Fréttablaðið - 25.10.2006, Blaðsíða 66

25. október 2006 MIÐVIKUDAGUR26
menning@frettabladid.is
Tvö kunnustu ballbönd landsins
hafa tilkynnt að þau spili á einu og
sama gigginu í Kaupmannahöfn á
næsta ári. Þetta eru Sálin og Stuð-
menn og er þetta í fyrsta sinn sem
hljómsveitirnar troða upp saman á
dansleik.
Ballið verður í Cirkusbygning-
en síðasta vetrardag, þann 18. apríl
2007. Hljómsveitirnar leika til
skiptis undir borðhaldi frá kl.
19.30-22.00 og síðan fyrir dansi á
sama stað frá kl. 23.00-02.00.
Cirkusbygningen er í miðborg
Kaupmannahafnar, en íslenskt
fyrirtæki stendur fyrir tiltækinu,
Hótelbókanir í Kaupmannahöfn,
www.kaupmannahofn.dk. Segir í
fréttatilkynningu fyrirtækisins að
umgjörð verði afar vönduð enda
ekki á hverjum degi sem þessar
stórsveitir komi saman.
Alls tekur húsið á móti 1.150
manns, þ.e. 850 í mat. Uppselt var
á tónleika Sálarinnar í Kaup-
mannahöfn 5. nóvember í fyrra og
sömuleiðis á tónleika Stuðmanna í
Tívolí í september 2003.
Ballbönd í Höfn
> Dustaðu rykið af
plötum Sykurmolanna en í dag kl.
10 hefst sala á miðum á tuttugu ára
afmælistónleika þeirra sem verða í Höll-
inni þann 17. nóvember. FL Group hefur
ákveðið að styðja myndarlega við bakið
á Sykurmolunum af þessu tilefni. Miða-
sala er í verslunum Skífunnar, Kringlunni
og Smáralind, BT Akureyri, Selfossi og
Egilsstöðum og á Midi.is. Miðaverð á
tónleikana er 5.000 krónur, að viðbættu
350 kr. miðagjaldi söluaðila, í stæði
og 6.500 krónur (að viðbættu 440 kr
miðagjaldi) í stúku.
Aldurstakmark á tónleikana er 18 ár,
nema í fylgd fullorðinna.
Ólafur Gunnar Gunn-
laugsson, myndlist-
armaður og rithöf-
undur, heldur áfram
bálki sínum um þann
vinalega búálf, Bene-
dikt. Hjá Máli og
menningu er komin
út ný bók um Bene-
dikt, Svarta nornin.
Þetta er sjöunda
sagan í bálknum um
Benedikt, en Ólafur
semur bæði texta og
gerir myndheim bók-
anna. Hafa þær átt
miklum vinsældum
að fagna hjá ungum krökkum,
bæði sem lesefni foreldra fyrir
ólæs börn og til lestrar fyrir
krakka sem eru
komnir vel af stað í
lestri sjálfir.
Sagan er svo
kynnt: Þegar Bene-
dikt búálfur rekst á
dularfullan pakka í
póstinum hjá Dídí
ákveður hann strax
að fara með hann til
Álfheima og opna
hann þar. En það
sem leynist í pakk-
anum er hættulegra
en Benedikt hafði
grunað.
Bókin er 40 bls.
og er leiðbeinandi verð 2.690 kr.
Mál og menning gefur hana út,
sem og fyrri bækur Ólafs.
Ný saga um Benedikt
Kl. 20.00
Í kvöld verður fræðsludeild Þjóð-
leikhússins með kynningarfund um
leiklistarmeðferð í gamla Hæstaréttar-
húsinu við Lindargötu í Reykjavík.
Sigríður Birna Valdimarsdóttir er
sérfræðingur á því sviði, en á erlendum
málum er hennar fag kallað Drama
Therapy. Hún hefur kennt í Hagaskóla
undanfarin ár og látið börn leika.
Meðferð sem þessi er víða notuð til að
bæta félagslega hegðun og gera þeim
kleift að koma fram sem eru innilokaðir.
Erindið er öllum áhugamönnum opið.
Tónlistardagar Dómkirkj-
unnar hafa í aldarfjórðung
lífgað upp á haustið. Til
þeirra er stofnað til að
halda upp á vígsluafmæli
kirkjunnar og standa þeir
frá síðustu helginni í október
og fram í miðjan nóvember.
Í ár er viðhöfnin stærri því
liðin eru 210 ár frá því að
Dómkirkjan í kvosinni var
vígð.
Eiginlegir upphafstónleikar Tón-
listardaga verða föstudaginn 3.
nóvember en þá mun Dómkórinn
frumflytja ný tónverk sem samin
hafa verið sérstaklega fyrir kórinn
í tilefni af Tónlistardögunum.
Tónlistardagskráin í Dómkirkj-
unni hefst fyrr; strax annað kvöld
hefst dagskráin með því að
unglingakór Dómkirkjunnar undir
stjórn Kristínar Valsdóttur heldur
tónleika og hefjast þeir klukkan
20.
Þá verður afmælis Dómkirkj-
unnar minnst með samfelldum
tónlistarflutningi í kirkjunni frá kl.
11 til 17 laugardaginn kemur. Þann
dag verður opið hús í kirkjunni þar
sem fólki gefst tækifæri til að líta
inn hvenær sem er dagsins og hlýða
á tónlist.
Þá koma fram Anna Sigríður
Helgadóttir messósópran, Skólakór
Kársness undir stjórn Þórunnar
Björnsdóttur, Kirkjukór Neskirkju
sem stjórnað er af Steingrími
Þórhallssyni, ungir listamenn úr
Tónlistarskólanum í Reykjavík,
Dómkórinn og Marteinn H. Friðriks-
son.
Markmið Tónlistardaganna er
að efla og kynna tónlist sem samin
er guði til dýrðar og mönnum til
andlegrar upplyftingar. Árlega er
leitað til tónskálda og þau fengin til
að semja verk fyrir Dómkórinn og
aðra flytjendur sem síðan hafa
verið frumflutt á Tónlistardögum
kirkjunnar.
Frá því fyrst var efnt til Tónlistar-
daga Dómkirkjunnar, árið 1982,
hafa hátt í þrjátíu tónskáld samið
verk fyrir Tónlistardagana. Þeirra
á meðal eru öll helstu núlifandi tón-
skáld Íslands auk nokkurra
erlendra tónskálda.
Í ár var leitað til tónskálda sem
áður hafa samið tónverk fyrir
Tónlistardaga og sem búsett eru á
landinu. Voru þau beðin um að
semja sálm eða stutt kórlag fyrir
Dómkórinn. Mörg falleg lög bárust
og verða þau frumflutt á tónleikum
í Dómkirkjunni föstudaginn 3. nóv-
ember kl. 20. Tónskáldin sem eiga
ný verk á þessum tónleikum eru:
Þorkell Sigurbjörnsson, Hróðmar
Ingi Sigurbjörnsson, Jónas Tómas-
son, Jón Ásgeirsson, Mist Þorkels-
dóttir, Tryggvi M. Baldursson og
Jórunn Viðar.
Að auki eru á efnisskránni verk
eftir Jón Nordal, Jón Þórarinsson,
Harald Sveinbjörnsson og Hjálmar
H. Ragnarsson. Auk Dómkórsins
eru flytjendur stjórnandi kórsins,
Marteinn H. Friðriksson, sem leikur
á orgel, og Sesselja Kristjánsdóttir
messósópran.
Lokatónleikar Tónlistardaga
verða í Hallgrímskirkju laugardag-
inn 12. nóvember kl. 17. Þá mun
Dómkórinn flytja tónverkið „Missa
choralis“ eftir Franz Liszt. Til að
takast á við þetta verk hefur kórinn
bætt við sig söngfólki og munu í
þetta skipti áttatíu söngvarar
syngja tónverkið. Messan, sem er
eitt af síðustum tónverkum tón-
skáldsins, var samin í Vatíkaninu í
Róm í síðrómantískum stíl. Fimm
einsöngvarar taka þátt í flutningn-
um, þau Marta Guðrún Halldórs-
dóttir, Guðrún Jóhanna Ólafsdóttir,
Gunnar Guðbjörnsson, Bergþór
Pálsson og Davíð Ólafsson. Lenka
Mátéová leikur á orgel og stjórn-
andi er Marteinn H. Friksson. Á
tónleikunum mun Dómkórinn einn-
ig syngja mótettur eftir Palestrina
og Bruckner. - pbb
Tónlistin í Dómkirkjunni
DÓMKÓRINN Í REYKJAVÍK HELDUR UPP Á TÓNLISTARDAGA Í DÓMKIRKJUNNI Í 25. SKIPTIÐ Kórinn hefur að vanda pantað verk frá
íslenskum tónskáldum en sjö ný verk verða flutt á tónlistardögunum næstu daga.
! Stuttmyndin Slavek The Shit í leikstjórn Gríms Hákonarsonar hlaut verðlaun á
Kvikmyndahátíðinni í Chicago sem lauk sl.
föstudag. Myndin hlaut Silver Hugo verð-
launin en bandaríska stuttmyndin Forgetting
Betty í leikstjórn James Anderson og Robert
Postrozny hlaut Golden Hugo verðlaunin.
Kvikmyndahátíðin í Chicago er mjög virt
hátíð, stofnuð 1965, en hún er jafnframt ein
elsta kvikmyndahátíðin í Norður-Ameríku.
Önnur íslensk mynd, Blóðbönd, var á meðal
mynda í einni af keppnisdagskrám hátíð-
arinnar, „First & Second Feature Competit-
ion“ en leikstjóri myndarinnar, Árni Ólafur
Ásgeirsson, var gestur hátíðarinnar.
Slavek the Shit hóf sigurgöngu sína á
Kvikmyndahátíðinni í Cannes 2005 þar sem
hún var valin í „Cinefoundation“ dagskrána,
síðan þá hefur hún verið valin í dagskrár
kvikmyndahátíða um allan heim og hlotið
fjölda verðlauna.
Sigurganga Slaveks
GRÍMUR HÁKONARSON Hefur átt velgengni að
fagna með stuttmynd sína.
Í kvöld verða tónleikar í Salnum í
Kópavogi í Tíbrár-flokknum. Það
eru þau Sigurður Halldórsson selló-
leikari, Pamela de Sensi flautu-
leikari og Daníel Þorsteinsson
píanóleikari sem standa á sviðinu.
Verkin sem þau ráðast í að flytja
eru öll af suðrænum toga: Villa-
Lobos, Piazzola og Ginastera.
Öll þessi tónskáld sóttu sér inn-
blástur í þjóðlega tónlist sam-
félagsins sem skóp þau en við
bættist að þau voru verseruð í
tískustraumum tónlistarmanna
samtíðar sinnar og kunnu margt
fyrir sér. Sigurður segir að alþjóð-
legir vindar blási um skrána:
Seríalismi, aleatorískir ryþmar,
nýklassík og endurunnin barokk-
form.
Þessi þrjú hafa öll starfað um
árabil að tónlistarflutningi: Sigurður
hefur starfað sem einleikari og tón-
listarmaður auk kennslu í tvo ára-
tugi og verið harla seigur að koma
verkefnum af stað. Hann hefur
verið í Caput frá stofnun, sá um
15.15 tónleikaröðina í Borgarleik-
húsi, vinnur með Voces Thules og
nú er hann listrænn stjórnandi
Sumartónleika í Skálholti. Þeir
Daníel hafa leikið saman meira og
minna allt sem skrifað hefur verið
fyrir selló og píanó og er þá ekki
allt talið sem Sigurður hefur lagt til
málanna í tónlist.
Daníel hefur verið að síðan hann
lauk námi árið 1993. Hann hefur
leikið með ýmsum tónlistarmönn-
um, unnið í leikhúsi og verið með
Caput um langt skeið. Þá hefur
hann verið einleikari með Sinfón-
íunni fyrir norðan en þar er hann
búsettur.
Besti hlutinn í tríói þessu er
Pamela sem hér hefur búið frá 2003.
Hún lauk prófi 1998 og starfaði með
ýmsum hópum á Ítalíu um fimm ára
skeið. Hún hlaut ýmsar viðurkenn-
ingar og hefur víða komið fram sem
einleikari og í ýmsum hópum. Hún
er í hópnum Horus Enseble og tríó-
inu sem kennt er við Sjerasade.
Tónleikarnir í kvöld hefjast
klukkan 20. - pbb
Seiðandi taktar í Salnum
SKEIFAN 3E-F · SÍMI 581-2333 · FAX 568-0215 · WWW.RAFVER.IS
99,99% hreinlæti
Fjögra þrepa hreinsun á lofti
Engir ryksugupokar
Hepa 12 loftsía
Fjórföld síun á lofti skilar
því tandurhreinu út í
andrúmsloftið
Vatni með óhreinindum
hellt úr fötunni
DS 5500
� Afl: 1400 W
SALURINN Það er suðrænn hiti í verkum
kvöldsins. FRÉTTABLAÐIÐ/GVA