Fréttablaðið - 13.07.2007, Blaðsíða 6
Þótt demókratar á
Bandaríkjaþingi hafi ekki fengið því
framgengt að bandaríski herinn
verði kallaður heim frá Írak tókst
þeim engu að síður að ná því fram að
George W. Bush forseti verður að
gera þinginu reglulega grein fyrir
því hvernig miðað hefur í Írak.
Í gær kynnti Bush í fyrsta sinn
slíka skýrslu á þinginu, og þar
kemur fram að árangurinn hafi
verið harla blendinn. Meðal annars
„vanti nokkuð upp á“ að pólitískar
sættir hafi tekist milli andstæðra
fylkinga í Írak, öryggisástandið er
sagt vera „flókið og afar erfitt“ og
efnahagsástandið „misjafnt“. Búist
er við „hörðum átökum“ í sumar.
Í skýrslunni, sem er 32 blaðsíður
að lengd, er fullyrt að viðunandi
árangur hafi náðst í átta viðmiðun-
aratriðum, óviðunandi í öðrum átta,
en blendinn árangur í tveimur
atriðum.
Síðasta vetur tilkynnti Bush að
þúsundir bandarískra hermanna
yrðu sendar til Íraks í viðbót við
það lið sem fyrir var. Einungis fáar
vikur eru þó síðan allt þetta
viðbótarherlið var komið til Íraks,
og er tekið fram í skýrslunni að
þessi nýja herferð til að bæta
öryggisástandið í Írak sé því ein-
ungis „rétt að hefjast“.
Í skýrslunni er spjótum beint að
þeim bandarísku stjórnmála-
mönnum, sem hvað mest hafa
gagnrýnt hernaðaraðgerðir
Bandaríkjanna í Írak. Fullyrt er
að erfiðara hafi reynst að ná fram
pólitískum sáttum í Írak beinlínis
vegna þess að „íraskir stjórnmála-
leiðtogar hafi auknar áhyggjur af
því að Bandaríkjamenn hafi ekki
skuldbundið sig gagnvart Írak til
langframa“.
Í skýrslunni eru Sýrlendingar
jafnframt sakaðir um að styðja
skipulagðar sjálfsmorðsárásir á
vegum Al Kaída, sem sendir allt að
50 til 80 sjálfsvígsmenn til Íraks í
hverjum mánuði. Einnig eru írönsk
stjórnvöld sökuð um að veita öfga-
samtökum fjárstuðning.
Bush sagðist engu að síður jafn
viss um það og áður að Bandaríkja-
menn gætu á endanum náð þeim
árangri sem að væri stefnt í Írak.
Jafnframt ítrekaði hann að herinn
yrði ekki kallaður heim fyrr en
ástandið í Írak leyfði það, og „ekki
vegna þess að skoðanakannanir
segja það vera góða pólitík“.
Demókratar, sem náðu meiri-
hluta á Bandaríkjaþingi í vetur,
eru enn að reyna að ná því fram að
herinn verði kallaður heim innan
tíðar. Frumvarp þess efnis er til
umræðu í báðum deildum Banda-
ríkjaþings en Bush hefur heitið
því að beita neitunarvaldi sínu á
slík lög.
Bush segir árangur í
Írak harla blendinn
Bandaríkjaforseti gerði þinginu í gær grein fyrir því hvernig miðað hefði í Írak.
Hann sagðist reikna með hörðum átökum á næstunni en vera jafnframt sannfærður
um að Bandaríkin gætu á endanum náð þeim árangri sem að væri stefnt.
MS drykkjarvörur í fjallgönguna
MS mjólkurdrykkirnir eru prótein- og kalkríkir og stútfullir
af næringarefnum. Veldu þér ískaldan mjólkurdrykk í
handhægum umbúðum í næstu verslun.
Boðuðum
flýtiframkvæmdum
ríkisstjórnarinnar við
vegagerð á ellefu stöðum
á landinu, sem Kristján
L. Möller samgönguráð-
herra kynnti á þriðjudag-
inn, kann að seinka, segir
G. Pétur Matthíasson,
upplýsingafulltrúi
Vegagerðarinnar. „Það er
ekki hægt að tryggja það
hundrað prósent að
tímaáætlanir fram-
kvæmdanna standi. Þetta
eru bara áætlanir og ekki
hægt að búast við öðru en að þær standi,“ segir G.
Pétur.
Hann segir að Vegagerðin taki alltaf mið af
ástandinu í samfélaginu á hverjum tíma þegar
hún sinnir vegagerð, til dæmis varðandi útboð á
einstökum verkefnum og hvernig ástandið sé hjá
verktökum og þeim sem sjá um hönnun vega. „Af
reynslu vita menn að það þarf alltaf að taka mið
af aðstæðum á markaði og þess vegna gerum við
þennan fyrirvara um það að ekki sé hægt að
tryggja að þetta gangi nákvæmlega svona eftir,
en það er langlíklegast,“ segir G. Pétur.
Spurður hvort ekki hafi verið búið að kanna
hversu raunhæfar flýtiframkvæmdirnar eru
segir G. Pétur að það hafi verið gert. Hann segir
hins vegar að framkvæmdirnar séu misvel á veg
komnar, til dæmis þurfi framkvæmdin við
Axarveg á sunnanverðu Austurlandi að fara í
umhverfismat og að það geti jafnvel tekið eitt ár.
Þann veg á að klára árið 2011.
Vegagerðinni kann að seinka
Tæplega fjórðungur
fólks í fæðingarorlofi sinnir starfi
sínu að einhverju leyti á meðan á
orlofi stendur. Yfirstjórnendur eru
líklegastir til að taka vinnuna með
sér í orlofið; gera það í 65 prósentum
tilvika.
Þetta kemur fram í nýlegri rann-
sókn Bryndísar Jónsdóttur, sem var
unnin sem hluti af meistaraverk-
efni hennar í mannauðsstjórnun við
Háskóla Íslands. Um 2.400 manns
svöruðu spurningum hennar um
eigið fæðingarorlof.
Um 35 prósent karla sögðust hafa
unnið í fæðingarorlofinu, en 17 pró-
sent kvenna. Stjórnendur, sérfræð-
ingar, bændur og sjómenn voru lík-
legastir til að hafa sinnt starfinu
meðfram orlofinu.
„Ég hef ekki hugmynd um það út
frá þessari rannsókn hvort þetta
fólk fær greitt fyrir vinnuna, eða
hvort það er að þessu til þess að
missa ekki störf sín eða líða ekki
illa í orlofinu. Þetta á ekki að vera
svona, ef fólki er ekki greitt fyrir á
það ekki að vinna í orlofinu og það
er lögbrot að greiða fyrir vinnu í
fæðingarorlofi ef fólk er á 100 pró-
sent greiðslum frá fæðingarorlofs-
sjóði,“ segir Bryndís.
Um muninn á kynjunum segir
Bryndís að karlar taki almennt
styttra fæðingarorlof en konur og
búti auk þess orlofið frekar niður.
Þar með sé algengara að ekki sé
ráðið í störf þeirra á meðan á
fæðingarorlofi standi og því taki
þeir gjarnan einhverja ábyrgð með
sér í fæðingarorlofið, eða séu í það
minnsta tiltækir fyrir vinnuveit-
andann.
Karlar líklegri til að vinna
Eru karlmenn betri starfsmenn
en konur?
Hefur þú fylgst með fréttaflutn-
ingi af málefnum Hitaveitu
Suðurnesja?
„Það er ótækt að
gefa framkvæmdaleyfi fyrir
fyllingu við Ánanaust þegar ekki
liggur fyrir hvort eða hvað eigi
að rísa á viðkomandi fyllingu,“
sögðu fulltrúar Samfylkingar í
borgarráði. Fulltrúar Framsókn-
arflokks og Sjálfstæðisflokks
sögðu næsta mögulega losunar-
stað fyrir jarðefni úr miðborg-
inni vera 15 kílómetra í burtu á
Hólmsheiði. „Það gefur auga leið
að efnisflutningar úr miðborg
Reykjavíkur að Hólmsheiði
hefur verulega neikvæð
umhverfisáhrif í för með sér auk
þess sem kostnaður vegna þess
er óheyrilegur,“ sagði meirihlut-
inn sem fékk stuðning frá
borgarráðsfulltrúa Vinstri
grænna og áheyrnarfulltrúa F-
lista.
Óheyrilega dýrt
að keyra annað
Háskólanámskeið í
þjóðlögum verður haldið árlega á
Siglufirði. Rektor Kennaraháskól-
ans, Ólafur Proppé, og Gunn-
steinn Ólafsson, forsvarsmaður
þjóðlagahátíðarinnar, undirrituðu
samkomulag um þetta á þjóðlaga-
hátíðinni á Siglufirði um helgina.
Fyrsta námskeiðið var haldið í ár.
Háskólanámskeiðið verður
haldið samhliða þjóðlagahátíðinni.
Ólafur segir að þótt Kennara-
háskólinn standi að náminu sé það
fyrir alla háskólanema. „Nemend-
ur geta tekið einingar hér á
Siglufirði og nýtt sér þær í sínu
námi,“ sagði Ólafur.
Námskeið fyrir
háskólanema
Um 340 manns eru
skráðir til leiks á Íslandsmeist-
aramótinu í hestaíþróttum sem
hefst í dag við Hringsholt í
Svarfaðardal. Dagskrá verður frá
morgni til kvölds alla dagana.
Samkvæmt fréttatilkynningu
munu flestir af bestu gæðingum
og knöpum landsins láta ljós sitt
skína á mótinu.
Á laugardagskvöld verður svo
haldið skemmtikvöld þar sem Örn
Árnason, Óskar Pétursson og
Eyþór Ingi Gunnlaugsson munu
skemmta gestum. Að því loknu
verður dansleikur fram eftir
nóttu. Skemmtunin á laugardags-
kvöld er öllum opin.
Íslandsmótið
hefst í dag
Samtök atvinnulífsins
segja lækkun á skattlagningu
matvæla hafa skilað sér í
verðlagi. Er það önnur niðurstaða
en verðlagseftirlit ASÍ komst að
og tilkynnti fyrr í vikunni.
Samkvæmt matvörulið vísitölu
neysluverðs frá því í febrúar
skilaði skattalækkun sér strax í
verðlagi á mat- og drykkjarvör-
um, að því er kemur fram í
fréttatilkynningu frá Samtökum
atvinnulífsins.
Segja lækkun
hafa skilað sér
Hæstaréttardómari í
Chile hefur
neitað að
framselja
Alberto
Fujimori til
Perú. Yfirvöld
í Perú vilja fá
Fujimori, sem
var forseti
landsins frá
árinu 1990 til
2000, framseld-
an vegna gruns um að hann hafi
látið drepa 25 manns. Forsetinn
er einnig grunaður um mútur og
að hafa misnotað opinbert fé.
Fujimori verður í stofufang-
elsi í Chile í þrjá mánuði til
viðbótar þar til fimm hæstarétt-
ardómarar hafa kveðið upp
endanlegan dóm um hvort eigi
að framselja hann eða ekki.
Neita að fram-
selja Fujimori