Fréttablaðið - 03.11.2007, Side 74

Arsenal og Manchester
United mætast á hádegi í dag í
toppslag helgarinnar í ensku
úrvalsdeildinni. Liðin eru jöfn að
stigum fyrir leikinn en Arsenal á
einn leik til góða. Bæði liðin hafa
verið á mikilli siglingu undan-
farið og því má búast við hörku-
leik.
Arsenal hefur verið óstöðvandi
á leiktíðinni; hefur ekki tapað
einum einasta leik enn sem komið
er og er eina liðið í ensku úrvals-
deildinni sem hefur skorað í
öllum sínum leikjum í deildinni
til þessa. Arsenal hefur enn frem-
ur unnið alla sex heimaleiki sína í
deildinni, en liðið tapaði síðast á
Emirates-leikvanginum 7. apríl á
þessu ári.
Svipaða sögu er að segja af
Manchester United, sem hefur
aðeins tapað tveimur leikjum
samtals í öllum keppnum á tíma-
bilinu. United hefur haldið marki
sínu hreinu í sjö leikjum til þessa
í deildinni og fjórtán leikir eru
síðan liðið fékk á sig meira en eitt
mark í deildinni.
United hefur heldur ekki átt í
erfiðleikum með að finna mark
andstæðinga sinna og hefur nú
skorað fjögur mörk í hverjum af
síðustu fjórum leikjum sínum og
jafnað þar með 100 ára gamalt
met hjá félaginu.
Emmanuel Adebayor er marka-
hæsti leikmaður Arsenal í deild-
inni með sex mörk, en hann tjáði
blaðamönnum í gær að honum
hefði staðið til boða að fara til
United síðasta sumar.
„Ég var mjög upp með mér að
lið eins og Manchester United
vildi fá mig, en ég hugsaði með
sjálfum mér að ég væri nú þegar
hjá frábæru liði og þar við sat,“
sagði Adebayor í samtali við
götublaðið The Sun.
Wayne Rooney og Carlos Tevez
eru markahæstu leikmenn Unit-
ed í deildinni með fjögur mörk
hvor, en ef Ryan Giggs nær að
skora fyrir United verður það
hans hundraðasta mark í deild-
inni.
Arsenal verður sem fyrr án
Robins van Persie og Philippe
Senderos, sem eru frá vegna
meiðsla, og Eduardo da Silva er
tæpur fyrir leikinn vegna togn-
unar í nára.
United verður án Pauls Schol-
es, Mikaels Silvestre og Parks Ji-
Sung sem eru meiddir og ekki
væntanlegir aftur úr meiðslum á
næstunni. Gary Neville er hins
vegar kominn aftur eftir meiðsli,
sem og Louis Saha og Michael
Carrick. Þeir tveir síðastnefndu
eru í leikmannahópi United, en
Neville verður hvíldur að sinni.
Útsending frá leiknum hefst
kl. 12.25 í dag á Sýn 2.
Stöðvar United sigurgöngu Arsenal?
Helena Sverrisdóttir
skoraði 9 stig, tók 9 fráköst og gaf
3 stoðsendingar á 27 mínútum í
sínum fyrsta leik með TCU en
skólinn hennar vann þá 78-47
sigur á úrvalsliði í æfingaleik.
Helena byrjaði leikinn í stöðu
framherja og nýtti 3 af 9 skotum
sínnum, þar af 1 af 5 skotum fyrir
utan þriggja stiga línuna.
Lori Butler-Rayford var
stigahæst hjá TCU með 23 stig en
Helena kom næst ásamt aðal-
stjörnu liðsins undanfarin ár,
Adrianne Ross.
Helena með 9
stig í fyrsta leik
Ryan Giggs, fyrirliða
Manchester United, vantar nú
aðeins eitt mark til þess að verða
ellefti leikmaðurinn í sögunni til
þess að skora hundrað mörk fyrir
félagið.
Giggs hefur skorað 99 mörk í
514 leikjum frá því að hann lék
sinn fyrsta leik árið 1991. Bobby
Charlton á metið en hann skoraði
199 mörk í 606 leikjum fyrir
United frá 1956 til 1973. Charlton
hefur 26 marka forskot á Jack
Rowley, sem skoraði 173 mörk frá
1938 til 1955.
Á síðustu árum er það aðeins
Mark Hughes sem hefur bæst í
hópinn en hann skoraði 119 mörk
í 345 leikjum frá 1983 til 1995.
Giggs vonast eflaust til þess að
skora markið í toppslagnum gegn
Arsenal í dag.
Næsta mark er
númer hundrað
Frank Rijkaard, þjálfari
Barcelona, gagnrýndi sína menn
fyrir áhugaleysi í 1-1 jafntefli við
Valladolid í spænsku deildinni á
fimmtudagskvöldið.
„Við spiluðum ágætlega í fyrri
hálfleik en það var algjört
skipulagsleysi og engin liðsheild
hjá liðinu í þeim seinni. Við
verðum að fórna okkur meira
þegar við erum ekki með boltann,
leikmenn þurfa að leggja meira á
sig og vinna skítavinnuna fyrir
liðið,“ sagði Rijkaard en liðið
mætir Real Betis á sunnudaginn.
Eiður Smári Guðjohnsen kom inn
á sem varamaður tuttugu
mínútum fyrir leikslok.
Gagnrýndi sína
menn harðlega