Fréttablaðið - 12.05.2007, Síða 92

Sigríður Lára Sigurjóns-
dóttir leikskáld á heiðurinn
að verkinu Listin að lifa
sem var valið áhugaverð-
asta áhugaleiksýning leik-
ársins 2006-2007. Þetta er í
annað sinn sem höfundinum
hlotnast þessi heiður en
verkið verður sýnt í Þjóð-
leikhúsinu í júní.
Sigríður Lára var fengin til að
skrifa leikrit fyrir Leikfélag
Fljótsdalshéraðs í tilefni af fjöru-
tíu ára afmæli þess í ár. Sigríð-
ur Lára steig einmitt sín fyrstu
leikhússpor með því leikfélagi
en hún er ættuð frá Egilsstöðum.
„Það atvikaðist nú bara þannig að
þau höfðu samband við mig og ég
leyfði þeim að skoða draslið mitt
og svo sögðu þau mér hvaða leik-
rit þau vildu að ég kláraði,“ segir
höfundurinn hæversklega. Hún
segist hafa komið sér upp dálitl-
um sarpi til að sækja í og þegar
fólk hafi samband leyfi hún því
að grúska í „draslinu“. „Þetta til-
tekna verk varð til sem stutt-
verk sem leikfélagið Hugleikur
setti upp árið 2004 og var sýnt á
stuttverkahátíð hjá Bandalagi ís-
lenskra leikfélaga. Það var upp-
hafið og endirinn. Þetta er búið
að vera svolítið skrítin þróunar-
vinna því nú skrifaði ég miðj-
una í því.“ Verkið Listin að lifa
var síðan frumsýnt á Iðavöllum
á Héraði í nóvember á síðasta ári
í leikstjórn Odds Bjarna Þorkels-
sonar.
Í umsögn dómnefndar, sem skip-
uð var Tinnu Gunnlaugsdóttur
Þjóðleikhússtjóra og Hlín Agnars-
dóttur, listrænum ráðgjafa Þjóð-
leikhússins, kom fram að í verk-
inu færi saman „góð tilfinning
höfundar fyrir því sem gerir texta
áhugaverðan til flutnings á leik-
sviði sem og skapandi og frum-
leg úrvinnsla leikstjórans á efni-
við höfundar“. Leikritið lýsir lífi
þriggja einstaklinga nánast frá
vöggu til grafar og er margslung-
ið í einfaldleika sínum.
Sigríður Lára hefur fengist við
leikritaskrif frá árinu 1996 og
hefur til dæmis skrifað fyrir Hug-
leik og Stúdentaleikhúsið en verk
hennar, Ungir menn á uppleið,
sem hið síðarnefnda setti upp, var
valið áhugaverðasta áhugaleik-
sýningin ársins 2001.
Sigríður Lára kveðst, líkt og
allir aðrir sem skrifa fyrir leik-
hús, alltaf vera á leiðinni að skrifa
fyrir atvinnuleikhúsin líka. „Ég
hef alltaf ætlað mér að klára eitt-
hvað nógu vel til að senda til verk-
efnavalsnefndanna en síðustu ár
hefur verið svo mikið að gera í
öðrum verkefnum. Nú er náttúr-
lega borðleggjandi að maður þarf
að taka sig á og fara að einbeita
sér aðeins meira.“ Hún áréttar
að leikskáldin séu alls ekki jafn
bundin af skilgreiningum um at-
vinnu- eða áhugaleikhús enda
takist fáum að lifa eingöngu af
skrifum, hvað þá aðeins fyrir
leikhúsin. „Vonandi tekst mér að
gera mér einhvern mat úr þessari
upphefð,“ segir hún kímin, „mér
finnst hroðalega skemmtilegt að
skrifa leikrit og að fá greitt fyrir
það væri alveg fáranlega mikil
draumastaða – þó ekki væri nema
fyrir eitt og eitt.“
Norska listakonan Ellen Karin
Mæhlum hefur á undanförnum
árum unnið röð verka sem hún
kallar „Geoþrykk“ og opnar sýn-
ingu á þeim á vegum Íslenskrar
grafíkur í dag.
Upphaf vinnu Mæhlum má
rekja til þess að henni var boðið
að taka þátt í tveimur rannsókn-
arleiðangrum vísindamanna
frá jarðfræðistofnun innan Há-
skólans í Osló á Svalbarða. Leið-
angrarnir voru farnir árin 2003
og 2004. Markmið þeirra var að
kanna norðlæg svæði sem hugs-
anlega kynnu að líkjast yfirborði
Mars. Verkefnið er til undirbún-
ings ferðar sem verður farin til
Mars árið 2009.
Í leiðöngrunum tók Mæhlum
ljósmyndir, gerði skissur og fylgd-
ist með vettvangsrannsóknum líf-
fræðinga og jarðfræðinga. Einnig
fékk hún tækifæri til að nýta sér
aðferðir og tæki vísindamanna,
meðal annars færanlega stafræna
smásjá sem hún notaði til að skoða
og ljósmynda örsmáar agnir úr
steinum. Einnig hafði Mæhlum
aðgang að myndefni sem varð til
við vísindarannsóknirnar. Þessar
aðferðir opnuðu möguleika á að
horfa á náttúruna með nýju móti,
kanna undirliggjandi form og
falin munstur, ýmist í smáheimin-
um eða á stærri skala.
Sýning Mæhlum er gott dæmi
um hvernig listir og vísindi geta
myndað opið og áhugavert sam-
tal sem leiðir inn á ný og ókönnuð
svæði. Mæhlum hefur sýnt verk
sín víða og eru verk eftir hana í
eigu stærstu listasafna í Noregi.
Verkin sem hún sýnir á Íslandi
eru stór og tilkomumikil. Þau eru
unnin með djúpþrykksaðferðum
sem gefa kost á fjölbreyttri teikn-
ingu og ríku tónaspili.
Sýningin verður opnuð kl. 15 í
dag í sal félagsins Íslensk grafík,
Tryggvagötu 17 – hafnarmegin.
Hún stendur til 27. maí og er opin
fimmtudaga til sunnudaga frá kl.
14-18.
Listin og vísindin
Gunnar Auðunn Jóhannsson
EINKASPÆJARINN
Fyrir bein áhrif frá sjónvarpinu er njósnað
um nágrannann.
Irma Þöll Þorsteinsdóttir
INNSKOT IRMU
Tónlistin, tónskáldið og íslensk náttúra.
–þrenning sem sameinast í einni stuttmynd.
Pétur Jónsson
LOKAKAFLINN
Hvenær drepur maður mann?
Hugleiðing um innhverft ofbeldi.
Rannveig Magnúsdóttir
LUNDI Í HÆTTU
Veðurfarsbreytingar koma ekki aðeins niður
á mannfólkinu. Dæmi úr dýraríkinu.
Magnús Unnar Georgsson
SMÁSAGA
Ungir menn þrá frægð og frama.
– Og kannski líka eina kærustu.
Haukur Viðar Alfreðsson
STEINGRÍMUR
Virðingu fyrir náunganum má vekja upp í
ólíklegustu hjörtum. Einnig vináttu.
Böðvar Þór Unnarsson
SPRENGJAN
Óbreytt ástand er ungu fólki stundum
óbærilegt. Stutt mynd um byltingu.
Guðmundur Magnússon
VÍSNA BLÓM
Draumur um draum inni í draumi.
Myndljóð um æskuna.
Framleiðandi: Gu›mundur Magnússon. Leikstjórn: Bö›var fiór Unnarsson & Haukur Vi›ar
Alfre›sson. Kvikmyndataka: Gunnar Au›unn Jóhannsson. Handrit: Ari Eldjárn.
Aðstoðarleikstjórn: Rannveig Magnúsdóttir. Klipping : Magnús Unnar Georgsson & Pétur
Jónsson. Hljóðupptaka: Irma fiöll fiorsteinsdóttir. Leikmynd: Magnús Unnar.
Hljóðvinnsla: Magnús Unnar. Grafík: Magnús Unnar Georgsson & Pétur Jónsson.
Leikarar: Gunnar B. Gu›mundsson, Álfrún Örnólfsdóttir, Gu›mundur Ólafsson,
Magnús Ólafsson og fiorsteinn Bachmann.
Þeir sem eru á undan sinni samtíð
vita ekki alltaf af því sjálfir...
Einstaklingsverkefni - Stuttmyndir:
Brautskráningarverk nemenda af kvikmyndabraut verða sýnd í dag í Bæjarbíói, í Hafnarfirði, kl. 12:30.
Kvikmyndaskóli Íslands • Lynghálsi 5 • 110 Reykjavík • Sími 533 3309 • www.kvikmyndaskoli.is
Sameiginlegt verkefni
Aðgangur er ókeypis og öllum heimill
Kvikmyndaskóli Íslands
kynnir útskriftarverk nemenda