Fréttablaðið - 03.08.2007, Qupperneq 62

1
6 7 8
10
13
119
12
15
16
18
21
20
17
14
19
2 3 4 5
„Nú er niðurtalningin hafin, þetta
eru ekki nema 14 dagar,“ segir
Einar S. Einarsson, talsmaður
RJF-hópsins, sem stutt hefur við
bakið á Aroni Pálma Ágústssyni
sem situr í fangelsi í Texas.
Flestir Íslendingar þekkja orðið
sögu Arons Pálma sem dæmdur
var í tíu ára fangelsi árið 1997
fyrir refsiverða kynferðislega
tilburði barn að aldri. Tíu ára
afplánun Arons lýkur 17. ágúst
og fljótlega eftir það er von á
honum heim til Íslands.
„Ég heyrði í honum um helgina
og hann lét þokkalega af sér.
Hann var orðinn mjög spenntur
fyrir því að losna og komast heim
til Íslands,“ segir Einar.
Aron mun dvelja í nokkra daga
hjá móður sinni og stjúpbróður
þegar hann losnar út. Síðan er
stefnt að því að hann fljúgi til
Íslands 21. eða 22. ágúst.
Eins og Fréttablaðið hefur
greint frá hefur Aron Pálmi
numið sálfræði við háskóla
meðan hann afplánaði refsivist
sína. Hann hefur einkum lagt
stund á hegðunarsálfræði og
skyld fög, að sögn Einars.
Heim kominn vill Aron Pálmi
ólmur rifja upp móðurmál sitt og
stefnir því á nám í íslensku fyrir
erlenda stúdenta við Háskóla
Íslands.
„Það er reyndar spurning hvort
hann komist inn í skólann, við
þurfum að sjá hvað við getum
gert með það,“ segir Einar.
Talið niður að heimkomu Arons Pálma
Gústaf Darrason komst á spjöld
sögunnar í júnímánuði, þegar
hann varð yngsti hjólreiðamaður-
inn til að hjóla svokallaða C2C, eða
„sea to sea“, leið í Englandi. Leið-
in, sem er einir 224 kílómetrar,
liggur um Norður-England; frá
Whitehaven á vesturströndinni, til
Tynemouth í austri.
Gústaf tókst ferðalagið á hend-
ur ásamt föður sínum, Darra
Mikaelssyni, sem er mikill hjól-
reiðamaður sjálfur og hefur til
dæmis hjólað um Himalayafjöll.
Svo virðist sem Gústaf hafi nú
þegar smitast af hjólabakteríunni,
og eftir eftirgrennslan hjá föður
sínum tjáir hann blaðamanni að
hann hafi lært að hjóla þriggja,
fjögurra ára. Honum finnst það
líka mjög gaman, að eigin sögn.
„Það voru samt nokkrar brekkur
sem voru dálítið erfiðar. Þá var
þetta svolítið stíft. Í tveimur, þrem-
ur brekkum labbaði ég upp með
hjólið,“ sagði hann. Faðir hans segir
drenginn þó hafa staðið sig með
eindæmum vel. „Hann var oft fljót-
ari upp en fullorðið fólk sem var að
hjóla sömu leið,“ sagði hann.
Darri hefur sem áður sagði farið
í þó nokkrar hjólaferðir. „Í fyrra
var ég að hjóla í Vatnahéraðinu í
Englandi, þar sem er mjög
skemmtilegt að hjóla. Þá sá ég
skilti af þessari leið, sem liggur
einmitt í gegnum Vatnahérað. Mér
datt í hug að þetta væri kannski
skemmtilegt fyrir Gústaf, þó þetta
sé krefjandi líka,“ útskýrði Darri.
Gústaf vakti athygli samferða-
langa þeirra feðga á C2C-leiðinni,
en hana fara á milli 12 og 15 þús-
und hjólreiðamenn á ári hverju.
„Það kom ókunnugt fólk upp að
okkur til að spyrja hvort þetta
væri þessi ungi Íslendingur. Það
hafði greinilega heyrt af okkur á
leiðinni,“ sagði Darri. Aðspurður
hvað hafi verið skemmtilegast við
ferðina hugsar Gústaf sig vel um.
„Mér fannst eiginlega lang-
skemmtilegast að vera að hjóla,“
sagði hann svo. Heima við hjólar
Gústaf líka víða. „Það er kannski
ekki alveg jafn langt. En ég fer
stundum í bæinn, eins og í gær. Þá
fór ég á Borgarbókasafnið og svo í
heimsókn. Ég hjólaði líka pínu í
Landmannalaugum í fyrra,“ sagði
hann. „Við búum í Vesturbænum
og notum stíginn við Ægisíðuna
mikið, og svo förum við í Heið-
mörk,“ bætti Darri við. „Í fyrra
fór ég með hópinn sem ég hjólaði
með í Tíbet í hjólreiðaferð að
Fjallabaki. Þá var Gústaf með í
bílnum og hjólaði með okkur af og
til,“ sagði hann.
Gústaf segist hiklaust vilja tak-
ast á hendur svipaða ferð að nýju.
„Það verða samt væntanlega ekki
Himalayafjöll. Þau bíða í nokkur
ár enn,“ sagði Darri og hló við.
„Ég veit það sem ég veit,“ segir
Gísli Ásgeirsson þýðandi sem
telur sig hafa komist að því hver
bloggarinn Mengella er. Gísli
skrifar á heimasíðu sína, Malbein.
net, að Mengella, sem skrifar á
Mengella.blogspot.com, hafi verið
þekktasti nafnleysinginn á netinu.
Blogg Mengellu hefur verið mikið
lesið enda þykir það ágætlega
skrifað og efnistökin hafa líka
verið áhugaverð. Þannig hafa
árásir bloggarans á ákveðna ein-
staklinga, til að mynda Ágúst
Borgþór Sverrisson og Eyvind
Karlsson, leitt til líflegra umræðna
á athugasemdakerfi síðunnar.
Gísli Ásgeirsson segir að föst
IP-tala sé eins og fingrafar. Hann
hafi einfaldlega lagst í smá
rannsóknarvinnu og IP-tala Men-
gellu hafi verið auðfundin. Niður-
staða Gísla er sú að Mengella sé í
raun Ólafur Sindri Ólafsson.
Fréttablaðið reyndi ítrekað að ná
tali af Ólafi í gær til að bera þetta
undir hann en ekki náðist í hann.
Mengella svaraði þessum
skrifum Gísla á síðu sinni í gær
og hafnaði kenningu hans
umsvifalaust. „Ég gef ekki
fimmeyring meira fyrir þessa
nálgun að hamflettingu minni en
þær fyrri. Þetta er sami
grauturinn í nýrri skál. Hins
vegar þætti mér áhugavert að
vita hver viðbrögð þess ákærða
verða,“ skrifar Mengella.
Telur sig hafa afhjúpað Mengellu
„Naustið er nýfarið að bjóða
upp á steikt svínseyru. Þau eru
borin fram í risastórri skál, sem
er nánast eins og tunna með
svona tíu stykkjum af eyrum.
Svo er einhvers konar mokka-
majónesídýfa í miðri skálinni
sem maður dýfir eyrunum í.
Þetta hljómar frekar furðulega
en er alveg ótrúlega gott.“
MARKAÐURINN
Hafliði Helgason
í hádegisfréttum
Stöðvar 2 kl. 12:
alla virka daga