Fréttablaðið - 03.08.2007, Síða 12

B&L
Gatan Strandvegur í
Sjálandshverfi var á miðvikudag
valin snyrtilegasta gatan í
Garðabæ, en þá voru veittar við-
urkenningar fyrir snyrtilegt
umhverfi.
Strandvegurinn er fjölbýlis-
húsagata sem liggur meðfram
ströndinni, og vakti snyrtilegur
frágangur lóða og skemmtilegur
heildarsvipur götunnar athygli,
að því er fram kemur í tilkynn-
ingu frá Garðabæ.
Garðaskóli hlaut viðurkenn-
ingu fyrir lóð fyrirtækis eða
stofnunar, en nýtt og hlýlegt
yfirbragð lóðarinnar þótti til
fyrirmyndar, og ánægjulegt
hversu vel nemendur hafi geng-
ið um lóðina.
Strandvegur valinn
snyrtilegasta gatan
Náttúrufræðistofnun
Íslands er á leið í nýtt húsnæði.
Útboð hefur verið auglýst en und-
irbúningur hefur staðið síðan
umhverfisráðuneytið samþykkti
í vor að stofnunin fengi nýtt hús-
næði.
Gerð er krafa um að Náttúru-
fræðistofnun verði á höfuðborg-
arsvæðinu. „Þar skiptir máli að
nálægð verði við aðrar rannsókn-
arstofnanir og háskóla svo að vís-
indamenn hafi betri aðgang að
stofnuninni,“ segir Jón Gunnar
Ottósson, forstjóri Náttúrufræði-
stofnunarinnar.
Húsnæðið á að vera 3.500-4.000
fermetrar og fullnægja öllum
kröfum sem gerðar eru til stofn-
ana og safna. Í húsinu verður sér-
stakt vísindasafn sem yrði opið
vísindamönnum til rannsókna.
Vísindasafnið hefur ekki verið
opið. „Aðbúnaður þessa vísinda-
safns hefur verið algerlega ófull-
nægjandi,“ sagði Jón Gunnar.
Skemmst er að minnast þess
þegar fjölmargir gripir eyðilögð-
ust í geymslu í haust þegar raf-
magn fór af frystiklefa. „Við
kærðum málið en enn hefur eng-
inn botn fengist í það.“
Sýningarsalurinn hefur verið
aðskilinn Náttúrufræðistofnun.
Stofnað hefur verið í staðinn
Náttúruminjasafn Íslands sem
sér um safnið og heyrir það undir
menntamálaráðuneytið.
Vísindasafn verður opnað
Aldrei hafa fleiri
flugvélar flogið um íslenskt
flugstjórnarsvæði í einum
mánuði og í nýliðnum júlí.
Í júlí fóru 12.110 flugvélar um
flugstjórnarsvæðið sem er
tæplega sextán prósenta aukning
frá sama mánuði í fyrra.
Með áframhaldandi þróun af
þessum toga má búast við að
flugumferð um flugstjórnar-
svæðið nái í fyrsta skiptið yfir
hundrað þúsund flugvélum á
einu ári segir í tilkynningu frá
Flugstoðum.
Aukning á þessu ári stefnir í
að vera yfir tíu þúsund flugvélar.
Aldrei meiri
flugumferð
Dómsmála-
ráðherra vill
selja RÚV
Björn Bjarnason dómsmálaráðherra segir að réttast
væri að selja Ríkisútvarpið. Formaður menntamála-
nefndar er honum sammála. Útvarpsstjóri hefur
ekki áhyggjur af skoðunum ráðherra.
„Mín vegna má
Björn Bjarnason hafa hvaða skoð-
un sem er á því hvort selja eigi
Ríkisútvarpið. Það heldur ekki
fyrir mér vöku,“ segir Páll Magn-
ússon útvarpsstjóri um skrif
Björns Bjarnasonar dómsmálaráð-
herra á heimasíðu sinni bjorn.is.
Þar fjallar Björn um Ríkisútvarpið
og segir: „Hlutafélagavæðing RÚV
hafði ekki að markmiði að auð-
velda RÚV að kaupa starfsmenn
annarra stöðva og veita þeim ríkis-
skjól. Væri ekki best, að selja batt-
eríið allt (fyrir utan gömlu guf-
una), svo að snillingarnir gætu
keppt við Baugsmiðlana á jafnrétt-
isgrundvelli, án þess að fá nef-
skatt?“
Þegar Fréttablaðið leitaði nánari
útskýringa frá Birni kvaðst hann
ekkert tjá sig um málið umfram
það sem stæði í færslunni.
„Nú veit ég ekki hvaða starfs-
menn Björn á við né hvert hann er
yfir höfuð að fara í þessari færslu
sinni,“ segir Páll. Hann segir að
einn helsti kostur breytts rekstrar-
forms Ríkisútvarpsins sé sá að
stjórnvöld hafi ekkert að segja um
mannaráðningar.
„Mannaráðningar fara nú fram á
hreinum faglegum forsendum
burtséð frá því hvort einhverjir
starfsmenn hafi áður verið hjá því
sem Björn kallar „Baugsmiðlana“.
Kannski sér Björn svolítið eftir
þessum pólitísku áhrifum og vill
frekar hafa þetta eins og það var
áður – og hann væri þá auðvitað
frjáls að þeirri skoðun,“ segir Páll.
Sigurður Kári Kristjánsson,
alþingismaður og formaður
menntamálanefndar, vitnar í Björn
á heimasíðu sinni og segir óhætt að
svara spurningu Björns játandi.
„Ég hef alltaf verið þeirrar skoð-
unar að ríkið eigi ekki að reka fjöl-
miðil,“ segir Sigurður og kveðst
hlynntur því að Ríkisútvarpið verði
selt þótt hann hafi verið einn þeirra
sem börðust fyrir því að koma
hlutafélagavæðingu þess í gegn.
Ágúst Ólafur Ágústsson, vara-
formaður Samfylkingarinnar, segir
að ummæli ráðherra og formanns
menntamálanefndar komi sér ekki
á óvart. „Þessar raddir hafa heyrst
áður í Sjálfstæðisflokknum en ég
er þeim gjörsamlega ósammála.
Samfylkingin hefur alltaf staðið
vörð um Ríkisútvarpið sem ríkis-
fjölmiðil og það er ekkert í stjórn-
arsáttmála þessarar ríkisstjórnar
sem gerir ráð fyrir sölu þess,“
segir Ágúst.