Fréttablaðið - 03.11.2007, Page 34
Íslenski Alpaklúbburinn,
ÍSALP, félag áhugamanna um
fjallamennsku fagnar þrjátíu
árum á fjöllum.
„Markmiðið er að sameina fjalla-
menn, stuðla að vexti fjallamennsku
á Íslandi og auka öryggi á fjöllum,“
segir Freyr Ingi Björnsson, sem
hefur verið formaður klúbbsins
síðan 2006. Sjálfur fékk hann fjalla-
áhugann úr björgunarsveitarstarfi
og segir marga koma þaðan og úr
skátunum. „Útivistaráhugi almenn-
ings hefur aukist mikið og það eru
allir velkomnir til okkar,“ segir
Freyr sem fer í fjölda ferða ár
hvert.
„Ég vinn sem leiðsögumaður á
sumrin og fer mikið á fjöll þá mest
innanlands. Síðan reyni ég að
komast til útlanda líka og fór til
Nepal í fyrra. Síðan er stefnan
tekin á Suður-Ameríku í ár,“
útskýrir Freyr sem segir klúbbinn
aðallega vera vettvang fyrir fjalla-
mennsku. „Klúbburinn fer ekki
margar ferðir sem slíkur, þetta er
meira félag fyrir þá sem skipu-
leggja ferðir á eigin vegum. Hins
vegar fórum við í afmælisferð á
Skessuhorn í mars og höfðum þá
sama fararstjóra og í fyrstu ferð-
inni fyrir þrjátíu árum. Síðan
fórum við á Heklu ásamt hinni
óþreytandi fjallageit og stjórnar-
manni, Þorvaldi V. Þórssyni sem
fór síðasta spölinn í hundrað tinda
verkefni sínu.“
Fram undan er spennandi dag-
skrá að sögn Freys og má þar nefna
myndasýningar og fyrirlestra á
vegum klúbbfélaga og erlendra
fjallamanna, námskeið í ísklifri
fyrir byrjendur og lengra komna í
samvinnu við íslenska fjallaleið-
sögumenn og fjalla- og vetrarskíða-
námskeið, ásamt árlegu jólaklifri,
ísklifurhátíð og Telemark-
skíðahátíð.
Klúbburinn er í góðu samstarfi
við Klifurhúsið og er með aðstöðu
þar, en Klifurhúsið heldur nám-
skeið fyrir allan aldur, allan árs-
ins hring. Nýlega kom út ársrit
ÍSALP, en útgáfa þess hefur legið
niðri um hríð og því einstaklega
ánægjulegt að ritið liti dagsins
ljós á sjálfu afmælisárinu að sögn
Freys.
Nánari upplýsingar www.isalp.
is. Sjá einnig: www.klifurhusid.is.
Fjallaáhuginn úr
björgunarsveitinni
París er fallegust
á haustin
– og enn fallegri með þaulreyndum
íslenskum fararstjóra
WWW.UU.IS
Verð frá: 59.920,-
á mann á hótel Novotel Les Halles
í 3 nætur 23. og 30. nóv.
23. og 30.
nóvember
„Við förum í gönguferð um gömlu listamannahæðina Montmartre.
Stóra hvíta kirkjan, listamannatorgið Place de Tertres og litlu þröngu
göturnar eru staðir sem margir kannast við úr kvikmyndum.
Woody Allen hefur kvikmyndað í þessu hverfi og franska myndin
Amelie gerist öll á Montmartre.“
- Kristín Jónsdóttir, fararstjóri Úrvals - Útsýnar í París
ÚRVAL-ÚTSÝN ~ LÁGMÚLA 4 ~ 108 REYKJAVÍK ~ SÍMI 585 4000 ~ FAX 585 4065 ~ INFO@UU.IS
Ferðaskrifstofa
Innifalið:Flug, flugvallarskattar, íslensk fararstjórn oggisting með morgunverði.
Verð miðastvið aðbókað sé á netinu. Ef bókað er á skrifstofueða símleiðis
erbókunargjald2.500 kr. fyrir hvern farþega.
MasterCard
Mundu
ferðaávísunina!