Fréttablaðið - 03.11.2006, Síða 29

Smáauglýsingasími
550 5000
Auglýsingasími Allt
550 5880
Þú getur pantað
smáauglýsingar á visir.is
Eftir sautján ára búsetu í Danmörku
er Guðrún flutt til Íslands og byrjuð að
gera smurbrauð á Jómfrúnni í Lækjar-
götu.
Guðrún Pálína Sveinsdóttir hefur verið vin-
kona smurbrauðs-jómfrúarinnar Jakobs
Jakobssonar í yfir tuttugu ár. Fyrir fjórum
mánuðum réði hún sig til starfa hjá honum
sem yfirkokkur á smurbrauðsstaðnum góða
við Lækjargötuna, en áður bjó hún og starfaði
í Kaupmannahöfn í sautján ár. „Núna er ég
nýkomin inn í þennan smurbrauðsbransa en í
Danmörku var ég lengst af á veitingastað sem
heitir Arken og er staðsettur í Nýlistasafninu
í Kaupmannahöfn,“ segir Guðrún glöð í bragði
þegar blaðamaður spyr hana út í feril hennar
í bransanum.
„Á Arken var mestmegnis eldaður
kaffihúsamatur, en við sáum líka mikið um
veislur og ráðstefnur. Í veisluþjónustunni var
yfirleitt mikið að gera og meðal annars sáum
við oft um veislur fyrir kóngafólkið. Fyrir-
tækið sem ég vann fyrir sá líka um matreiðslu
fyrir Konunglega leikhúsið og þar var meðal
annars haldinn heljarinnar gala-kvöldverður,
kvöldið áður en Friðrik og María gengu í það
heilaga fyrir tveimur árum. Og svona svo að
ég monti mig aðeins þá er gaman að segja frá
því að í þessari veislu var samankomið allt
kóngafólkið í Evrópu, en ég var ein af fjórtán
kokkum sem sáu um veisluna.“
Spurð að því hvort það sé ekki undarlegt
að koma af slíkum skala í eldamennsku, yfir í
smurbrauðsgerð í henni litlu Reykjavík seg-
ist Guðrún hafa vaxið upp úr því að hafa
gaman af látunum. „Mann langar bara til að
hægja á sér. Það eru allir kokkar þannig. Það
endist enginn í endalausum hamagangi. Mér
finnst bara gaman að vera komin heim og
hlakka til að fá kaldan vetur og vonandi mik-
inn snjó,“ segir hún að lokum.
Eldað fyrir kóngafólk