Fréttablaðið - 13.07.2007, Blaðsíða 50

Rokksveitin Mínus heldur tónleika
á Grand Rokk annað kvöld, laugar-
daginn 14. júlí. Þetta verða fyrstu
tónleikarnir þar sem sveitin er í
aðalhlutverki síðan mannabreyting-
ar urðu fyrir skemmstu. Eins og
kom fram í fjölmiðlum sögðu Frosti
Logason gítarleikari og Þröstur
Jónsson bassaleikari skilið við
Mínus. Í staðinn var fenginn bassa-
leikarinn Sigurður Oddsson úr Fut-
ure Future.
Að sögn Björns Stefánssonar
trommuleikara ætlar Mínus á þess-
um tónleikum að leika þverskurð af
efni hljómsveitarinnar á níu ára
ferli hennar. Sannarlega forvitnileg-
ir tónleikar. Húsið opnar klukkan 23
og það kostar þúsundkall inn. Plötu-
snúðurinn Frosti Gringo hitar upp.
Mínus snýr aftur
Breakbeat lifir enn
Eitt sinn var því ranglega haldið fram hér í Fréttablaðinu að break-
beat-senan á Íslandi hefði á einhverjum tímapunkti lognast útaf.
Slíkt umtal skal leiðrétt hér með enda fáar senur hérlendis eins akt-
ívar og sú sem leidd er af mönnunum á bakvið Breakbeat.is. Ég held
að alveg sé hægt að fullyrða að Breakbeat.is-menn hafi staðið fyrir
viðburði hér á landi í hverjum einasta mánuði í hartnær áratug.
Drum & bass geirinn
er reyndar ekki
nærri eins áberandi
og hann var þegar
hann kom fyrst fram
á sjónarsviðið en
gróskuna vantar
samt sem áður ekki.
Þá staðreynd sann-
ar nýleg safnskífa
útgáfunnar Offshore
frá New York. Plat-
an nefnist Buried
Treasure og inni-
heldur lög frá
ýmsum tónlistar-
mönnum útgáfunn-
ar. Á plötunni er
kannski ekki verið
að brjóta upp allar
hefðir drum & bass
en hún sannar samt sem áður að enn ríkir hugmyndaauðgi í senunni.
Ekki spillir heldur fyrir að á plötunni má finna lag með einum
Íslendingi að nafni Jón Berg Jóhannesson. Jón kallar sig reyndar
Raychem á plötunni og lagið hans nefnist Time for What? og er vel
stilltur óður. Platan inniheldur annars brot af því besta sem er að
gerast í „leftfield“ og tilraunakennda drum & bass geiranum, þar
sem Offshore er í fararbroddi. Mæli sérstaklega með lögunum
Defunct Drums‘ Depression Decade VIP með Fanu og Crash Kit
með Graphic & Slide.
Að lokum ber að minnast á tónleika stærstu stjörnu drum & bass
frá upphafi, Goldie, á Nasa á morgun. Goldie var leiðtogi senunnar
þegar hún var að stíga sín fyrstu skref og sjálfsagt má færa rök
fyrir því að þannig sé staðan enn þann dag í dag. Frægðarsól Goldie
hefur semsagt ekki sest þó að hann sé hættur með Björk. Sem fyrr
eru það umræddir Breakbeat.is-drengir sem standa fyrir komu
Goldie hingað til lands og mæli ég eindregið með því að fólk skelli
sér á tónleikana. Með Goldie í för er einnig MC Lowqui auk þess
sem íslensku plötusnúðarnir Ewok, Kalli og Agzilla munu þeyta
skífum. Sá síðastnefndi er reyndar góðvinur Goldie og hefur meðal
annars gefið út efni hjá plötufyrirtæki hans. Segið svo að break-
beat-senan sé dauð á Íslandi.
Benedikt H. Hermannsson, betur
þekktur sem Benni Hemm Hemm,
talar um plötusölu og frægðina í
nýju viðtali við Bart Cameron,
fyrrum ritstjóra Reykjavík Grap-
evine. Í viðtalinu, sem birtist í tíma-
ritinu The Stranger í Seattle á
miðvikudag, segir Benni að
Íslendingar láti sér ekki
mikið um frægð hans finn-
ast, og að það hafi ekki
mikla þýðingu að toppa
sölulistana hér á landi.
„Það var söngvari í
mjög vinsælli en skelfi-
legri hljómsveit hérna
sem var valinn til að
keppa í bandarískum
sjónvarpsþætti sem hét
Rockstar: Supernova. Áður
en hann fór til Bandaríkjanna, þegar
hann var í þriðju stærstu hljómsveit
landsins, vann hann allan daginn í gler-
verksmiðju,“ segir Benni í viðtalinu.
Það ætti ekki að fara fram hjá neinum
að þar á hann við Magna Ásgeirs-
son.
Cameron fer í kjölfarið
fögrum orðum um Benna í
viðtalinu og klykkir út með
því að bera tónlistarmann-
inn saman við Björk og
Sigur Rós.
Benni um frægðina
Gríptu augnablikið og lifðu núna
Komdu við í næstu Vodafone verslun og nældu þér í gæðabolta.
Almennt verð 1.990 kr.
Þú færð bestu kjörin með því að vera með allt hjá okkur í Og1.
Meistaradeildarboltar á aðeins 990 kr.
fyrir Og1 viðskiptavini.
Hittu í mark
Breska hljómsveitin
Throbbing Gristle var
brautryðjandi í „industri-
al“-tónlistinni sem kom
fram á seinni hluta áttunda
áratugarins. Hún sendi
nýlega frá sér sína fyrstu
plötu með nýju efni í 25 ár.
Trausti Júlíusson rifjaði
upp feril þessarar áhrifa-
ríku sveitar.
Þegar breska hljómsveitin Throbb-
ing Gristle (TG) steig fram á sjón-
arsviðið árið 1975 risu margir upp
til að fordæma hana. Einn af þeim
var Sir Nicholas Fairbairn, bresk-
ur þingmaður, sem kallað meðlimi
sveitarinnar „Wreckers Of Civil-
isation“ – niðurrifsmenn siðmenn-
ingarinnar. Hljómsveitin fagnaði
þessu viðurnefni og hampaði því
óspart. Á árunum 1975-1981 hélt
TG fjölda tónleika og sendi frá sér
plötur sem höfðu mikil áhrif.
Sveitin kom svo saman aftur fyrir
skömmu og sendi frá sér nýja
plötu, Part Two: The Endless Not.
Throbbing Gristle varð til upp úr
gjörningalistahópnum COUM
Transmissions. Meðlimirnir voru
Genesis P-Orridge bassaleikari,
Cosey Fanni Tutti gítarleikari,
hljómborðsleikarinn Chris Carter
og Peter „Sleazy“ Christopherson
sem meðhöndlaði tónlistina með
segulböndum. Genesis og Cosey
voru bæði listamenn, Sleazy var
hönnuður, en Chris var með tækja-
dellu á háu stigi og sérhæfði sig í
því að smíða sína eigin hljóðgerv-
la. Cosey hafði m.a. leikið í nokkr-
um klámmyndum í listrænum til-
gangi.
TG tók þátt í sýningunni Prost-
itution í ICA listamiðstöðinni í
London 1976, en sú sýning hneyksl-
aði marga. Þar mátti m.a. sjá brot
frá fyrrnefndum kvikmyndaferli
Cosey Fanni Tutti, innsetningar
með notuðum túrtöppum o.fl. sem
ekki þótti boðlegt, síst af ölli í svo
virðulegri stofnun. Tónleikar TG
fyrstu árin hófust með því að
kveikt var á skeiðklukku og
nákvæmlega 60 mínútum síðar
var rafmagnið tekið af.
Throbbing Gristle átti það sam-
eiginlegt með pönkinu að ráðast
gegn ríkjandi tónlist og þjóðfé-
lagsskipan, en TG gekk mun
lengra á báðum sviðum. Tónlistin
var að miklu leyti sveiflukenndur
hávaði, án takts og greinanlegrar
uppbyggingar. Einhvers konar
rafræn sýra. Á plötum sveitarinn-
ar var tónlistin samt aðgengilegri
en á tónleikum. Plötur eins og The
Second Annual Report (1977), D.
O.A. (1978) og 20 Jazz Funk Greats
(1979) eru vel þess virði að tékka á
þeim.
Eftir að TG hætti, stofnuðu Gen-
esis og Sleazy Psychic TV (sem
hélt eftirminnilega tónleika með
Kuklinu í HM 1984), en Chris &
Cosey stofnuðu samnefnt dúó.
Hvortveggja poppaðri sveitir en
TG.
TG hafði mikil áhrif t.d. á 23
Skidoo, SPK, Einsturzende Neu-
bauten, Laibach, Front 242 og zov-
iet*france. Á Íslandi mátti heyra
áhrif frá TG hjá Bruna BB, Inferno
5 og hinni vanmetnu eðalsveit
Reptilicus.
Nýja Throbbing Gristle platan er
aðeins mýkri og aðgengilegri en
fyrri verk þó að meðlimirnir full-
yrði að þeir kunni ennþá minna á
hljóðfæri í dag heldur en þegar
sveitin var stofnuð. TG er líka
farin að spila á tónleikum aftur og
þáði nýlega boð ICA um að spila
þar, en stofnunin setti sveitina á
bannlista eftir Prostitution sýn-
inguna. Genesis hlær að því í dag:
„Svona gerist þetta. Þeir reyna að
stoppa þig. Svo banna þeir þig og
segja að þú sért klámfenginn, en
svo 25 árum seinna segja þeir að
þeim finnist þú góður.“