Fréttablaðið - 14.04.2007, Side 26

Vorum að ráðgera að fara norð-
ur um páskana en veðráttan er
of rysjótt til að leggjandi sé í svo
langan bíltúr með krakkana. Þess
í stað sitjum við heima í ró og
næði.
Horfðum á Alexander mikla í
sjónvarpinu. Ekki fannst mér það
góð mynd.
Elí vinur Andra var í heimsókn.
Hann reiknar með að flytja á næst-
unni upp í Mosó þar sem Hulda og
Valli eru búin að kaupa lóð og ætla
að byggja sér hús.
„Það verður 400 kílómetra hátt,“
sagði Elí.
Svona hefði Alexander mikli
hugsað.
Í kvöld voru páskaeggin falin með
tilheyrandi vísbendingum en ein-
hvern tímann fyrir ævalöngu
komst sá siður á hérna á heimil-
inu að fela páskaeggin og dreifa
síðan rímuðum vísbendingum um
húsið; hver vísbending vísar síðan
á næstu vísbendingu þar til sú síð-
asta vísar á sjálfan súkkulaðifjár-
sjóðinn.
Annars hefur þetta verið ágætur
og friðsæll vinnudagur sem kom
að góðum notum því að skáldsag-
an sem ég er að skrifa virðist ætla
að teygja anga sína í allar áttir.
Atburðarásin liggur um Ísland,
Argentínu, Eistland, Holland og
Þýskaland og nær frá nútímanum
aftur til jóla árið 800.
Þótt þessi bók ENGLAR
DAUÐANS fjalli um ljótari
hluti en leit að
páskaeggj-
um eru
í henni
ýmsar
vísbend-
ingar.
Fyrsta vís-
bendingin í bók-
inni er til dæmis
svona:
Dagurinn hófst á páskaeggjaleit.
Vísbendingarnar reyndust sem
betur fer nógu skýrar til þess að
eggin kæmu í leitirnar.
Litla Sól fékk bara eina vísbend-
ingu sem amman las fyrir hana
því að sú stutta er ekki komin
lengra í lestri en svo að hún þekk-
ir stafinn sinn S og A stafinn hans
Andra með öruggri vissu og man
líka að Ó heitir Ó þegar ég klíp
hana í handlegginn.
Vísbendingin sem litla Sól fékk
var svona:
Í bólinu kúrir karlinn hann afi
og knúsa þig vill hann
– það er enginn vafi.
Hann tekur þér vel með gleði
og gáska,
– en gægstu undir rúmið.
Gleðilega páska!
Þegar hún heyrði vísbending-
una lesna var ungfrúin jafnsnögg
að stinga sér undir rúmið og önd
að kafa eftir hornsíli. Mér óaði
við að sjá börnin í náttfötunum
með þessa risaskammta af sykri
og súkkulaði, svo að ég rifjaði upp
gamla lagagrein sem ég held að sé
úr Jónsbók ef ekki Grágás og út-
skýrði hana fyrir krökkunum.
En hún er svona: „Óheimilt er
að leyfa börnum að snæða páska-
egg á fastandi maga enda skulu
þau áður hafa lokið við að hest-
húsa fullan disk af páskahafra-
graut sem afi þeirra eldar handa
þeim.“ Í nafni laganna hitaði ég
hafragraut svo að börnin hefðu
einhverja undirstöðu til að takast
á við sælgætisfabrikkur landsins.
Með lögum skal land byggja!
Í sundinu í dag á Seltjarnarnesi var
stundum sólskin og logn, stundum
slydda og stundum hífandi rok og
rigning. Hitinn sveiflaðist á milli 5
og 1 stig.
Börnin eru í sykursjokki, upp-
stökk, kenjótt og óánægð.
Ég hallast meira og meira að því
að Ingólfur Arnarson og frú Hall-
veig hafi komið hingað með það
í huga að leita sér að snoturri
lóð undir sumarbústað fremur
en þau hafi hugsað sér að búa
hér allt árið.
Fór með Andra að sjá Mr. Bean
í Laugarásbíó. Það var mjög
skemmtileg mynd og ég held
að á stundum hafi Andri haft
áhyggjur af því að afi hans
rifnaði af hlátri.
Síðdegis var svo haldinn
fundur með völdum íbúum Grjóta-
þorps og fulltrúum frá Borgar-
skipulagi, Minjavernd og Rithöf-
undasambandi sem hafa þá hug-
sjón að rífa Gröndalshús og setja
niður eftirmynd þess á leiksvæði
barnanna hérna í Grjótaþorpinu
sem við köllum Glasgow-torg eftir
frægu húsi sem eitt sinn stóð þar.
Mr. Bean hefði unað sér vel í þess-
um hóp.
Einhverra hluta vegna fórst
fyrir að boða mig á fundinn en Sól-
veig mín fór. Hún er sem betur fer
ekki óvön því að þurfa að tala máli
skynseminnar.
Nú vona ég bara að okkar ágæti
borgarstjóri muni eftir regnhlíf-
inni sem ég skaut yfir hann þegar
rigndi hvað mest í kosningabarátt-
unni og bregði upp regnhlíf yfir
okkur hérna til að hlífa okkur við
að taka við líkinu af frægu húsi
sem húsabanar í hans þjónustu
vilja troða upp á okkur.
Þessari herferð Reykjavíkur-
borgar gegn eigin sögu og menn-
ingu verður að linna.
30. maí næstkomandi verð-
ur nákvæmlega eitt ár liðið síðan
svonefndri „úrskurðarnefnd um
skipulags- og byggingarmál“ var
sent kærubréf vegna þess að bygg-
ingaraðilar sem voru hér með gíf-
urlegu brambolti að breyta Hlað-
varpanum í hótel leyfðu sér að
hundsa samþykktar teikningar og
byggingarleyfi og stækkuðu húsið
eftir eigin smekk og geðþótta.
Nú hefur þessi góða nefnd
lúrt á kærunni í rúma
tíu mánuði – og
30. maí á að-
gerðaleysi
skrif-
Sjúklingar – ekki glæpamenn!
Í Dagbók Þráins Bertelssonar er sagt frá dularfullum vísbendingum, háhýsi í Mosó og fornum lögum um
hafragraut. Einnig er rætt um sjúklinga, glæpamenn, Mr. Bean, hæglæti skriffinnskubáknsins – og loks er
borgarstjórinn í Reykjavík beðinn um regnhlíf.