Fréttablaðið - 14.04.2007, Síða 44

hús&heimili
Auður Ottesen er kona með
græna fingur og meðal þess
sem hún hefur yndi af að rækta
eru matjurtir. „Það er líka svo
gaman að borða eigið grænmeti
og maður ímyndar sér að það sé
miklu hollara en það sem keypt
er í búðinni,“ segir hún brosandi.
„Margir halda að það þurfi stórt
garðpláss fyrir grænmetisrækt
en það er mesti misskilningur.
Smá hola nægir til dæmis alveg
fyrir nokkrar salatplöntur því
ný blöð spretta jafnóðum í stað
þeirra sem tekin eru í matinn.“
Auður gerir margt fleira með
sínum fingrum en að róta í mold.
Eins og margir vita reka hún og
maður hennar Páll Pétursson
fyrirtækið Sumarhúsið og garð-
urinn sem auk þess að vera öfl-
ugt útgáfufyrirtæki hefur und-
anfarin ár staðið að stórum vöru-
sýningum í byrjun sumars og
keppnum í sambandi við hana.
Ein slík sýning er á döfinni um
næstu helgi í Fífunni í Kópavogi
í samfloti með ferðaþjónustunni
og golfurum, Sumar 2007.
Það var því með herkjum að
hægt væri að kyrrsetja Auði
núna til að fá við hana viðtal um
handbók sem hún er að leggja
lokahönd á. Sú bók er í ritröðinni
Við ræktum og fjallar einmitt
um matjurtarækt. Auður kveðst
hafa fræðst heilmikið sjálf við
gerð þessarar bókar svo auðvit-
að var hún beðin um hollráð og
leiðbeiningar.
„Eitt af því sem ég komst að
er hversu mismunandi græn-
metið er að efnainnihaldi. Það
er gaman að spá í lækninga-
mátt hverrar tegundar og hvern-
ig þær vinna saman. Allt kemur
það fram í bókinni. Þar er ekki
bara um ræktunarleiðbeining-
ar að ræða heldur líka alls konar
fróðleik um innihald og virkni.“
Hvað ber okkur þá helst að
rækta í eigin garði? „Ég mæli
með brokkáli númer eitt. Í því
eru svo góð efni sem verja
okkur fyrir sjúkdómum, jafnvel
krabbameini. Það er líka mjög
auðvelt í ræktun og ekki þarf
margar plöntur handa meðalfjöl-
skyldu því knúbbarnir þjóta upp
á meðan fólk sefur. Stjáni blái
gerði spínatið víðfrægt og það
er vissulega ríkt af járni og vít-
amínunum A og C. Grænkálið er
það líka og hentar vel íslensk-
um aðstæðum því það þolir svo
vel haustkuldann. Svo er kletta-
salatið mikið tískukál og auðvelt
í ræktun. Blaðsalat er ekki ýkja
bætiefnaríkt en fallegt og gerir
allan mat lystugan á diskinum.“
Auður kveðst forsá flestum
tegundum grænmetisins nema
gulrótum og hreðkum sem hún
sái beint út í beð í maí.
En nú er ekki vert að tefja
hana lengur. Hún var að vinna
fram á nótt og kom snemma.
Nóg að gera við að dreifa nýju
hefti af Sumarhúsinu og garðin-
um og Gróandanum, skipuleggja
Sumarið 2007 og koma matjurta-
bókinni í prentun. „Þetta er allt
spennandi en seigt og útheimt-
ir mikla vinnu,“ segir hún að
lokum.
Garðhola fyrir grænmetið
Auður hefur komið sér upp vermireit við heimilið með góðum tegundum grænmetis
og krydds.
Það þarf ekki stóran blett fyrir salatið.
Hlúð að pattaralegri plöntu.
Skólavörðustíg 21
Sími 551 4050 • Reykjavík
Ný sending af
sængurfatnaði
Ný mynstur og nýjar gerðir
PGV ehf. ı Bæjarhrauni 6 ı 220 Hafnafjörður ı Sími: 564 6080 ı Fax: 564 6081 ı www.pgv.is
GLUGGI TIL FRAMTÍÐAR …
• ENGIN MÁLNINGAVINNA
• HVORKI FÚI NÉ RYÐ
• FRÁBÆR HITA OG HLJÓÐEINANGRUN
• FALLEGT ÚTLIT
• MARGIR OPNUNARMÖGULEIKAR
• ÖRUGG VIND- OG VATNSÞÉTTING
ÁRMÚLA 42 - SÍMI 553 4236
BÍLSKÚRS OG IÐNAÐARHURÐIR
• Hurðir til á lager • Smíðað eftir máli
• Eldvarnarhurðir • Öryggishurðir
14. APRÍL 2007 LAUGARDAGUR4