Fréttablaðið - 15.03.2007, Side 46

15. MARS 2007 FIMMTUDAGUR8 fréttablaðið heilsa og lífsstíll
Ólafur H. Björnsson kennir
krökkum að renna sér á
gönguskíðum á Akureyri.
„Sjálfur æfði ég gönguskíði frá
því ég var 13 ára til 26 ára,“ segir
Ólafur H. Björnsson gönguskíða-
kennari á Akureyri. Ólafur er frá
Ólafsfirði og segist hafa smitast
af skíðahefðinni sem þar ríki. „Ég
var á svigskíðum sem krakki en
leiddist út í gönguskíðamennsk-
una út af góðum félagsskap. Mér
finnst allt sem snýr að snjó og
skíðum skemmtilegt en einhvern
veginn urðu gönguskíðin ofan á.
Það er meiri ró yfir þeim og þú ert
algjörlega einn með sjálfum þér
og þarft ekki að hugsa um lyftur
né biðraðir,“ segir Ólafur sem er
einnig duglegur að renna sér á
svigskíðum niður Hlíðarfjalli.
Ólafur segir æ fleiri börn velja
sér gönguskíði sem íþrótt. „Við
höfðum verið í basli að fá krakka í
þetta vegna snjóleysis en við
höfum verið heppin í ár og einnig í
fyrra,“ segir hann og bætir við að
Reykvíkingar og aðrir landsmenn
séu duglegir að kíkja norður til að
skella sér á gönguskíði. „Aðstaðan
hefur batnað til muna og brautirn-
ar eru alltaf troðnar auk þess sem
jarðýtur gerðu brautirnar betri í
sumar og settar voru upp snjó-
girðingar til að festa snjóinn betur.
Svo er hægt að keyra alveg að
brautinni sem er voðalega þægi-
legt.“ indiana@frettabladid.is
Meiri ró og
engar biðraðir
Hressir gönguskíðakrakkar á æfingu. MYND/HEIÐA.IS
„Ég leiddist út í gönguskíðamennskuna út af góðum félagsskap.“ MYND/HEIÐA.IS
Vinkonurnar Kristjana og Lára
skella sér á gönguskíði oft í
viku.
„Ég valdi mér þetta sport því
þetta er skemmtileg og holl hreyf-
ing auk þess sem það er notalegt
að vera úti í náttúrunni,“ segir
Kristjana Sigurharðardóttir á
Akureyri. Hún hefur stundað
gönguskíði í tíu ár eða frá því að
sonur hennar byrjaði að æfa
íþróttina. „Þetta er mín leikfimi
en á sumrin stunda ég stafagöngu
sem er meiri háttar líka. Það er
yndislegt að henda öllu frá sér
eftir erfiðan vinnudag og skella
sér í göngu,“ segir Kristjana sem
gengur í klukkutíma fimm daga
vikunnar. „Ég tek allavega sjö
kílómetra á dag, stundum meira,“
segir hún og bætir við að hún gæti
ekki ímyndað sér líf sitt án göngu-
skíðanna. „Gönguskíðin eru
ómissandi þáttur í mínu lífi og
draumurinn er að komast í göng-
ur erlendis. Vonandi verður sá
draumur að veruleika fljótlega.“
Þegar Fréttablaðið hitti Kristj-
önu í Hlíðarfjalli var hún á göngu-
skíðum með vinkonu sinni, Láru
Þorvaldsdóttur, sem einnig hefur
stundað skíðin í langan tíma. „Við
Lára vinnum saman á gjör-
gæslunni á Fjórðungssjúkrahús-
inu á Akureyri og erum duglegar
að fara í göngur eftir vinnu og um
helgar. Hundurinn minn hefur
líka gaman af þessu og fær oft að
koma með okkur,“ segir Kristjana
áður en þær stöllur renna sér af
stað. indiana@frettabladid.is
Ekkert líf án gönguskíða
Kristjana og Lára Þorvaldsdóttir hittast uppi í Hlíðarfjalli eftir vinnu. MYND/HEIÐA.IS
Hreinsar loftið
Eyðir lykt
Drepur bakteríur
ECC ehf.
Bolholti 4
Sími 511 1001
www.ecc.is