Fréttablaðið - 01.12.2006, Blaðsíða 38

[ ]
Alþjóðlega hreyfingin „Slow
Food“ eða hæglætishreyf-
ingin er kunn meðal margra
íslenskra sælkera. Þessi
skemmtilega hugmynda-
fræði myndaðist fyrir um
tuttugu árum þegar ítölskum
matreiðslumönnum ofbauð
skyndibitinn og fóru að berjast
fyrir varðveitingu matarmenn-
ingu og -hefða.
Hreyfingin gengur út á að vekja
áhuga á góðu hráefni, varðveita
matarmenningu þjóða og stuðla
að sjálfbærri og lífrænni matar-
framleiðslu.
Það eru yfir 80.000 meðlimir í
hreyfingunni um allan heim,
bæði matreiðslufólk og almenn-
ingur, sem hittast reglulega til að
borða saman. En líka til að fræð-
ast og fræða aðra.
Hugmyndafræðin um hæglæt-
ið hefur breitt anga sína víðar
eins og til dæmis kemur fram í
bókinni Lifum lífinu hægar eftir
Carl Honoré, sem kom út fyrr á
þessu ári í íslenskri þýðingu. Þar
eru hugmyndir um hæglæti í
hávegum hafðar, ekki bara í
kringum mat, heldur líka í barna-
uppeldi, frístundum, ástarsam-
böndum, atvinnulífi og daglegu
lífi almennt.
Mikil breyting hefur orðið á
mataræði Íslendinga og mun
fleiri hafa áhuga á góðu hráefni
og matargerð. Skyndibita-
aðdáendum fer fækkandi og fleiri
eru farnir að lifa í anda kenninga
hæglætishreyfingarinnar, en þó
oft án þess að vera meðvitaðir
um það. Hæglætiskenningin
snýst þó ekki alltaf um að allt eigi
að gerast hægt, því það er hægt
að framkvæma hratt með hæg-
læti í huga.
Hreyfingin hefur hvatt mat-
reiðslufólk til að nýta árstíðabund-
ið hráefni úr sínu nánasta umhverfi
með verkefninu „Ark of taste“ sem
styrkir innlenda matarframleiðslu
á sama tíma og reynt er að koma í
veg fyrir að ýmsar matvinnslu-
aðferðir falli í gleymsku. Hug-
myndin er að hvetja matreiðslu-
fólk og almenning til árvekni um
hráefnið sem við erum með í hönd-
unum hverju sinni, reyna að
þekkja upprunann og tengjast
betur eigin matarmenningu. Einn-
ig að elda með „ást“ og gefa sér
tíma í eldhúsinu. En síðast en ekki
síst að gefa komandi kynslóðum
góða og skemmtilega matarhefð
sem getur lifað áfram um ókomna
tíð.  rh@frettabladid.is
Makindaleg matarmenning
Góðir hlutir gerast hægt og matur er þar engin undantekning.
Til hnífs og skeiðar
Guðrún Jóhannsdóttir

Ef ódáinsfæða er til þá hlýtur þessi réttur að teljast þar
með. tómatarnir bústnir af andoxunarefnum og fiskurinn
og eggin rík af uppbyggjandi próteinum og olíum. Ekki
sakar að rétturinn er ljúffengur og matreiðslan einföld.
Fiskfars
700 gr fiskhakk
2 egg
1 skarlottulaukur (fínt saxaður)
2 kartöflur (rifnar með fínu rifjárni)
salt og pipar
Sósa
1 hvítlauksgeiri (fínt saxaður)
2 msk. ólífuolía
1 dós teningaðir tómatar með hvítlauk
1 tsk. þurrkaðar jurtir frá Provence
(blanda af basiliku,steinselju, óreganói og rósmaríni)
1 msk. balsamedik
1 lúka fersk basilika
1. útbúið fiskfarsið í matvinnsluvél eða hrærivél. hrærið
allt saman þar til farsið er samfellt.
2. Myndið bollur með skeið og steikið þær á pönnu í
ólífuolíu um 2 mín. á hvorri hlið eða þangað til þær eru
gullinbrúnar og fallegar. setjið bollurnar til hliðar og
haldið þeim heitum á meðan sósan er útbúin.
3. steikið hvítlauk og Provence-jurtirnar í ólífuolíu þar til
olían ilmar vel. setjið þá tómatana út í og látið sósuna
malla svolitla stund. Bætið balsamediki og hakkaðri
basiliku út í að lokum.
Berið fram með soðnum kartöflum. Gott er að rífa
parmesanost yfir.
Fiskibollur frá Miðjarðarhafsströndum
Gróft brauð með eggjum og grænmeti er gott og getur
orðið ennþá betra ef stráð er örlitlu af salti og pipar yfir það.