Fréttablaðið - 03.08.2007, Qupperneq 6

– og farsælan vinnudag!
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Eigum einnig til notaðar vel meðfarnar TASKI gólfþvottavélar,
nýkomnar úr 3ja ára rekstrarleigu frá viðskiptavinum RV.
Tækifæri til að gera ótrúlega góð kaup.
Einstaklega lipur vél sem
hentar á svæðum þar sem
aðkoma er þröng. Vél sem
kemur á óvart!
Reiknuð afköst 1250m2/klst
Lítil og nett, en afkastamikil
vél með innbyggðu hleðslutæki
sem hindrar afhleðslu rafgeyma.
Reiknuð afköst 1935m2/klst
Á tilb
oði í
ágú
st 20
07
U
ni
qu
eR
V
07
07
02
HUGSAÐU VEL UM HÚÐINA
ÞÚ FÆRÐ DECUBAL
Í NÆSTA APÓTEKI
Ekki er vitað hve
margir fórust þegar fjölfarin brú í
Minneapolis hrundi skyndilega
síðdegis á miðvikudag. Í gærmorg-
un höfðu yfirvöld staðfest að fjór-
ir voru látnir, en tuttugu til þrjátíu
manns var saknað.
Kafarar voru sendir til að leita
að látnu fólki í Mississippi-fljóti í
gær, en bæði erfitt og hættulegt
var að athafna sig við leitina.
„Brúin er enn að hreyfast,“
sagði Tim Dolan, lögreglustjóri í
Minneapolis. „Við þurfum að gera
þetta hægt og gæta öryggis.“
Allt að fimmtíu bílar voru í ánni
og reynt var að skrá niður bílnúm-
er þeirra allra. Ökumenn og far-
þegar flestra bifreiðanna höfðu
náð því að komast í land, en erfitt
var að kanna hve mörg lík væru
enn í bílunum. Sumir bílanna voru
grafnir undir stórum steinsteypu-
brotum úr brúnni.
Heimavarnaráðuneyti Band-
aríkjanna segir fátt benda til þess
að þetta hafi verið hryðjuverk.
Orsökin er þó enn ókunn. „Allt
bendir til þess að þetta hafi verið
hrun, en ekki af mannavöldum,“
segir Richard Stanek, sem er yfir-
maður í lögreglunni.
Slysið varð klukkan 18.05, sem
sagt á háannatímanum síðdegis,
þegar umferðin um brúna er hvað
mest.
Meðal bifreiðanna sem voru á
brúnni þegar hún hrundi var
skólabíll með 60 börnum. Bíllinn
fór ekki í ána þannig að öll komust
börnin lífs af, en um það bil tíu
þeirra hlutu meiðsli.
Tíu ára stúlka, Kaleigh Swift,
hringdi í mömmu sína um það bil
tíu mínútur yfir sex. „Hún æpti:
Brúin hrundi,“ sagði móðirin,
Christine Swift.
Tim Pawlenty, ríkisstjóri í
Minnesota, segir að brúin hafi
verið skoðuð vandlega á árunum
2005 og 2006 og þá hafi engir
alvarlegir gallar komið í ljós.
„Það þurfti að huga að nokkrum
smávægilegum atriðum.“
Dagblaðið Star Tribune, sem
gefið er út í Minneapolis, skýrði
þó frá því að árið 2005 hafi
samgönguráðuneytið í Minnesota
komist að þeirri niðurstöðu að
brúin væri í lélegu ástandi og
þyrfti ef til vill endurnýjunar
við.
Þegar brúin hrundi var verið að
vinna að viðgerðum á henni.
Fjórar af átta akreinum voru
lokaðar, sem gerði það að verkum
að umferð var minni en ella hefði
verið.
Átján verkamenn voru á brúnni
þegar hún hrundi. Einn þeirra
hafði ekki fundist síðdegis í gær.
Á þriðja tug saknað
Engar skýringar hafa fengist á því hvers vegna brúin yfir Mississippi-fljót í
Minneapolis hrundi fyrirvaralaust í fyrrakvöld. Stjórnvöld telja þó ekki að
hryðjuverkamenn hafi verið á ferðinni. Ekki er heldur vitað hve margir fórust.
Þau Dennis og Jamie Winegar frá
Texas voru akandi á bifreið sinni yfir brúna í Minn-
eapolis þegar þau fundu skyndilega að hún byrjaði að
skjálfa. Ungur frændi þeirra sem var með þeim
hrópaði: „Þetta er jarðskjálfti,“ og þá áttuðu þau sig á
því að brúin var að hrynja undan þeim.
„Ég klossbremsaði og sá eitthvað fyrir framan mig
hverfa og síðan sneri bíllinn minn beint niður og við
hröpuðum,“ sagði Dennis, sem sat við stýrið. Bifreiðin
hefur fallið um það bil fimmtán metra og lenti ofan á
öðrum minni bíl.
Jamie segir að fólk hafi strax farið út úr bílunum og
reynt að hjálpa hvert öðru.
Catherine Yankelevich var í öðrum bíl sem steyptist
út í Mississippi-fljót: „Bílarnir fóru að fljúga og ég sá
vatnið,“ segir hún. Henni tókst að klifra út um
hliðarrúðuna bílstjóramegin og synti í land.
„Þetta var alveg eins og í bíómynd, þetta var
býsna ógnvekjandi,“ sagði hún. „Ég bjóst aldrei
við að neitt þessu líkt myndi gerast hér.“
Var alveg eins og í bíómynd
„Brúin sem hrundi er
ábyggilega fjölfarnasta brúin í
Minneapolis. Hún liggur í gegnum
miðbæinn og tengir öll úthverfin í
norðri við miðbæinn, þannig að
allir sem eru að koma í vinnu
þaðan fara þarna um,“ segir
Magnús Sveinn Helgason, sem
búið hefur í Minneapolis í sjö ár.
Hann átti leið framhjá brúnni
klukkutíma eftir að hún hrundi,
var að skutla vinkonu dóttur
sinnar heim. „Hún býr þarna
nálægt svo ég fór þangað og gekk
um svæðið.“
Hann komst þó ekki alveg að
brúnni, því stóru svæði hafði strax
verið lokað.
„Þegar ég kom á vettvang var
augljóst að öll viðbrögð lögreglu
og björgunarfólks voru ótrúlega
skipulögð. Þetta hefur allt gengið
nákvæmlega eftir bókinni.“
Fjöldi fólks var á staðnum, fólk
sem býr í nágrenninu eða komst
ekki leiðar sinnar vegna þess að
brúin var farin.
„Fólk ætlaði hreinlega ekki að
trúa þessu. Bílarnir lágu eins og
hráviði þarna og ótrúlegt að fólk
hafi bjargast úr þeim því brúin er
minnst tuttugu metra há,“ segir
Magnús.
„Nú er fólk farið að búa sig
undir umferðartafir, því þetta er
önnur aðalumferðaræðin í gegn-
um borgina. Það gæti tekið allt
upp í tvö ár að koma umferðinni í
gang aftur.“
Bílarnir lágu eins og hráviði
Á að hætta að birta opinber-
lega álagningarskrár skatt-
stjóra?
Er réttlætanlegt að vera með
aldurstakmörk á tjaldstæðum?