Fréttablaðið - 08.11.2007, Side 2

Stefán Baldursson óperustjóri segir nýtt
óperuhús í Kópavogi breyta forsendum óperurekst-
urs á Íslandi og að öllum líkindum munu fjölga bæði
sýningum og söngvurum.
„Fyrstu viðræður milli Íslensku óperunnar og
Kópavogs fóru fram fyrir tveimur árum og höfum
við því verið með í ráðum. Ég sat í nefnd sem bjó til
keppnislýsinguna fyrir arkitektastofurnar og er
afar sáttur við hana. Með mér sátu þeir Sveinn
Einarsson, fyrrverandi þjóðleikhússtjóri, og
Steingrímur Hauksson, bæjarverkfræðingur
Kópavogs. Við lögðum fram þarfagreiningu og
forsögn að húsinu.“
Íslenska óperan þiggur styrk frá ríkinu og vonast
Stefán til þess að hann aukist.
„Þetta verða mikil viðbrigði fyrir Íslensku
óperuna. Húsið verður stórt og glæsilegt. Það
breytir forsendum óperureksturs á Íslandi. Hann
hefur reynst snúinn í sal sem stendur ekki undir
kvöldkostnaði, þótt það sé uppselt. Nú verður hægt
að ráðast í vandasamari verkefni.“
Hingað til hafa verið settar upp tvær til þrjár
óperur á ári, en fjöldi íslenskra söngvara starfar í
erlendum óperuhúsum víða um heim.
Bæjarstjóri Kópavogsbæjar, Gunnar I. Birgisson,
sagðist vonast til þess að ríkið kæmi að rekstrinum
og hann hefði nú þegar rætt við menntamálaráð-
herra.
„Við þurfum að athuga hver aðkoma ríkisins
verður,“ segir Þorgerður Katrín Gunnarsdóttir
menntamálaráðherra. „Við gengum nýlega frá
háum samningi við óperuna, þar sem hann var
verðlagsuppfærður og var það gert í tiltölulega
mikilli sátt. Við munum bíða eftir því að nýja húsið
rísi og athuga þá hverjar þarfir óperunnar verða.“
Þorgerður telur sjálfsagt að skoða aðkomu
ríkisins að byggingu óperuhússins.
„Við eigum eftir að fara yfir það, en við verðum
að sjá stóru myndina og sjá til þess að óperan hafi
gott húsnæði. Ég sé ástæðu til þess að við Gunnar
ræðum það áfram.“
Þá segist ráðherra sjá grundvöll fyrir þátttöku
einkaaðila í rekstri Íslensku óperunnar.
„Ég held að það sé alltaf grundvöllur fyrir
aðkomu þeirra. Þar sem einkaaðilar hafa komið að
félögum hafa þau styrkst mikið ef gætt er að
sjálfstæði þeirra.
Sýningar munu loks
standa undir sér
Óperustjóri er ánægður með hugmyndir um nýtt óperuhús í Kópavogi. Sýningar
Óperunnar standa ekki undir sér í dag vegna þess hve fá sæti eru í húsinu.
Menntamálaráðherra telur sjálfsagt að ríkið komi að byggingu nýs húss.
Fjórtán íbúar í 600
manna þorpi í suðurhluta Mexíkó
létust þegar aurskriða rann yfir
það á þriðjudag. Tólf er enn
saknað.
Nautgripir virðast hafa fundið
á sér yfirvofandi hættu og flúðu
ofar í fjallshlíðina skömmu áður
en aurskriðan féll, að sögn
innanríkisráðherra Mexíkó,
Francisco Ramirez Acuna. Það
varð mörgum þorpsbúa til
bjargar að þeir eltu nautgripina.
Íbúi í þorpinu San Juan
Grijalva sagðist hafa átt fótum
sínum fjör að launa ásamt móður
sinni, konu og börnum þegar
jörðin gaf sig undan þeim
jafnóðum meðan þau reyndu að
komast ofar í fjallshlíðina.
Aurskriða hreif
með sér þorp
Neðri deild rúss-
neska þingsins samþykkti í gær
einróma að Rússland segði sig
tímabundið frá
samningi um
takmörkun á
útbreiðslu
hefðbundinna
vopna í Evrópu.
Vladimír Pútín
forseti hafði
frumkvæði að
þessu til þess að
sýna andstöðu
sína við að Bandaríkin og önnur
NATO-ríki hafa ekki staðfest
endurskoðaða útgáfu samningsins.
Með þessu vill Pútín mótmæla
áformum Bandaríkjanna um að
setja upp eldflaugavarnir í
Póllandi og Tékklandi.
Segja upp
vopnasamningi
Íslensku friðargæslulið-
arnir fimmtán sem eru að
störfum á vegum Nató í Afgani-
stan verða ekki kallaðir heim.
Þetta sagði Ingibjörg Sólrún
Gísladóttir utanríkisráðherra á
Alþingi í gær.
Steingrímur J.
Sigfússon,
formaður Vinstri
grænna, spurði
ráðherrann hvort
ekki stæði til að
kalla friðargæslu-
liðana heim.
Benti hann á
versnandi gengi
hersveita Nató í
Afganistan og ný
lög um að friðargæsluliðar sinni
einungis borgaralegum störfum.
Ingibjörg sagði umrædda
starfsmenn borgaralega starfs-
menn. Hún nefndi einnig að til
stæði að senda fólk til starfa í
Mið-Austurlöndum.
Friðargæsluliðar
ekki sendir heim
Bjarki, kallast þetta ekki að
leika tveimur skjöldum?
Tyrknesk stjórnvöld
verða að bæta réttindi minnihluta-
hópa, breyta lögum sem takmarka
tjáningarfrelsi og halda áfram
öðrum umbótum ef þau ætla sér
að uppfylla skilyrðin fyrir aðild
að Evrópusambandinu.
Þetta segir í nýrri matsskýrslu
framkvæmdastjórnar ESB á
aðildarundirbúningi Tyrklands,
sem hóf aðildarviðræður við ESB
fyrir tveimur árum. Í skýrslunni
er ítrekað að Tyrkir verði að taka
upp eðlileg tengsl við ESB-
aðildarríkið Kýpur og virða
samning frá 2005 um að opna
tyrkneskar hafnir og flugvelli
fyrir viðskiptum frá Kýpur.
Tyrkir verða að
taka sig á
Fulltrúar Kennarasam-
bands Íslands hafna því að taka
þátt í að afgreiða væntanlegt
frumvarp um lög um framhalds-
skóla úr nefnd, enda sé engin sátt
um þau í veigamiklum atriðum.
Lagatextinn „er ekki afrakstur
eðlilegs og lýðræðislegs sam-
starfs“, segir í yfirlýsingu fulltrú-
anna, sem send var trúnaðarmönn-
um kennara í gær. Hann sé „fyrst
og fremst verk embættismanna
menntamálaráðherra“.
Kennarar finna frumvarpi Þor-
gerðar Katrínar Gunnarsdóttur
menntamálaráðherra fjölmargt til
foráttu. Þeir telja ýmsar tillögur í
því óraunhæfar og óskýrar. Til
dæmis tryggi það ekki gjaldfrjálsa
skólagöngu til átján ára aldurs.
Kostnaður nemenda vegna innrit-
unar, námsgagna og efniskaupa
verði áfram mikill.
Frumvarpið kveði heldur ekki á
um nauðsynlegan sveigjanleika í
námi og feli ekki í sér „þær
umbætur á námi og námskipan í
framhaldsskólum, réttarstöðu
nemenda og jafnrétti til náms sem
væntingar voru bundnar við“.
Frumvarpið verður tekið til
umræðu á fundi Félags framhalds-
skólakennara á morgun, föstudag.
Ekki náðist í Aðalheiði Stein-
grímsdóttur, formann félagsins, í
gærkvöldi.
Hafna framhaldsskólalögum
Íslendingur lést í
vinnuslysi á verkstæði í bænum
Övermo í Svíþjóð á mánudaginn.
Maðurinn var 51 árs gamall.
Ekki er ljóst hvernig lát
mannsins bar að samkvæmt
sænska fréttavefnum Dala-
demokraten. Talið er þó að
maðurinn hafi fengið högg á
hnakkann frá vél sem hann vann
við.
Íslendingur lést
í slysi í Svíþjóð
„Lokunum á rafmagni
vegna vanskila hefur fækkað og
það er sjáanlega mikill munur á
því. Líklega eru nú um 30 prósent
færri lokanir heldur en árið 2004,“
segir Sigurður Sigurðsson, deildar-
stjóri innheimtudeildar Orkuveitu
Reykjavíkur.
Heimsóknum starfsmanna inn-
heimtu Orkuveitunnar hefur að
sama skapi fækkað mikið frá árinu
2003 en það ár varð gríðarleg
aukning á heimsóknum.
Sigurður telur ástæðuna vera
sambland af betri þjóðarhag og
skilvísari innheimtu Orkuveit-
unnar. „Öll innheimta fer alfarið
fram hjá okkur. Það er aðeins
þegar fólk hættir viðskiptum við
orkuveituna að innheimta getur
farið til lögfræðings.“
Sigurður segir Orkuveituna hafa
fastmótaðan feril á lokunum „Frá
gjalddaga líða 15 dagar þar til 450
króna vanskilagjald fellur á skuld-
ina. Eftir 53 daga er send greiðslu-
áminning og hækkar skuldin þá
enn um 450 krónur.
Þegar 67 dagar er liðnir frá van-
skilum berst fólki lokunartilkynn-
ing og þegar 80 dagar eru liðnir er
lokað fyrir rafmagn og er því ekki
hleypt aftur á nema Orkuveitunni
berist full greiðsla.“
Sífellt færri lenda í vanskilum