Fréttablaðið - 01.12.2006, Blaðsíða 4
4 1. desember 2006 FÖSTUDAGUR
GenGið 30.11.2006
Gjaldmiðlar kaup sala
Heimild: seðlabanki Íslands
122,7957
GenGisvísitala krónunnar
67,97 68,29
132,96 133,60
89,64 90,14
12,023 12,093
10,938 11,002
9,887 9,945
0,5843 0,5877
102,42 103,04
Bandaríkjadalur
sterlingspund
evra
dönsk króna
Norsk króna
sænsk króna
japanskt jen
sdr
DÓMSMÁL Tveir sakborninga í
einu stærsta fíkniefnamáli sem
komið hefur upp hér á landi báru
fyrir dómi í gær, að þeir hefðu
verið svo sljóir af bensínvímu að
þeir hefðu ekki áttað sig á því að
þeir væru að losa ríflega 25 kíló
af fíkniefnum úr bensíntanki bif-
reiðar.
Málflutningur fór fram í
Héraðsdómi Reykjavíkur í gær.
Fjórir menn eru ákærðir fyrir
stórfellt fíkniefnabrot, þar sem
reynt var að smygla inn ríflega
fimmtán kílóum af amfetamíni og
rúmum tíu kílóum af hassi í
bensíntanki BMW-bifreiðar. Þrír
þeirra, Hollendingurinn Johan H.
Engelsman, Ársæll Snorrason og
Ólafur Ágúst Hraundal, voru
handteknir 13. apríl í iðnaðar-
húsnæði á Krókhálsi, þar sem
þeir voru að fjarlægja efnin úr
bifreiðinni.
Fjórði sakborningurinn, Hörð-
ur Eyjólfur Hilmarsson, kvaðst
hafa farið að undirlagi Herbjörns
Sigmarssonar til Belgíu til að
kaupa bíl. Herbjörn neitaði því
fyrir dómi í gær, en kvaðst hins
vegar hafa sent Herði peninga til
Belgíu sem hann hefði skuldað
honum. Hollendingurinn kvaðst
hafa aðstoðað Hörð við að fylla út
pappíra varðandi bílinn erlendis.
Hann kvaðst hafa vitað að það
hefði átt að flytja efni í bílnum til
Íslands, sagðist hafa verið að
vinna fyrir menn erlendis, en
gæti ekki sagt meira, því „það
væri of hættulegt fyrir sig“.
Hann hefði átt að hjálpa til við að
taka efnin úr bílnum og vigta
þau. Þeir Ársæll hefðu þekkst
síðan 1997. Ársæl hafi hann hitt
við komuna hingað. Hann hafi
rétt honum miða með númeri
sem hann átti að hringja í. Það
hafi reynst vera símanúmer
Herbjörns, en Ársæll hefði ekki
hringt í hann heldur í Ólaf
Ágúst.
Ársæll kvaðst hafa boðið
Hollendingnum að hjálpa honum
að gera við bílinn, sem hefði ekki
farið í gang, í iðnaðarhúsnæði að
Krókhálsi sem hann hefði til
umráða. Hann hefði skotist frá til
að sækja bensíndælu og keypt
svarta plastpoka í leiðinni, því
„lengi hefði staðið til að taka til“ í
húsnæðinu. Þegar hann hefði
komið til baka hefði hann séð ein-
hverja brúsa á gólfinu, en hann
hefði farið „í mikla vímu“ af
bensínlyktinni í húsnæðinu.
Ólafur Ágúst kvaðst hafa verið
að tappa bensíni af bílnum. Vísað
var til hljóðupptöku úr BMW-
inum í húsnæðinu, þar sem hann
heyrðist segja að hassið væri alla-
vega ónýtt, en það þýddi ekki að
svekkja sig á því. Spurður um
þessi ummæli sagðist hann hafa
sagt að „plastið undir sætinu“
væri ónýtt. Jafnframt var vísað
til þess að þremenningarnir hefðu
heyrst vera að telja eitthvað.
Ólafur Ágúst kvaðst ekkert vita
hvað þeir hefðu verið að telja
vegna bensínvímunnar. Þá var
upptakan leikin fyrir hann í dóms-
sal, en hann neitaði allri sök. Í lok
upptökunnar mátti heyra þegar
lögreglan réðst til inngöngu í hús-
næðið og gómaði þremenningana
við verknaðinn.
jss@frettabladid.is
Smyglarar báru við athyglis-
bresti vegna bensínvímu
Fjórir menn sem ákærðir eru fyrir stórfellt fíkniefnabrot mættu fyrir Héraðsdóm Reykjavíkur í gær. Þeim
er gefið að sök að hafa ætlað að smygla og koma í dreifingu rúmlega 25 kílóum af hassi og amfetamíni.
MálflutninGurinn Hollendingurinn johan
Hendrik engelsman í dómssal, ásamt túlki.
Hann sagði aftursætið hafa verið tekið úr
bílnum til að komast að bensíntanknum.
með því að fjarlægja kringlótta lúgu hafi verið
hægt að stinga hendinni ofan í tankinn. Til
vinstri eru verjendur sakborninga.
edda.is
BESTA MYNDABÓKIN
Amma og Óli lenda
í æsispennandi
eltingarleik við
vasaþjófa í fríinu
sínu. Sólrík saga
fyrir upprennandi
leynilöggur.
STjÓRnMÁL Jón Sigurðsson,
formaður Framsóknarflokksins,
ítrekaði þá skoðun sína á Alþingi
í gær að stuðningsyfirlýsing
íslenskra stjórnvalda við innrás-
ina í Írak í mars 2003 hafi verið
lögmæt. Fyrir því lægi lögfræði-
leg athugun. Sagði hann ummæli
sín um Íraksmál á laugardag hafa
fallið í framsöguræðu á flokks-
fundi þar sem verið var að undir-
búa sérstakt málefnaflokksþing.
Ögmundur Jónasson, þingmað-
ur vinstri grænna, spurði Jón
hvort Framsóknarflokkurinn
hygðist styðja tillögu stjórnarand-
stöðunnar um að sérstök nefnd
rannsakaði málið en fékk ekki
skýrt svar. Ögmundur kvaðst enn-
fremur vona að með ræðunni hafi
Jón ekki verið að reyna að klóra
yfir málið til að kaupa frið kjós-
enda.
Ingibjörg Sólrún Gísladóttir,
formaður Samfylkingarinnar,
sagði sérkennilegt að Jón teldi að
þetta væri mál sem hann þyrfti
aðeins að eiga við flokk sinn og
kvað það ekki bara snúast um lög-
mæti heldur siðferði.
Steingrímur J. Sigfússon, for-
maður VG, sagði Jón vera að
reyna að þvo málið af flokknum.
Geir H. Haarde forsætis-
ráðherra sagði það furðuleg
stærilæti að halda að afstaða
Íslands hefði skipt einhverju máli
í alþjóðasamhengi. - bþs
stjórnarandstaðan deildi hart á Jón sigurðsson vegna ummælanna um írak:
Jón inntur eftir skýringum
forMaður fraMsóknarflokksins
Íraksyfirlýsing jóns sigurðssonar var til
umræðu á alþingi í gær.
LíkAMSÁRÁS Lögreglan í Bethnal
Green á Englandi segir ákveðna
framvindu hafa orðið í máli
Haraldar Hannesar Guðmunds-
sonar og að hún muni rannsaka
nýjar vísbendingar um helgina.
Ekkert er gefið upp nánar, til
að spilla ekki fyrir rannsókninni.
Tólf dagar eru síðan ráðist var
á Harald, en líðan hans er
óbreytt og honum er haldið
sofandi.
Nú hafa hátt í hundrað manns
styrkt Harald og aðstandendur
hans með fjárframlögum í
SPRON og vilja aðstandendur
koma á framfæri kæru þakklæti
þeirra. - kóþ
líkamsárásin í london:
Rannsaka nýjar
vísbendingar
ReykjAvíkURboRG Fulltrúar
Samfylkingarinnar segjast afar
ósáttir við þá ákvörðun borgaryfir-
valda að una úrskurði matsnefndar
eignarnámsbóta og greiða Kjartani
Gunnarssyni 208 milljónir króna
fyrir fjóra hektara á Norðlinga-
holti.
Eftir að úrskurðurinn lá fyrir
var lögð fram í borgarráði í apríl
sú stefna að leita til dómstóla til að
knýja fram lægra verð. Í yfirlýs-
ingu frá skrifstofu borgarstjóra
segir að í sumar hafi nýlegt útboð
á lóðum raskað fyrri forsendum og
að Vilhjálmur Þ. Vilhjálmsson
borgarstjóri hafi farið að þeim
ráðum að una úrskurði eignar-
námsnefndarinar. Með því væri
verið að gæta hagsmuna
Reykjavíkurborgar í hvívetna. - gar
eignarnám í norðlingaholti:
Hagsmuna
Reykjavíkur-
borgar gætt
STjÓRnMÁL Fylgi Frjálslynda
flokksins eykst til muna sam-
kvæmt nýrri könnun Gallups og
mælist nú ellefu prósent. Þetta
kom fram í kvöldfréttum Ríkis-
sjónvarpsins í gær. Í síðustu
könnun, sem gerð var í október,
mældist flokkurinn með fjögurra
prósenta fylgi. Þetta er fjórum
prósentum yfir kjörfylgi flokksins.
Fylgisaukningin er á kostnað
Sjálfstæðisflokksins, en fylgi hans
hrapar um sex prósentustig frá
síðustu könnun, fer frá 43 prósent-
um niður í 37 prósent. Samfylking-
in mælist með 25 prósenta fylgi,
VG með nítján prósenta og
Framsóknarflokkurinn með átta
prósenta fylgi. Liðlega átján
prósent tóku ekki afstöðu eða
neituðu að svara í könnuninni,
úrtak var 4019 manns og svarhlut-
fall 61 prósent. - ifv
Frjálslyndi flokkurinn:
Mælist með 11
prósenta fylgi