Fréttablaðið - 14.04.2007, Qupperneq 10

Forsvarsmenn Ríkis-
útvarpsins neita að gefa upp kostn-
að vegna kaupa á sýningarrétti á
sjónvarpsþáttunum Lost, The Sopr-
anos og Desperate Housewives, auk
sýningarréttar frá Evrópukeppn-
inni í knattspyrnu á næsta ári.
Fréttablaðið hefur kært neitunina
til úrskurðarnefndar um upplýs-
ingamál.
Byggir neitunin á því að RÚV
beri að virða trúnað um fjárhags-
og viðskiptahagsmuni viðsemjanda
hverju sinni. Auk þess telur RÚV
heimilt að veita ekki upplýsingar
um kostnað á þeirri forsendu að um
samkeppnisupplýsingar sé að ræða
og vísar til heimildar á takmörkun-
um á þess konar upplýsingum í upp-
lýsingalögunum.
Forsaga málsins er sú að for-
svarsmenn RÚV neituðu að gefa
upp kostnað við gerð Áramóta-
skaupsins í fyrra. Neitunin var kærð
til úrskurðarnefndarinnar, sem
komst að því að forsvarsmönnum
RÚV væri óheimilt að gefa ekki upp
heildarkostnaðinn við verkefnið,
samkvæmt upplýsingalögum. Var
þeim gert að gera upp kostnaðinn,
sem var rúmlega 38 milljónir
króna.
Í kjölfarið var óskað eftir kostn-
aði við sjónvarpsþættina fyrr-
nefndu, auk kostnaðarins við dag-
skrárliðina Gettu betur,
Spaugstofuna og Kastljós.
Heildarkostnaður RÚV vegna
Gettu betur í vetur var um 25 millj-
ónir króna, við Spaugstofuna í fyrra
áttatíu milljónir og Kastljósið í
fyrra 180 milljónir.
Neita að gefa upp kostnaðinn
Rússneski auðkýfing-
urinn Boris Berezovsky, sem býr
í útlegð í London, hvetur til þess
að Vladimír Pútín Rússlandsfor-
seta verði steypt af stóli með
valdi og segist hafa til þess stuðn-
ing frá mönnum í innsta valda-
kjarna Pútíns.
Sergei Lavrov, utanríkisráð-
herra Rússlands, brást harkalega
við þessum ummælum og sagði
Berezovsky misnota aðstöðu sína
sem flóttamaður í Bretlandi.
Hann ítrekaði kröfur Rússa um
að Bretar sviptu Berezovsky pól-
itísku hæli og framseldu hann til
Rússlands, og bætti því við að
hann væri að „gera hluti sem,
samkvæmt breskum lögum, kalla
á að hann verði framseldur“.
Í viðtali við breska dagblaðið
Guardian sakar Berezovsky Pútín
um að hafa komið á fót alræðis-
stjórn í Rússlandi og segir enga
leið til að „breyta því með kosn-
ingum, og eina leiðin er að beita
valdi“.
Þegar Berezovsky var spurður
hvað hann ætti við með „valdbeit-
ingu“ vísaði hann til Georgíu og
Úkraínu, þar sem fjöldamótmæli
urðu til þess að þvinga ráðamenn
til að láta af völdum.
Núna um helgina hafa einmitt
verið skipulögð fjöldamótmæli í
Moskvu gegn stjórn Pútíns. Lög-
reglan í Moskvu verður með mik-
inn viðbúnað og ætlar að senda
9.000 lögreglumenn út á götur
borgarinnar. Skrifstofa saksókn-
ara í Moskvu hefur hafið nýja
rannsókn á Berezovsky vegna
ummælanna með það í huga að
hann sé að undirbúa valdaránstil-
raun.
Berezovsky lét svipuð orð falla
snemma árs 2006 en ummælin nú
koma á viðkvæmum tíma, þegar
spenna í Rússlandi er farin að
aukast vegna þingkosninga í
desember og forsetakosninga í
mars á næsta ári. Pútín hefur
gegnt forsetaembættinu í tvö
kjörtímabil og samkvæmt stjórn-
arskránni er honum óheimilt að
bjóða sig fram í þriðja sinn.
Þetta er í fyrsta sinn sem Ber-
ezovsky segist hafa stuðnings-
menn í innsta valdakjarna Rúss-
lands en áður hefur hann talað
um að veita stjórnarandstæðing-
um í Rússlandi fé til að vinna
gegn Pútín.
Í viðtali við AP-fréttastofuna
vildi Berezovsky ekki gefa upp
hvaða menn hann væri í tengslum
við innan valdakjarna Rússlands,
og sagði að þeir yrðu þá „drepnir
eins og Litvinenko“. Alexander
Litvinenko, fyrrverandi njósnari,
sem myrtur var í London seint á
síðasta ári, var góður vinur Ber-
ezovskys.
Berezovsky var einn af auðug-
ustu mönnum Rússlands á meðan
Boris Jeltsín réð þar ríkjum í
kjölfar hruns Sovétríkjanna.
Vill steypa
stjórn Pútíns
Boris Berezovsky hvetur Rússa til að steypa Pútín af
stóli með valdi. Rússar krefjast þess að Bretar fram-
selji Berezovsky, sem býr í útlegð í London.
Allt tiltækt lið
Slökkviliðsins á höfuðborgar-
svæðinu var sent að Þjóðleikhús-
inu aðfaranótt föstudags en
tilkynning barst um reykjarlykt
við húsið. Lyktin reyndist koma
frá ljóskastara utan við húsið og
ekki var hætta á ferðum.
Að sögn starfsmanns slökkvi-
liðsins er ávallt mikill viðbúnað-
ur þegar tilkynningar berast frá
Þjóðleikhúsinu enda um merki-
legt hús að ræða sem auk þess
getur verið erfitt viðureignar
vegna fjölmargra rangala.
Þá var Slökkviliðið á höfuð-
borgarsvæðinu einnig kallað að
einbýlishúsi á Seltjarnarnesi í
sömu nótt. Þar hafði kviknað í út
frá uppþvottavél en húsráðendur
höfðu náð að slökkva eldinn
þegar slökkviliðið kom á staðinn.
Reykur við
Þjóðleikhúsið
Nefnd heilbrigðisráð-
herra, Sivjar Friðleifsdóttur,
sem falið er að endurskoða
verkaskiptingu ríkis og sveitar-
félaga, á að leggja mat á hvort
flytja beri málaflokkinn í heild
til sveitarfélaga.
Er nefndinni jafnframt ætlað
að skýra betur ábyrgð við
uppbyggingu og skipulag
öldrunarþjónustu.
Orri Hlöðversson, fram-
kvæmdastjóri Frumherja og
fyrrverandi bæjarstjóri Hvera-
gerðis, er formaður nefndarinnar
sem í sitja fimm embættismenn,
þrír sveitarstjórnarmenn og tveir
fulltrúar eldri borgara.
Nefndin á að skila tillögum til
ráðherra fyrir 1. desember.
Tveir litháískir
ríkisborgarar voru í vikunni
úrskurðaðir í farbann til 2. maí
næstkomandi í Hæstarétti fyrir
að stela fartölvum. Mennirnir
tveir höfðu setið í gæsluvarðhaldi
en það fékkst ekki framlengt.
Þeir hafa dvalið á Íslandi í
nokkrar vikur og í úrskurði
Hæstaréttar segir að dvöl þeirra
„hér á landi virðist tengjast
afbrotum“. Samkvæmt upplýsing-
um frá Interpol hafa mennirnir
áður hlotið dóma fyrir þjófnaði í
heimalandi sínu og í Noregi.
Athæfi mannanna náðust á
upptöku öryggisvéla og því erfitt
fyrir þá að bera af sér sakir.
Tveir Litháar
settir í farbann