Fréttablaðið - 29.06.2007, Qupperneq 11

Fertugur maður var í Héraðsdómi
Austurlands í gær dæmdur í þrjátíu daga skil-
orðsbundið fangelsi og til að greiða eina milljón
króna í sakarkostnað fyrir þátt sinn í eiturefna-
slysinu í sundlaug Eskifjarðar í fyrrasumar.
Átján ára piltur var sýknaður.
Maðurinn var stöðvarstjóri Olís á Reyðarfirði
og var ákærður fyrir að hafa af gáleysi afgreitt
þúsund lítra tank af ediksýru af áttatíu prósenta
styrk, í hendur piltsins, í stað klórlausnar af
fimmtán prósenta styrk sem dæla átti á klórtank
sundlaugarinnar, og gefið piltinum fyrirmæli um
að dæla efninu á klórtankinn.
Þegar pilturinn dældi ediksýrunni á klórtank
laugarinnar myndaðist eitruð lofttegund, klór-
gas, sem smaug um allt sundlaugarsvæðið með
þeim afleiðingum að á fimmta tug sundlaugar-
gesta veiktist eða fékk einkenni eitrunar.
Viðbúnaður vegna slyssins var gríðarlegur.
Sjúkralið og læknar voru kölluð til frá Eskifirði,
Fáskrúðsfirði, Reyðarfirði, Egilsstöðum og Nes-
kaupstað. Umferð var stjórnað um þjóðvegi,
hús í nágrenni laugarinnar voru rýmd og þyrlur
og flugvélar voru sendar austur.
Maðurinn var sakfelldur þar sem ljóst þótti að
hann hefði sýnt af sér gáleysi með því að gaum-
gæfa ekki merkingar tanksins áður en hann
afhenti hann, sér í lagi þar sem hann vissi að
tankar undir klórlausn og ediksýru eru nær eins
í útliti og merkingar á þeim áþekkar.
Pilturinn var hins vegar sýknaður af ákæru
um að hafa ekki athugað merkingar tanksins
áður en hann dældi á klórtank laugarinnar, þar
sem hann hafði enga sérstaka ástæðu til að efast
um að í tankinum væri klórlausn, eins og honum
hafði verið sagt.