Fréttablaðið - 25.10.2006, Blaðsíða 68

25. október 2006 MIÐVIKUDAGUR28
Lauganesbúar í Reykja-
vík og nágrannar geta
skellt sér á gospelsöng í
kvöld í kirkjunni í Laug-
arnesi. Þar leiða saman
hesta sína Fríkirkjukór-
inn í Hafnarfirði og
Kirkjukór Laugarnes-
kirkju. Fríkirkjukórinn
hélt svipaða tónleika í
fyrra í Hafnarfirði. Tók-
ust þeir með allra besta
móti og nutu flytjendur og áheyr-
endur stundarinnar til hins ýtrasta.
Því ákváðu kórfélagar að hefja
útrás, eins og tíðkast svo mjög um
þessar mundir, til Reykjavíkur og
fá með sér félaga í Kirkjukór Laug-
arneskirkju. Alls munu því um 60
manns syngja þessa yndislegu tón-
list þar sem hryn og
þéttur hljómur haldast
hönd í hönd. Ekki eru
kórarnir einir á ferð
því hljómsveit, skipuð
þeim Gunnari Hrafns-
syni á bassa, Gunnari
Gunnarssyni á hljóm-
borð, Skarphéðni Hjart-
arsyni á hljómborð,
Þorvaldi Þorvaldssyni
á trommur og Erni Arn-
arssyni á gítar, leikur með. Ein-
söngvarar á tónleikunum verða Þor-
valdur Halldórsson og Esther
Jökulsdóttir. Stjórnendur eru Gunn-
ar Gunnarsson og Örn Arnarson.
Miðasala er hjá kórfélögum og við
innganginn. Miðaverð er 1.500 kr.
- pbb
Gospel í Laugarnesi
Þórunn Anspach og Olivier
Brement halda fyrirlestur
í kvöld í gamla upptökusal
ríkissjónvarpsins á Lauga-
vegi 176. Fyrirlesturinn
er haldinn á vegum Kvik-
myndaskóla Íslands.
Þau hjón eru með reyndustu ein-
staklingum í Evrópu í framleiðslu
sjónvarpsefnis og er fyrirlestur
þeirra því hvalreki fyrir alla
áhugamenn um þann erfiða geira
myndiðnaðar. Hefst fyrirlesturinn
kl. 20.
Hjónin Þórunn Anspach og Oli-
vier Brémond ákváðu fyrir fáum
árum að setjast að á Íslandi eftir
að hafa búið í París í langan aldur.
Þar unnu þau við framleiðslu og
dreifingu sjónvarpsefni og ráku
kraftmikið fyrirtæki, Marathon
International. Þau söðluðu um og
hafa nú selt það og eru komin í
verslunarrekstur á Laugavegin-
um í Reykjavík.
Vöxturinn í Marathon var feiki-
hraður: Olivier framleiddi yfir
2.000 sjónvarpsprógröm og þar
með talinn lengsta evrópska fram-
haldsmyndaflokkinn St-Tropes,
fjölmarga aðra framhaldsmynda-
flokka, þar á meðal enska þætti í
samframleiðslu við Kanada eins
og verðlaunaþættina 15 LOVE.
Hann framleiddi hundruð heim-
ildamyndaþátta með fjölmörgum
sjónvarpsstöðvum, má þar nefna
Discovery, National Geographic,
Animal Planet, og heimildamyndir
fyrir börn, nokkrar seríur af
teiknimyndum, til dæmis Santa
Claus seríuna, Marsupilami
(Gorm) og Totally Spies.
Þórunn sá um markaðssetningu
og alþjóðatengsl. Marathon
dreifði yfir þúsundum klukku-
stunda af dagskrárefni á yfir 200
sjónvarpsrásir í Evrópu, Amer-
íku, suður og norður, Asíu og Eyja-
álfu. Marathon er stærsta fram-
leiðslufyrirtækið í Frakklandi og
einn helsti dreifingaraðilinn í Evr-
ópu. Þórunn og Olivier seldu fyrir-
tækið 2006.
Þórunn og Olivier ætla að skýra
nemendum, leiðbeinendum og
gestum Kvikmyndaskólans frá
reynslu sinni á sviði framleiðslu
og dreifingar og sýna myndabrot
þegar það á við. Fyrirlestur þeirra
mun fara fram á ensku og aðgang-
ur er ókeypis.
-pbb
Framleiðsla og dreifing
sjónvarpsefnis kynnt
ÞÓRUNN ANSPACH Stödd í verslun þeirra hjóna í miðborg Reykjavíkur, Kisunni. Í kvöld halda þau hjón fyrirlestur um framleiðslu og
dreifingu sjónvarpsefnis.
Dauði ljóðsins er bull og það
hyggjast þeir Bjartsmenn sanna í
kvöld með ljóðaupplestri á Næsta
bar í Ingólfsstræti.
Þau hjá Bjarti eru enda nýbúin
að gefa út þrjár ljóðabækur og
hrósa sér í fréttatilkynningum
fyrir ljóðaflóð
mánaðarins.
Hefst lest-
urinn í kvöld
kl. 20 undir
styrkri stjórn
hinnar kunnu
útvarpsraddar
Eiríks Guðmundssonar.
Fyrstur lesara er Ingunn Snæ-
dal sem les úr verðlaunabók sinni
Guðlausir menn – hugleiðingum
um jökulvatn og ást. Ingunn fékk
verðlaun kennd við Tómas Guð-
mundsson skáld fyrir skömmu.
Annar verðlaunaþegi, Óskar
Árni Óskarsson sem þáði Ljóðstaf
Kópavogsbúa fyrr á árinu, gaf líka
út ljóðabók á dögunum: Loftskip.
Hann les þarna líka upphátt. Þá
verður lesið úr nýju ljóðasafni
Vésteins Lúðvíkssonar, Sumir láta
eins og holdið eigi sér takmörk, en
Vésreinn hefur gefið út ljóðabæk-
ur á forlagi Bjarts sem eru ekki
tíðindaminni en skáldsögur hans
sem allt varð vitlaust út af hér á
landi í fyrndinni.
Vésteinn er fjarri, býr í Asís-
löndum, svo leynigestur les úr
verkum hans.
Þá les Steinar Bragi úr ljóðum
sínum en hann hefur nýlega geng-
ið frá nýrri skáldsögu í prentun.
Samkoma Bjartsmanna hefst á
hinum kunna bar kl. 20. -pbb
Bjartsmenn boða ljóðasókn
INGUNN SNÆDAL ÁSAMT BORGARSTJÓRA VILHJÁLMI Þ. VILHJÁLMSSYNI Er hún tók við verðlaunum úr minningarsjóði Tómasar Guð-
mundssonar.
ÓSKAR ÁRNI OSKARSSON Les úr nýrri
bók sinni, Loftskipum.
EIRÍKUR GUÐMUNDSSON Rithöfundur og
umsjónarmaður Víðsjár á Rás 1.