Fréttablaðið - 22.11.2007, Qupperneq 16

16 22. nóvember 2007 FIMMTUDAGUR
HÖNNUN „Þessi glerhjúpur sem umlykur húsið er ekki arkitektúr heldur
listaverk,“ segir Þórhallur Vilhjálmsson, markaðs- og kynningarstjóri
Eignarhaldsfélagsisns Portus hf. sem reisir tónlistar- og ráðstefnuhús
við Reykjavíkurhöfn.
Hönnun á glerhjúpi Ólafs Elíassonar listamanns er lokið. Áætlað er
að hann muni kosti tvo milljarða króna. Að sögn Þórhalls er það í
samræmi við upphaflegar áætlanir og inn í þeim fjórtán milljörðum
króna sem húsið allt kostar.
Eins og kom fram í Fréttablaðinu í gær verður stór hluti hússins
klæddur mislitum stuðlaglerskubbum. Þeir verða úr stáli og einangr-
unargleri. Ríflega 830 glerstuðlar fara í suðurhliðina eina þar sem
stuðlarnir verða allsráðandi.
„Það er mjög óvenjulegt að arkitektúr sé í raun pakkað inn í lista-
verk,“ bendir Þórhallur á. „Kannski verður engin önnur bygging sem
fyrir okkar kynslóð mun jafnast á við þessa í arkitektúr í Reykjavík.“
Á heimasíðu Eignarhaldsfélagsins Portus segir að hönnun hússins
mótist af áhrifum frá „stórbrotinni og yfirbragðsmikilli náttúru
Íslands sem er endalaus uppspretta lita, allt frá gullrauðum til
himinblámans, með litbrigðum sem geta breyst úr hvítfyssandi öldum í
glansandi spegilsléttan sjó“.
Byggingin er sögð munu endurspegla breytingar í himinblámanum,
bæði hvað varðar þéttleika og litbrigði, eftir veðri, árstíma og
mismunandi tímum sólarhringsins. Sólskinið muni auka á áhrif
minnstu einkenna í ljósi og skuggum. „Byggingin mun endurspegla
glóandi hraunbreiður þegar hún lýsir gullrauðum loga en jökla þegar
hún verður ísblá.“
Hafist verður handa við glerhjúpinn um mitt næsta ár. Áætlað er að
tónlistar- og ráðstefnuhúsið verði tekið í notkun eftir tvö ár.
gar@frettabladid.is
Glerhjúpur á
tvo milljarða
Endanlegt útlit er komið á Tónlistar- og ráðstefnu-
húsið í Reykjavíkurhöfn. Glerhjúpur listamannsins
Ólafs Elíassonar mun kosta tvo milljarða króna.
TÓNLISTARHÚSIÐ Ljóst er að nýja byggingin verður
gríðarsterkt kennileiti í höfuðborg Íslands.
MYND/EIGNARHALDSFÉALGIÐ PORTUS
ÆVINTÝRAHEIMUR Það verður engu líkt að dvelja innandyra í nýju tónlistar- og
ráðstefnuhöllinni. MYND/EIGNARHALDSFÉALGIÐ PORTUS
ÓLAFUR
ELÍASSON
AÐALSALURINN Veggir stóra tónleikasalarins verða klæddir rauðlökkuðum
viði svo stemningin mun minna á glóandi hraunhelli.
ÞÓRHALLUR
VIHJÁLMSSON