Fréttablaðið - 03.08.2007, Page 4

MS drykkjarvörur í útileguna
MS mjólkurdrykkirnir eru prótein- og kalkríkir og stútfullir
af næringarefnum. Veldu þér ískaldan mjólkurdrykk í
handhægum umbúðum í næstu verslun.
Ólíklegt er að
kvikuhreyfingar sem valdið hafa
jarðskjálftum við Upptyppinga, um
20 kílómetra austan við Öskju,
brjótist upp á yfirborðið í eldgosi,
segir Steinunn Jakobsdóttir,
jarðeðlisfræðingur á Veðurstofu
Íslands.
Á þriðja þúsund skjálftar hafa
orðið á svæðinu frá því í febrúar, og
var sterkasta hrinan hingað til
síðastliðinn þriðjudag. Síðan hefur
hægst á skjálftavirkninni. Steinunn
segir að kvikuhreyfingar djúpt
undir yfirborðinu valdi líklega
skjálftunum, sem eigi upptök sín á 15-20 km dýpi.
Ragnar Stefánsson, prófessor í jarðvárfræðum við
Háskólann á Akureyri, segir að ef skjálftavirknin
haldi áfram og færist ofar í
jarðskorpuna aukist líkur á eldgosi,
en þróunin hafi ekki verið í þá
áttina hingað til.
Ragnar segir að síðast hafi gosið
á Öskjusvæðinu árið 1961. Ekki er
sjáanlegt mynstur í gosum á
svæðinu eins og hjá Heklu og Kötlu
og því engar vísbendingar um
hvenær næsta eldgos þar verði.
Bæði Ragnar og Steinunn benda á
að ástæða þess að þessi gríðarlega
skjálftavirkni mælist yfir höfuð sé
nýir skynjarar sem komið hafi verið
fyrir til að fylgjast með áhrifum af
Hálslóni. Þar hafi engin hreyfing orðið, en mælarnir
hafi þó nýst við að afla upplýsinga um kvikuhreyfing-
arnar undir Upptyppingum.
Ólíklegt að skjálftar boði eldgos
Búið er að
berklaprófa helming þeirra 120
manna sem taldir voru í smit-
hættu af portúgölsku stúlkunni
sem greindist með berklasmit á
Kárahnjúkum í maí.
Enginn þeirra hefur greinst
með smit, að sögn Péturs
Heimissonar, yfirlæknis Heil-
brigðisstofnunar Austurlands.
Hluti þeirra verkamanna sem
fyrst voru prófaðir reyndist hafa
smitast af berklum áður en þeir
komu til landsins.
Þeir voru því sendir í lungna-
myndatöku, en hún leiddi ekkert
óeðlilegt í ljós.
Enginn enn
reynst veikur
„Enginn þeirra á
peninga fyrir flugi heim, jafnvel
ekki mat. Sumir þeirra eru að missa
húsnæðið, en aðrir búa hjá mér. Við
lifum eiginlega á konunni minni
núna,“ segir Haralds Kaulins, sem
var verkstjóri hjá Stokkum ehf.
Haralds hefur búið á Íslandi
síðan árið 2001 og hóf störf hjá
Stokkum í mars 2006.
Hann og fjórir aðrir lettneskir
karlmenn fengu engin laun útgreidd
frá verktakafyrirtækinu Stokkum
um mánaðamótin. Þeir hafa starfað
við byggingu Hótels Arnarhvols í
Reykjavík.
Einn mannanna, Helmut, er með
konu sína og tvö börn á landinu og
segist ekki eiga fyrir mat. Hann
býst við að missa brátt húsnæðið.
Í stað launaseðils fékk Haralds
álagningarseðil frá skattinum um
mánaðamótin. Samkvæmt honum
skuldar hann 350.000 krónur í skatt.
Atvinnurekandinn dró hins vegar
af honum fulla skatta allt síðasta ár.
„Ég hef heldur ekki fengið útlagð-
an kostnað greiddan og eigandi
Stokka hefur dregið húsaleiguna af
laununum. Síðan var hún ekki
greidd til leigusalans.“
Steinar H. Kristinsson, fram-
kvæmdastjóri og eigandi Stokka,
viðurkennir fúslega að margt hafi
misfarist í rekstrinum. „Þetta er
leiðindamál og ætti ekki að gerast
en ég er að ganga frá þessu. [Van-
goldnir skattar] eru mín sök og það
þarf ég að taka á mig,“ segir hann.
Hann neitar því ekki heldur að
honum hafi láðst að greiða mönn-
unum orlof.
Steinar segist vera að vinna í því
að gera upp við mennina og það
ætti að takast á næstu dögum.
Hann eigi eftir að leggja inn reikn-
ing til yfirverktaka fyrir síðasta
mánuð. „Það hefur verið smá deila
vegna aukaverka og reikninga. En
ég ætla ekki að hlusta á það heldur
sendi ég þeim bara reikning.“
Hins vegar virðist honum ljóst
að helstu mistökin í rekstrinum
hafi verið að vera of góður við
Lettana. „Ég er búinn að vera allt
of góður og hef ofborgað þeim.
Aðrir eru að greiða sínum mönn-
um 700 krónur á tímann en ég
borga 900 til 1.200. Ég átti bara
ekki von á því að þetta myndi ekki
standa undir sér.“
Steinar ætlar að reyna að hindra
að mennirnir missi húsnæði sitt.
Slógust um launaseðlana
Fimm lettneskir karlmenn fengu engin laun um þessi mánaðamót. Í staðinn fengu þeir óvænta sendingu
frá skattinum. Þeir segjast enga peninga hafa fyrir mat né húsaleigu. Atvinnurekandinn telur sig hafa
greitt of hátt tímakaup. Hann slóst við einn manninn í gær en ætlar að bjarga laununum á næstu dögum.
Forvarnastarf
læknanema, Ástráður, hefur í
samstarfi við innflytjanda Durex
á Íslandi ákveðið
að dreifa
fimmtán þúsund
smokkum á úti-
hátíðum um
verslun-
armannahelgina
ásamt því að
dreifa smokkum á Gay pride og
Menningarnótt.
Einnig mun hópurinn dreifa
neyðarspjöldum Ástráðs með
upplýsingum um símanúmer
sem nota þarf í neyð til dæmis
hjá Stígamótum og neyðarmót-
töku vegna nauðgana.
Dreifa 15 þús-
und smokkum