Fréttablaðið - 03.11.2007, Side 23

g
eysi
borða í kvöld á ágætan stað sem
heitir Les Bacchanales eða Bakk-
ynjurnar á Kórónugötu 10 í Aix.
Mér fannst nafnið spennandi og
var alls ekki frábitinn því að lenda
í minniháttar orgíu. En þarna voru
því miður engar Bakkynjur sjáan-
legar. Þetta var afskaplega sett-
legur staður og maturinn sosum
ágætur.
Ævar sem er guðfræðingur er að
sjálfsögðu með nýju biblíuþýðing-
una meðferðis. Alveg er mér það
hulin ráðgáta hvernig fólk getur
verið að æsa sig upp yfir því að
ljót og heimskuleg orðskrípi eins
og „kynvillingur“ skuli vera
aflögð.
Reyndar hef ég aldrei haft
brennandi áhuga á Gamla testa-
mentinu og aldrei haft ánægju af
að lesa um hið ótrygga og stress-
aða samband milli Guðs og sköp-
unarverksins meðan manneskj-
urnar voru að gera sér mynd af
Guði og Guð var að kynnast mann-
eskjunum.
Nýja testamentið nægir mér
alveg prýðilega og þótt þar sé
ýmislegt að finna sem rekst á ann-
ars horn er ég mest hissa á hversu
samstæða frásögn það hefur að
geyma þrátt fyrir allt með tilliti til
þess að samtímavitnisburðir um
sáraeinfalda hluti eins og stofnun
fyrirtækis geta verið svo myrkir
og misvísandi að engin leið sé að
botna neitt í neinu.
Til dæmis er hin 2000 ára gamla
saga af kvöldmáltíð, krossfestingu
og upprisu ólíkt einfaldari, auð-
skildari og trúverðugri en fréttir
gærdagsins af stofnun Reykjavík
Energy Invest, kraftaverkagróða
Bjarna Ármannssonar, Júdasar-
heilkenninu í borgarstjórn og
óvæntri upprisu Dags borgar-
stjóra sem flestir héldu að væri
snoturt pólitískt lík með bjarta
framtíð að baki.
Hér er sama veðurblíðan dag
eftir dag. Náttúrufegurðin er stór-
kostleg.
Jafnvel þótt það sé skemmtilegt
að vinna er indælt að eiga frí ein-
stöku sinnum. Vive la France!