Fréttablaðið - 13.07.2007, Blaðsíða 10

ú t
s a
l a
3 0
- 7
0 %
a f
s l á
t t u
r
KRINGLUNNI
SMÁRALIND
Átökum um Hitaveitu
Suðurnesja (HS) er lokið eftir að
gert var samkomulag um eignar-
hald fyrirtækisins í gær. Bæjarráð
Reykjanesbæjar og Hafnarfjarðar
samþykktu eignarhald og samstarf
innan HS sem gerir Orkuveitu
Reykjavíkur (OR) og Geysir Green
Energy (GGE) kleift að gerast
hluthafar í fyrirtækinu. Reykjanes-
bær verður ráðandi hluthafi með
35 prósenta eign; hlutur GGE mun
verða 32 prósent sem og OR að því
gefnu að Hafnarfjarðarbær selji
fyrirtækinu rúmlega fimmtán
prósenta hlut sinn.
Árni Sigfússon, bæjarstjóri í
Reykjanesbæ, segir niðurstöðuna
tryggja stöðu HS sem sjálfstæðs
fyrirtækis með höfuðstöðvar á
Suðurnesjum. Náðst hafi að tryggja
meirihluta sveitarfélagsins í fyrir-
tækinu og það markmið að fá öfl-
uga samstarfsaðila. „Við fögnum
því að einkaframtakið skuli vera
virkjað og finnum að hér koma að
fyrirtækinu sterkir aðilar með
fjármagn og ferskar hugmyndir.“
Árni segir að alltaf hafi verið stefnt
að því að halda ráðandi hlut og það
hafi náðst þrátt fyrir að Reykja-
nesbær gefi eftir um fimm prósent
hlut til GGE og OR. „Með sam-
komulaginu fáum við bæði fjár-
magn til að spila úr og sátt innan
fyrirtækisins.“
Gunnar Svavarsson, bæjarfull-
trúi í Hafnarfirði, segir að staða
sveitarfélagsins innan HS sé
tryggð með samkomulaginu. „Það
felst í því að samþykktum verður
ekki breytt án vilja okkar.“ Gunnar
segir að kauptilboð liggi fyrir frá
OR um kaup á fimmtán prósenta
hlut sveitarfélagsins. „Hvort því
verður tekið hefur ekki verið
rætt.“
Ásgeir Margeirsson, forstjóri
GGE, fagnar niðurstöðunni og
segir framtíðarsýn eigendahópsins
skýra. „Þar liggja tækifærin til
framtíðar. Íslendingar hafa gríðar-
lega tæknilega þekkingu í orku-
málum og nú er tækifæri til að
nýta hana með fjárfestingum
erlendis.“ GGE greiðir um sextán
milljarða króna fyrir tæplega
þriðjungshlut í HS.
Með samkomulaginu lýkur
atburðarás sem hófst í lok apríl
þegar Árni M. Mathiesen fjármála-
ráðherra tók tilboði GGE um kaup
á fimmtán prósent hlut ríkisins í
HS. Um samkomulagið nú vill Árni
ekki tjá sig sérstaklega né heldur
þá staðreynd að einkavæðing orku-
fyrirtækja á Íslandi er nú hafin.
„Ríkið er komið út úr fyrirtækinu.
Þetta eru viðskipti á frjálsum
markaði og niðurstaðan er þessi.“
Sátt náðist
um Hitaveitu
Suðurnesja
Átökum um Hitaveitu Suðurnesja er lokið með
samkomulagi um eignarhald. Reykjanesbær, Hafnar-
fjarðarbær, Geysir Green Energy og Orkuveita
Reykjavíkur verða eigendur. Einkavæðing er hafin.
Minnihlutinn í
borgarráði segi brýnt að múslimar
í Reykjavík fái lóð undir mosku í
borgarlandinu. Þetta kemur fram
í bókun þar sem minnihlutinn
fagnar samkomulagi borgarinnar
og safnaðar Moskvu-Patriarkats-
ins um lóð fyrir rússnesku
rétttrúnaðarkirkjuna á Mýrargötu
20.
„Jafnframt er það áréttað að
múslimar í borginni hafa beðið í
tæp sjö ár eftir lóð undir mosku.
Það er því brýnt að þeir fái
úrlausn sinna mála hið snarasta,“
sögðu borgarráðsfulltrúar Vinstri
grænna og Samfylkingar og
áheyrnarfulltrúi F-listans.
Múslimar beðið í
sjö ár eftir mosku
„Hótelið verður fyrst og fremst fyrir
hinn almenna ferðamann sem langar til að vera
á hóteli niðri í bæ,“ segir Jóhannes Sigurðsson,
einn eigenda Kaupangs eignarhaldsfélags sem
hyggst reisa 50 til 55 herbergja hótel neðst á
Laugaveginum.
Húsin á Laugavegi 4 og 6 verða rifin til að
rýma fyrir nýrri byggingu sem tengd verður við
húsið á Skólavörðustíg 1a. Saman myndar þessi
heild nýja hótelbyggingu.
Nýja húsið verður talsvert umfangsmeira en
húsin sem verða rifin og verslunarhúsnæði á
þessum stað eykst þannig til muna því verslanir
verða á jarðhæðinni. „Það hefur vantað alvöru
verslunarrými við Laugaveginn í áratugi,“ segir
Jóhannes, sem lofar glæsilegu
verslunarhúsnæði.
Á Skólavörðustíg 1a er gallerí sem Jóhannes
segir að muni starfa áfram í núverandi mynd og
húsið allt algerlega halda útliti sínu.
Kaupangur á fyrir Hótel Plaza við Ingólfs-
torg. Hann segir að nýja hótelið verði ekki síður
glæsilegt. Húsið á Skólavörðustíg er fimm
hæðir en nýbyggingin verður þrjár hæðir og
auk þess inndregin fjórða hæð. Skipulagsráð
Reykjavíkur hefur nú vísað tillögu um hönnun
nýja hússins til rýnihóps um útlit bygginga í
miðborginni.
„Við höfum undirbúið þetta lengi og vonumst
til að geta hafist handa af krafti mjög fljótlega.
Eins og aðrir sem byggja við Laugaveginum
viljum við valda sem minnstu raski fyrir alla,“
segir Jóhannes.
Gömul hús rifin fyrir nýtt hótel í miðbænum
Maður í Massa-
chusetts í Bandaríkjunum reyndi
heldur óhefðbundna leið til að
koma sér undan kviðdómsskyldu
á dögunum. Hann tilkynnti
dómaranum að hann væri
algerlega óhæfur til starfans,
væri lyginn, hommafælinn og
kynþáttahatari.
Dómarinn efaðist um
trúverðugleika mannsins og
spurði hann hvort hann væri
hugsanlega að ljúga því að hann
væri lygari. „Ja, ég veit það ekki.
Það gæti svo sem verið,“ svaraði
maðurinn. Móðir hans varði
meinta hreinskilni mannsins en
dómarinn var lítt hrifinn og lét
hneppa hann í varðhald.
„Á ferli mínum hef ég aldrei
séð neinn jafnákveðinn í að
sleppa undan kviðdómssetu,“
sagði hann.
Sagðist lyginn
hommahatari