Fréttablaðið - 03.02.2007, Blaðsíða 58

{ Kópavogur } 18
Ljóðstafur Jóns úr Vör eru árleg
ljóðlistarverðlaun sem veitt eru að
lokinni samkeppni þar sem öllum
er frjálst að senda inn frumsamin
ljóð á íslensku. Ljóðasamkeppnin
var stofnuð 2001 á vegum lista- og
menningarráðs Kópavogs og Rit-
listarhóps Kópavogs, í minningu
skáldsins Jóns úr Vör.
Peningaverðlaun eru veitt og
verðlaunaskáldið fær til varðveislu
í eitt ár göngustaf sem var í eigu
Jóns. Á stafinn er festur skjöldur
með nafni verðlaunahafa ásamt
ártali. Fyrsta samkeppnin fór fram
2002 og veitt verðlaun til ljóð-
skálds hinn 21. janúar það ár en
það var afmælisdagur skáldsins.
Öll ljóð eru vandlega merkt dul-
nefni og engin leið fyrir dómnefnd
að komast að nafni höfundar fyrr
en að vali loknu. Hér takast því á
reyndari skáld og nýrri í jöfnum
leik. Að þessu sinni voru send inn
um 350 ljóð og komst dómnefndin
að þeirri niðurstöðu að verðugur
handhafi ljóðstafs Jóns árið 2007
væri Guðrún Hannesdóttir fyrir
ljóð sitt „Offors“. Samkvæmt hefð
sem myndast hefur við veitingu
ljóðstafsins hafa líka verið veittar
tvær viðurkenningar fyrir ljóð sem
vöktu sérstaka athygli dómnefndar.
Fyrir valinu í ár urðu ljóðin „Gam-
alt sendibréf frá afa á deild fimm“
eftir Hjört Marteinsson og „Para-
bólusetning“ eftir Eirík Örn Norð-
dahl.
Guðrún Hannesdóttir fékk við-
urkenningu í keppninni árið 2004
fyrir ljóðið „Þar“ sem vakti athygli
en hún segir í viðtali að það sé í
fyrsta skipti í þessari keppni sem
hún lætur frá sér ljóð. Hún segir að
það hafi komið sér gleðilega á óvart
að hafa unnið og að það sé frábært
hjá Kópavogsbæ bæði að minnast
Jóns og ýta undir að fólk skrifi ljóð
og sendi þau frá sér.
Nafnleyndin er nokkurs konar
galdur, fólk er bara metið af sjálfu
ljóðinu en ekki út frá aldri og fyrri
störfum. „Fyrir mér er ljóðagerðin
ekki ólík lyklasmíð,“ segir Guð-
rún. „Ég er að smíða mér lykla sem
ganga bæði að heimi tungumáls-
ins og eins að ýmsum víddum og
hólfum í minni eigin vitund. Fyrstu
lyklarnir eru beygðir og bögglaðir,
hálfgerðir þjófalyklar, en taka von-
andi smám saman á sig verklegri
mynd.
Ég er sem sé að safna mér í
sæmilega kippu til eigin nota. En
það væri óneitanlega skemmtilegt
að hugsa sér að einn og einn lyk-
ill gengi að hjartahólfi annarrar
manneskju líka.“
Ljóðagerð líkt
við lyklasmíð
Guðrún Hannesdóttir er handhafi ljóðstafs Jóns úr Vör
árið 2007. Hún sigraði með ljóðinu „Offors“.
FYRSTUR MEÐ
FRÉTTIRNAR
www.visir.is
60% MARKAÐSHLUTDEILD Á ÍSLANDI ÁRIÐ 2004
MANITOU skotbómulyftarar - Þarfur þjónn, sem uppfyllir ströngustu gæði og væntingar þeirra kröfuhörðustu.
HANN ER GRIMMUR!
MANITOU MLT 634 TURBO INTERCOOLER
- VIÐURKENND VARAHLUTAÞJÓNUSTA í 44 ár
- Útvegum notaða skotbómulyftara
- Úrval notaðra lyftara á lager
Fjórhjóladrifinn
Fjórhjólastýrður
Lyftigeta: 3.400 KG
Lyftihæð: 6.050 MM
Gafflar: 1.200 MM
Vél: Perkins Turbo intercooler, 123 HÖ
LOAD SENSING!! Samtímis glussahreyfingar
án aukins snúningshraða vélar.
SKOTBÓMULYFTARI
PON PÉTUR O. NIKULÁSSON ehf.
Melabraut 23 • 220 Hafnarfjörður
Símar 552 2650 & 552 0110 • FAX: 552 1588 • e-maiL: pon@pon.is
Fit food heilsusjoppan er fyrir þá sem vilja hollan skyndibita í hádegi eða á öðrum tímum og vera
snöggir að því. Allir réttirnir eru tilbúnir til meðtöku og má þar nefna, lífræna pastabakka, líflegt
grænmetissalat, ávaxtaskyrdrykki, hollustulanglokur, ávaxta- og grænmetisbakka, veislubakka,
gjafakörfur og hver má vita hvað. Svo erum við að sjálfsögðu með glettilega gott grænmeti og afar
álitlega ávexti.
Heilsaðu uppá okkur að Nýbýlavegi 28. Opnunartími 8–17 alla virka daga.
E.s. Ef þú færð hollari skyndibita, jafn góðan, jafn snöggan og á jafn góðu verði
láttu engan vita. Nýbýlavegi 28, Kópavogi, sími 517-0110 avaxtabillinn@avaxtabillinn.is
www.avaxtabillinn.is