Fréttablaðið - 14.04.2007, Qupperneq 72

G
runnurinn er ekki
alltaf jafn fagur
í raun og hann
birtist í blöð-
um og tímaritum
enda heilu her-
sveitirnar af fagfólki sem standa
að baki hverri myndatöku, svo
ekki sé minnst á alla tölvuvinn-
una sem unnin er eftir á,“ segir
Karl Berndsen hárgreiðslumeist-
ari, sem búsettur hefur verið í
London síðastliðin tíu ár þar sem
hann hefur unnið með mörgum
af skærustu tónlistarstjörnum
og fyrirsætum samtímans. Karl
hefur bæði starfað við förðun og
hárgreiðslu en hann vinnur með
umboðsmanni sem selur hann í
hin ýmsu verkefni. „Fyrstu árin
einbeitti ég mér meira að förðun-
inni en síðustu fimm árin hef ég
verið með meiri áherslu á hárið
þótt förðunin fylgi enn með. Mest
hef ég unnið við myndatökur
fyrir blöð og tímarit, stórar sýn-
ingar fyrir alla helstu tískuhönn-
uði heims, tónlistarmyndbönd
fyrir poppstjörnur og hljómsveit-
ir, unnið með kvikmyndastjörnum
og módelum,“ segir Karl og bætir
við að starfinu fylgi mikil ferða-
lög og því megi segja sem svo að
hann hafi búið í ferðatösku síð-
asta áratuginn.
Karl er fæddur og uppalinn á
Skagaströnd. Áhugi hans á förðun
og hárgreiðslu vaknaði snemma
en hann reyndi fyrst fyrir sér í
Hótel- og veitingaskólanum. „Á
þessum tíma fóru allir strákar í
rakarann en ég hafði engan áhuga
á því. Ég var eini karlmaðurinn af
48 nemendum í hárgreiðslu og ég
fann strax hvað ég átti vel heima í
þessu fagi og öllu sem því fylgdi,“
segir Karl sem komst að sem nemi
hjá Elsu Haraldsdóttur. „Hjá Elsu
lærði ég óstjórnlega þolinmæði
sem nauðsynleg er í þessu starfi.
Elsa breytti mér sem persónu og
fann í mér listamanninn. Fljót-
lega langaði mig að skoða í kring-
um mig og flutti til Brussel og
var þar í nokkra mánuði og eftir
að hafa komið til Íslands í milli-
tíðinni skellti ég mér til Los Ang-
eles þar sem ég starfaði á Sunset
Boulevard í tæpt ár sem var ótrú-
leg lífsreynsla. Þótt sólin og glam-
úrinn heillaði hefði ég orðið að
vera kyrr í fimm ár til að fá græna
kortið og það var ég ekki tilbúinn
til að gera. Þess vegna kom ég
heim og opnaði Kompaníið með fé-
laga mínum. Með opnun stofunn-
ar settum við ímynd hárgreiðslu-
stofa upp á annað plan,“ segir Karl
og bætir við að á þeim tíma hafi
heimsmaðurinn í honum verið
vaknaður. Fimm árum seinna
seldi hann sinn hlut, stokkaði upp
og flaug á vit ævintýranna og lenti
í London.
Karl segir tískubransann harðan
og að árangur byggist á úthaldi og
þrautseigju. „Þegar öllu er á botn-
inn hvolt veltur þetta á þínum per-
sónuleika og hæfileikum til að að-
lagast öðru fólki og auðvitað list-
rænum hæfileikum þínum og
framsýni. Íslendingum finnst oft
sjálfsagt að aðrir Íslendingar nái
langt en það kemur hins vegar
ekkert af sjálfu sér. Það er ekki
nóg að eiga blátt vegabréf með ís-
lenska skjaldarmerkinu. Ég varð
fyrir miklu áfalli þegar ég kom út
því þarna ertu ekki að keppa við
tíu eða tuttugu manns heldur tíu
þúsund manns. Metnaðurinn rak
mig hins vegar áfram. Mig langaði
að skilja eitthvað eftir mig,“ segir
hann og bætir við að hann hafi
smám saman lært á bransann.
Aðspurður hvort heppni hafi ekki
átt sinn hlut í velgengninni segir
hann svo vera, rétt eins og í líf-
inu yfir höfuð. „Þetta snýst um að
vera á réttum stað á réttum tíma
og ná að kynnast fólki sem er að
gera góða hluti og er á hraðferð
inn í framtíðina,“ segir hann og
bætir við að þeir sem ætli sér að
stíga inn í þennan heim verði að
eiga tíu ár af þolinmæði áður en
þeir geti ætlast til þess að hjól-
in fari að snúast. „Þetta snýst um
að lifa af. Það kemst enginn inn í
bransann á einni nóttu, liðið verð-
ur að fá að lykta af þér. Þetta snýst
um metnað, orku, hugsjón og þol-
inmæði til að sitja og bíða.“
Karl hefur undanfarið haft annan
fótinn á Íslandi þar sem hann
á verslunina Næs Connection í
Hæðasmára ásamt systur sinni og
mági. Þannig hefur hann náð að
fylgjast með lífinu hér og er með
sínar skoðanir á hlutunum. „Ég
hef fylgst með hvað hefur verið
að gerast og finnst frábært hversu
mikið er af ungu og hæfileikaríku
fólki með sínar draumahallir líkt
og ég. Við þá segi ég: byggiði hall-
irnar nógu stórar, því þótt aðeins
náist að reisa helminginn í raun-
veruleikanum þá sitjiði samt eftir
með dágóðan slatta. Ég iða í skinn-
inu að hafa meiri áhrif á ýmislegt
hér hvað snertir fegurð og tísku og
nýta þekkingu mína og reynslu af
tískuheiminum. Námskeið koma
þar sterklega til greina. Íslend-
ingar eru sannarlega með þeim
myndarlegustu í heiminum. Mér
virðist þó vera of mikil einstefna
hér í tísku og íslenskar konur sér-
staklega helst til mikið steyptar
í sama mótið. Mín hugsjón er að
laða fram það fegursta í hverri
konu. Þetta er ekki bara spurning
um útlit, þetta er líka spurning um
líðan og sjálfsmynd. Mér finnst ég
fyrst hafa fengið almennilega til-
finningu fyrir þessu þegar ég fór
út í förðunina, þá sá ég konuna
frá nýju sjónarhorni og áhersl-
ur mínar breyttust. Mitt mark-
mið er að ná fram persónutöfrum
og kvenleika konunnar þannig að
hún upplifi sig sem kvenlegasta
og glæsilegasta og óháð duttlung-
um tískunnar, þótt hún sé auðvitað
alltaf til viðmiðunar. Þar hugsa ég
líka út frá andlitsbyggingu, per-
sónuleika, litarhafti og líkams-
burði. Það sama á við í förðuninni,
þar verður rauði þráðurinn allt-
af að vera hvað undirstrikar feg-
urð og kvenleika konunnar. Mín
helsta „mission“ í augnablikinu
er að hafa áhrif á gjörning þann
sem á sér hér stað á augabrún-
um íslenskra kvenna, þar er fátt
eftir sem minnir á náttúrufegurð.
Einnig að fá konur til að slaka á
púðurdósinni og púðra ekki niður
allt lífsmark úr andlitinu svo eitt-
hvað sé nefnt. Ég vildi óska að
hér yrðu gerðar meiri kröfur til
menntunar og þjálfunar förðun-
arfræðinga og svokallaðra stíl-
ista sem spretta hér upp unnvörp-
um sem fífill í túni á góðum degi.
Einnig eru of margir sjálfskipað-
ir tískugúrúar hér á veikum for-
sendum að mínu mati.“
Karl hefur komið sér upp góðum
samböndum í tískuheiminum og
getur valið þar úr þeim verkefn-
um sem vekja áhuga hans. „Eftir
öll árin úti hefur hugurinn leitað
meira heim og ég er kominn að
þeim tímapunkti í lífinu að tengsl-
in við vini og ættingja og íslenska
náttúru hafa orðið dýrmætari með
hverjum deginum. Þótt lífið geti
verið glamúr og gleði í stórborg-
inni þá er þar oft einmanalegt. Ég
er aðeins að leysa landfestar úti
og hef nú aðsetur bæði í London
og Reykjavík.“ Karl hefur farðað
og greitt mörgum stórstjörnum og
kippir sér vanalega ekki upp við
það þótt hann fari höndum um hár
fræga og ríka fólksins. Hann segir
mikilvægt að vera trúr sínum við-
skiptavinum því þótt stjörnurnar
borgi stórar fúlgur sé það ekki að-
eins fyrir reynsluna heldur einnig
fyrir þögnina. „Þú sérð á bak við
grímuna og öll leyndarmálin og til
að komast áfram þarftu að hafa
vit til að halda þér saman á rétt-
um stöðum,“ segir hann og viður-
kennir að Ísland sé líklega of lítið
fyrir hann en þó elski hann að geta
gengið út og fengið ferskan vind-
inn í andlitið. „Ég ætla að vera
klofvega yfir Atlantshafið,“ segir
hann hlæjandi.
„Eftir allan hasarinn er góð til-
hugsun að ganga inn á hár-
greiðslustofu og hafa tíma til að
sinna áhugamálum mínum eins
og t.d. ljósmyndun og stílíseringu
í kringum þær. Ég get samt ekki
snúið baki við bransanum enda
væri það fáránlegt að vera búinn
að berjast í áratug fyrir því sem
ég hef barist fyrir og henda því
svo frá sér þegar maður er loksins
farinn að sleikja rjómann. Stóru
verkefnin koma hins vegar ekki
daglega og í dag get ég valið úr
og sleppt minna spennandi verk-
efnum. Það sem mér þótti spenn-
andi og eftirsóknarvert þegar ég
var að byrja í þessu heillar mig
ekki lengur. Enn ein vinnuferð-
in og enn eitt flugið heillar ekki
alltaf eins mikið. Þetta var gaman
til að byrja með en maður verð-
ur ekki yngri. Í dag er vináttan
og fjölskyldan dýrmætari. Ætli
það megi ekki segja að hjartað
sé farið að taka völdin af egóinu.
Í farteskinu hef ég nú troðfulla
tösku af minningum og reynslu
og þessi tími hefur verið allrar
þeirrar steinsteypu virði sem ég
hefði eignast hefði ég verið kyrr
á Íslandi. Þú ferð ekki með stein-
steypuna með þér í gröfina heldur
minningarnar.“
Metnaðurinn
rekur mig áfram
Karl Berndsen hárgreiðslumeistari hefur verið búsettur í London síðustu
tíu árin þar sem hann hefur farðað og greitt mörgum af stærstu stjörnum
samtímans. Karl segir tískubransann harðan og þegar öllu sé á botninn
hvolft velti velgengnin á hæfileikum til að aðlagast öðru fólki sem og list-
rænum hæfileikum. Indíana Ása Hreinsdóttir ræddi við Karl um baráttuna
um velgengnina í hringiðu tískunnar.