrifa undir kaupmála en
Paul hafnaði því, sagði það vera
órómantískt. Heather
hefur alltaf þurft að
verja sig gegn árás-
um fjölmiðla um að
hún sé „gold digger“,
að hún sæktist ein-
göngu eftir
peningum bít-
ilsins sem er
29. ríkasti
maður Bret-
lands. Paul
hefur jafnan
tekið upp hanskann fyrir Mills,
varið hana með kjafti og klóm og
fór meira að segja fram á viðtal í
The Sun þar sem hann sagði engin
vandamál vera milli Mills og dótt-
ur sinnar, Stellu McCartney. Þegar
flett er upp í alþjóðlegum mynda-
bönkum má hins vegar sjá að Mills
var aldrei neitt sérstaklega áhuga-
söm um frama stjúpdótturinnar,
lét helst ekki sjá sig á tískusýning-
um hennar og aldrei án síns heitt
elskaða. Nú er jafnvel talið að
McCartney vilji að lögfræðingar
hans noti hina skuggalegu fortíð
Mills gegn henni í réttarsalnum.
Góðu verkin komu þeim saman
Þótt hatrið sé áberandi á
milli Mills og McCartn-
ey um þessar mundir
voru það hin „góðu“
verk sem leiddi þau
saman. Mills og
McCartney kynntust á
góðgerðarsamkomu
árið 1999 til styrkt-
ar fólki sem
hafði örkuml-
ast í stríði en
Mills varð
sjálf fyrir
því að missa
annan fót-
inn þegar
mótorhjól
keyrði á
hana. Paul
hafði þá
nýverið
fylgt eigin-
konu sinni Lindu McCartney til
grafar og voru margir sem furðuðu
sig á því hversu stuttan tíma það
tók fyrir McCartney að jafna sig á
þessari miklu sorg. Hann neitaði
þó alfarið að eiga í ástarsambandi
við Mills og sagði samband þeirra
algjörlega fagmannlegt. „Ég vil
bara styðja við það góða starf sem
Heather er að vinna,“ sagði Paul
árið 1999. Ári síðar tilkynnnti bít-
illinn hins vegar að hann væri
kominn með nýja konu – hún væri
Heather Mills.
Mills og McCartney eiga saman
eina dóttur, Beatrice, og hafa lækn-
ar sagt það vera kraftaverki næst
að Mills lifði af fæðinguna.
McCartney er sagður krefjast þess
að fá fullt forræði yfir henni og er
líklegt að sú krafa hans hafi hleypt
öllu í bál og brand. Sérfræðingar í
skilnaðarmálum eru ekki sammála
um hvernig málið verði til lykta
leitt. Sumir telja að McCartney
muni jafnvel skrifa stóran tékka
til að losna við Heather en
aðrir segja öruggt að
hann muni fara með
málið alla leið, klækir
Mills hafi ekki borgað
sig heldur muni hún
tapa miklum fjárhæð-
um á þessari fjöl-
miðlasápu.
freyrgigja@frettabladid.is
Martröð rómantíska bítilsins
ÆVINTÝRIÐ Heather Mills og Paul McCartney voru gift í fjögur ár og eiga eitt barn
saman. Skilnaður þeirra gæti orðið sá dýrasti í sögu Bretlands.
KLÁMIÐ Myndirnar af Heather Mills
í erótískum stellingum vöktu mikla
athygli.
DÓTTIRIN
Fjölmiðlar hafa
velt sér mikið
upp úr sam-
bandi Stellu
McCartney og
Heather Mills.
Dótturinni var
víst aldrei vel
við stjúpu sína.
KEYPTI HANN MILLS?
Adnan Khasoggi er
talinn hafa verið einn
þeirra sem keyptu
sér blíðu Heath-
er Mills þegar
hún vann
fyrir sér sem
vændiskona.
DAVÍÐ STEINGRÍMSSON
Aðdáandi McCartneys
númer eitt hér á landi og
segir Mills vera að ljúga upp á
sinn mann.
SAMBANDIÐ Í
HNOTSKURN
1999: Bæði Paul McCartney og
Heather Mills neita öllum sögusögn-
um um að þau séu saman eftir að
breska slúðurpressan hafði skellt
meintu ástarsambandi þeirra á
forsíðuna.
2000: Paul lýsir yfir ást sinni á Heath-
er Mills í sjónvarpsþætti en hann
hafði hingað til neitað að tjá sig um
sitt ástarlíf eftir að kona hans, Linda,
lést úr krabbameini árið 1998.
2002: Parið lýsir því yfir að þau ætli
sér að ganga í það heilaga. Fjölmiðlar
eru ekki hrifnir af Mills og sögusagnir
fara á kreik um að hún sé á eftir
peningum bítilsins.
2003: McCartney og Mills eignast
stúlkubarnið Beatrice og segja læknar
það ganga kraftaverki næst að Mills
skuli hafa lifað fæðinguna af.
2006: McCartney og Mills koma
heimsbyggðinni á óvart þegar
þau tilkynna um skilnað sinn eftir
einungis fjögurra ára hjónaband. Þau
skella skuldinni á ásókn fjölmiðla.
The Mirror birtir síðan fréttir af því að
Mills ætli sér að halda því fram að
McCartney hafi beitt hana ofbeldi.
McCartney segist ætla að verja sig
með kjafti og klóm.
Eurovision-nördarnir úti í heimi
hafa komist á snoðir um þátttöku
Silvíu Nætur í kvikmyndinni Mýr-
inni. Á opinberri heimasíðu
Euro- vision-keppninnar
má sjá stutta
frétt um
að sjón-
varps-
drottning-
in og
söngkonan leggi
sitt af mörkunum í
nýjustu mynd
Baltasars
Kormáks.
Reyndar er
Mýrin kölluð
The Moor en
opinberlega hefur myndin verið
kynnt á ensku sem Jar City.
Ágústa Eva Erlendsdóttir, sem
jafnan bregður sér í hlutverk Sil-
víu, fær prýðisgóða dóma fyrir
frammistöðu sína sem Eva Lind
og er sagt að henni takist að kveðja
hina hrokafullu og freku Euro-
vision-týpu sem hafi varla verið
auðvelt. Mýrin er nú sýnd fyrir
fullu húsi í kvikmyndahúsum
landsins og er aðsóknin það góð að
raðir myndast fyrir framan kvik-
myndasalina en þegar hafa um
sextán þúsund manns séð mynd-
ina.
Óðum styttist í nýja þáttaröð
með Silvíu Nótt sem væntanlega
verður sýnd á sjónvarpsstöðinni
Skjá einum en sjónvarpsdívan
hefur lítið látið fara fyrir sér eftir
að hún komst ekki upp úr undan-
riðli Eurovision-keppninnar á
Grikklandi. Framkoma hennar
vakti hins vegar mikla athygli þar
syðra og voru skiptar skoðanir á
því hvort svona framferði væri
ásættanlegt. - fgg
Silvía Nótt vekur athygli í Mýrinni
SILVÍA NÓTT
Á greinilega dygga
aðdáendur hjá
þeim sem fylgjast
grannt með Euro-
vision-keppninni.
EVA LIND Ágústa Eva Erlendsdóttir þykir standa sig vel í kvikmyndinni Mýrinni.