Fréttablaðið - 13.07.2007, Blaðsíða 30

BLS. 6 | sirkus | 13. JÚLÍ 2007
É g hafði heimsótt landið af og til í sex ár en flutti hingað í mars í fyrra. Árið 2004 kom ég hing-
að tíu sinnum og ákvað að það væri
bara auðveldara að búa hérna,“ segir
hin breska Kitty von-Sometime sem
vakið hefur eftirtekt fyrir flottan og
öðruvísi stíl. Sjálf segist Kitty ekki
mikið umhugað um tísku. Hún klæð-
ist einfaldlega því sem hana langi til
að klæðast og sé þægilegt. „Ég myndi
aldrei fara í eitthvað óþægilegt og er
ekki að elta uppi einhver merki en ég
fíla hins vegar notuð föt.“ Aðspurð
hvað það hafi verið við landið sem
hafi heillað hana segist hún fíla fólk-
ið, allavega flesta. „Ísland er öðruvísi
en allt annað. Ég er búin að prófa að
búa í stórborg og vildi prófa lítinn
bæ. Reykjavík er lítil borg með „big
city attitude. Svo eru það allar
klisjurnar eins og hversu fallegt land-
ið er,“ segir Kitty. „Fólkið hér skiptist í
tvo hópa, þá sem hanga í mollunum
og kaupa sér eins föt og svo hina sem
versla í búðum eins og Nakta apan-
um og Kron Kron. Þessar tvær týpur
eiga ekki alltaf samleið og þú getur
gengið að öðrum hópnum vísum inni
á Sirkus eða Qbar en hinum inni á
Sólon,“ segir hún brosandi. Sjálf
verslar Kitty aðallega í verslunum
eins og Spútnik og Nakta apanum.
„Ég sakna samt hjálparstarfsverslan-
anna í Bretlandi enda gat ég eytt
heilu dögunum í að gramsa þar
inni.“
Auk þess að standa fyrir 90’s
partýum á NASA ásamt Curver
starfar Kitty hjá Smekkleysu og hún
segir tónlist og tísku samtengda.
Aðspurð hvernig hennar eigin
smekkur sé segir hún hann líklega
mitt á milli þess að vera of mikið
spandex og 80’ sápuópera. „Ég hugsa
ekki mikið um það sem ég fer í og oft
er eins og fataskápurinn hafi ælt á
mig. Ég er ekki ein af þeim stelpum
sem taka langan tíma í að taka sig
til.“ Spurð hvort hún hafi fæðst á vit-
lausum tíma segist hún hafa verið
lítil stelpa á áttunda áratugnum og
alist upp við poppstjörnur eins og
Madonnu. „Ég fylgdist líka með
mömmu og vildi óska að hún hefði
geymt fötin sín,“ segir Kitty sem veit
ekki hvort eða hversu lengi hún
ætlar að búa á Íslandi. „Ég plana
ekki fram í tímann og maður á aldrei
að segja aldrei. Fyrst þegar ég kom
hingað þekkti ég engan en vaknaði
með timburmenn eftir að hafa gifst
einhverjum manni í þykjustubrúð-
kaupi um nóttina. Í hvert skipti sem
ég heimsótti landið eignaðist ég
fleiri og fleiri vini svo þegar ég flutti
var það ekkert mál. Þá átti ég stóran
hóp af góðum vinum sem margir
höfðu heimsótt mig út.“ Aðspurð
hvort fjölskylda hennar og vinir úti í
Bretlandi hafi ekki verið hissa yfir
flutningunum segir hún svo ekki
hafa verið. „Flest þeirra biðu eftir að
ég myndi flytja því ég var hvort sem
er alltaf hérna.“
Kitty segir að líklega hafi hún alltaf
klætt sig öðruvísi en að hún hafi ekki
alltaf þótt smart. „Í skólanum var ég
nördinn og skrýtna stelpan,“ segir hún
hlæjandi og bætir við að Íslendingar
ættu ekki að taka sig svona hátíðlega
þegar kemur að tísku. „Klæðstu því
sem þú vilt klæðast og hafðu gaman
af því.“ indiana@frettabladid.is
KITTY VON-SOMETIME VEKUR ALLS STAÐAR ATHYGLI FYRIR
SÉRSTAKAN FATASMEKK EN SJÁLF LÝSIR HÚN SMEKKNUM
SÍNUM EINS OG FATASKÁPURINN HAFI ÆLT Á HANA
Mix af spandexi
og 80‘s sápuóperu
OF MIKIÐ
SPANDEX „Ég
hugsa ekki
mikið um það
sem ég fer í og
oft er eins og
fataskápurinn
hafi ælt á mig.
Ég er ekki ein
af þeim
stelpum sem
taka langan
tíma í að taka
sig til.“
MYND/RÓSA
FÍLAR ÍSLAND „Ég
er búin að prófa
að búa í stórborg
og vildi prófa lítinn
bæ. Reykjavík er
lítil borg með „big
city attitude.“
MYND/RÓSA
REYKJAVIK STORE
LAUGAVEGI 86-94, S: 511-2007
Útsala40% afsláttur