Fréttablaðið - 03.08.2007, Qupperneq 59

Damon Johnson,
fyrrum leikmaður Keflavíkur og
íslenska landsliðsins, hefur samið
við spænska liðið Ciudad de
Huelva um að spila með liðinu á
næsta tímabili en liðið spilar í
næstefstu deild á Spáni.
Damon Johnson lék með L
Hospitalet í sömu deild á síðasta
tímabili og var þá með 12,4 stig á
27,4 mínútum að meðaltali í leik.
Ciudad de Huelva, sem er á
suðvesturströnd Spánar verður
áttunda liðið sem Damon spilar
fyrir á Spáni síðan að hann
yfirgaf herbúðir Keflavíkur eftir
tímabilið 2002-2003. Þrjú af
þessum liðum hafa verið í efstu
deild (ACB-deildinni) og eitt
þeirra var í C-deildinni.
Spilar fyrir sitt
áttunda lið
Hamarsmenn eru að
styrkja sig í körfunni því þeir
hafa fengið til sín Grétar Inga
Erlendsson frá Þór úr þorlákshöfn
og eru einnig að vonast eftir því
að Hattarmaðurinn Viðar Örn
Hafsteinsson komi til liðsins en
hann hyggur á nám við Íþrótta-
kennaraháskólann á Laugarvatni.
Miðherjinn stóri og sterki, George
Byrd, mun spila áfram með liðinu
en um skeið leit út fyrir að hann
myndi ekki koma aftur.
Grétar er 24 ára miðherji sem á
að baki 26 leiki fyrir Þór í
úrvalsdeildinni. Hann lék fjóra
leiki með liðinu síðasta vetur og
var þá með 8,3 stig og 4,5 fráköst
að meðaltali á 15 mínútum í leik
en fyrri hluta tímabilsins var
hann í skóla í Bandaríkjunum.
Viðar hefur spilað stórt
hlutverk með Hetti síðustu ár en
hann er 22 ára framherji. Viðar
var með 18 stig, 6 fráköst og 4
stoðsendingar að meðaltali í 1.
deildinni síðasta vetur auk þess
að hitta úr 46 prósentum þriggja
stiga skota sinna.
Hamarsmenn
styrkja sig
Manchester United hefur
fengið til sín níu ára gamlan
strák, Rhain Davis að nafni, eftir
að afi hans sendi útsendurum
Englandsmeistaranna myndband
af honum af heimasíðunni
Youtube.com. Myndbandið hefur
farið eins og eldur í sinu um
netheimana en þar sést hann leika
skemmtilegar listir.
Talsmaður United staðfesti
kaupin í gær en gerði sitt til að
draga úr athyglinni á Davis. „Við
bætum um fjörutíu strákum á
hans aldri við okkur á hverju
ári,“ sagði talsmaðurinn.
„Ég hlakka mest til að hitta
fullt af leikmönnum, eins og
Wayne Rooney,“ sagði guttinn
svo sjálfur.
Fékk undrabarn
af YouTube
KÍKTU Í
KYNNUM NÝJU MOTION +100Hz TÆKNINA. BESTU LCD TÆKI SEM VÖL ER Á.
„Ég er hundfúll og sár-
svekktur því við áttum svo innilega
skilið að fara áfram. Þeir vissu
ekkert hvað þeir voru að gera en
það urðu ákveðin atriði til þess að
við töpuðum þessum leik,“ sagði
Kristján Guðmundsson, þjálfari
Keflavíkur, í samtali við Frétta-
blaðið eftir leik liðsins gegn FC
Midtjylland í Evrópukeppni
félagsliða í gær. Keflavík tapaði
leiknum 2-1 eftir að hafa unnið 3-2
sigur í fyrsta leiknum, en danska
liðið fer áfram á fleiri mörkum
skoruðum á útivelli.
Kristján var alls ekki sáttur með
dómara leiksins í gær, Keith
Trevor Glasgow frá Norður-
Írlandi, og fannst heimamenn
komast upp með nokkur fólskubrot.
Varnarmaðurinn Nicolai Jörgensen
var kýldur strax í upphafi leiks en
lék sárþjáður fram í síðari hálfleik
þar til Kristján neyddist til að taka
hann út af. „Þegar við skiptum
honum af velli riðlast varnarleikur
okkar og þeir setja á okkur mörkin
tvö,“ sagði Kristján.
Baldur Sigurðsson hafði komið
Keflavík yfir á 20. mínútu leiksins
með góðu skoti eftir fallega sókn.
Keflvíkingar voru mjög klókir í
öllum sínum aðgerðum, leyfðu
heimamönnum að vera meira með
boltann en gáfu fá færi á sér. 6.125
áhorfendur bauluðu á leikmenn
danska liðsins er þeir gengu til
búningsklefa í hálfleik.
Sama sagan var uppi á teningn-
um í síðari hálfleik og áttu Danirn-
ir fá svör við öguðum leik Kefla-
víkur, allt þar til Kristján neyddist
til að gera breytingar á liði sínu.
Keflavík hefði með smá heppni
getað jafnað metin en því miður
var heppnin þeim ekki hliðholl
upp við markið.
„Strákarnir stóðu sig frábær-
lega og ég er virkilega stoltur.
Stemningin í klefanum var mjög
döpur því við vorum einfaldlega
betra liðið í þessu einvígi. Það á
eftir að taka tíma að jafna sig á
þessu en við munum gera það á
endanum og koma reynslunni
ríkari til baka,“ sagði Kristján.
Áttum svo innilega skilið að fara áfram