Fréttablaðið - 04.12.2007, Blaðsíða 6

6 4. desember 2007 ÞRIÐJUDAGUR
HUGSAÐU VEL UM HÚÐINA
ÞÚ FÆRÐ DECUBAL
Í NÆSTA APÓTEKI
ÚTLENDINGAR Lögreglan á höfuð-
borgarsvæðinu rannsakar allar
vísbendingar og ábendingar um
svonefnd málamyndahjónabönd,
þar sem fólk gengur í hjúskap til
þess að afla einstaklingi dvalar-
leyfis.
Ábendingum frá almenningi
hefur fjölgað mikið undanfarið og
tveimur hefur verið synjað um
dvalarleyfi vegna gruns um að
ekki sé um raunverulegt hjóna-
band að ræða.
„Við rannsökum allar vísbend-
ingar og ábendingar um svona mál
en útlendingalög setja okkur
þröngar skorður og krefjast
þungrar sönnunarbyrði. Niður-
stöður rannsókna hafa þó leitt til
þess að fólk fær ekki dvalarleyfi
frá Útlendingastofnun,“ segir
Þórður Eric Ericson, rannsóknar-
lögreglumaður hjá útlendinga-
deild lögreglunnar á höfuðborgar-
svæðinu.
Þórður staðfestir að fyrir komi
að Íslendingar giftist útlendingum
fyrir peninga en hann segir afar
erfitt að rannsaka slík mál.
„Það þarf mun meira til en
almannaróm og við þurfum að
leita að sönnun í löndum sem eru
jafnvel ekki með mótaða þjóð-
skrá.“
Í 13. grein laga um útlendinga
segir að rökstuddan grun þurfi til
að synja fólki um dvalarleyfi eða
kæra það.
„Sönnunarbyrðin er svo ofboðs-
leg að við leggjum ekki í kostnað-
inn. Það þyrfti víðtækari rannsókn
til þess að sanna svona mál.“
Þórður segir mismunandi
hverjir tilkynni um hjónaböndin
en grunsemdir hafi til dæmis
vaknað af því að hjónin búa ekki
saman. Þá vísi Útlendingastofnun
málum til lögreglu ef grunur leiki
á að ekki sé allt með felldu. Hann
segir lögregluna skoða allar slíkar
ábendingar enda geti hugsanlega
verið um mansal að ræða.
Það varðar sektum eða fangelsi
allt að tveimur árum að afla dvalar-
leyfis á grundvelli hjúskapar og
engu skiptir hvort það er gert af
ásetningi eða stórfelldu gáleysi.
Þórður segir lítinn mun vera á
fjölda karla og kvenna í þessum
efnum, en konur sem sæki um
dvalarleyfi með þessum hætti séu
þó ívið fleiri.
Fram hefur komið að meirihluti
útlendinga sem fá svonefnt maka-
leyfi komi frá löndum utan EES.
„Fólki utan EES hefur verið gert
erfiðara fyrir að koma til landsins.
Það hættir samt ekki við að koma
hingað svo það leitar annarra
leiða. “ eva@frettabladid.is
Málamyndahjóna-
bönd rannsökuð
Útlendingadeild lögreglunnar á höfuðborgarsvæðinu rannsakar allar ábend ingar
um svonefnd málamyndahjónabönd, enda getur verið um mansal að ræða. Afar
erfitt reynist að rannsaka mál Íslendinga sem hagnast á slíkum hjónaböndum.
18
0
33
1
41
6
29
6
53
9
47
7
52
2
51
6
ÚTGEFIN DVALARLEYFI
MILLI ÁRA FYRIR MAKA
ÍSLENSKRA RÍKISBORGARA
Heildarfjöldi
Ríkisborgarar
utan EES
2004 2005 2006 2007
LÖG UM ÚTLENDINGA
13. grein Dvalarleyfi fyrir
aðstandendur
„Nú er rökstuddur grunur um
að til hjúskapar hafi verið stofn-
að í þeim tilgangi einum að afla
dvalarleyfis, og ekki er sýnt
fram á annað með óyggjandi
hætti, og veitir hann þá ekki rétt
til dvalarleyfis.“
57. grein Refsiákvæði
„Það varðar sektum eða fang-
elsi allt að tveimur árum ef
maður af ásetningi eða stórfelldu
gáleysi aflar eða reynir að afla
dvalarleyfis á grundvelli hjú-
skapar.“
PERSÓNUVERND Notkun fingrafara-
lesara í mötuneytum Setbergs-
skóla og Víðistaðaskóla í Hafnar-
firði er lögleg. Persónuvernd
sendi skólastjórum beggja skól-
anna úrskurð sinn síðasta fimmtu-
dag, eftir að nokkrir foreldrar
höfðu kvartað yfir notkun fingra-
faralesaranna.
Fréttablaðið sagði fyrst frá
notkun fingrafaralesara í stað
matarkorta í mötuneytum skól-
anna í lok ágúst. Þar kom fram að
notkun svipaðra fingrafaralesara
í mötuneytum sænskra grunn-
skóla hefði verið úrskurðuð brot á
persónuverndarlögum. Þá lá ekki
fyrir hvort notkunin á Íslandi sam-
rýmdist íslenskum lögum um per-
sónuvernd.
Eftir að fréttin birtist höfðu
nokkrir foreldrar samband við
Persónuvernd og lögðu fram form-
lega kvörtun. Persónuvernd hefur
nú úrskurðað í málinu og er niður-
staðan sú að valkvæð notkun
fingrafaralesara í mötuneytum
brjóti ekki í bága við persónu-
verndarlög.
„Við höldum okkar striki en
reynum að gæta mjög vel að því
að ekki sé skannaður fingur á
neinum nema til þess hafi komið
samþykki,“ segir Guðríður Óskars-
dóttir, skólastjóri Setbergsskóla.
„Við teljum þetta þægilegt að
ákveðnu leyti og mikið hagræði.“
- sþs
Úrskurður Persónuverndar um notkun fingrafaralesara í mötuneytum grunnskóla:
Mega skanna fingur barna
MÖTUNEYTI Sláturfélag Suðurlands rekur mötuneytin tvö sem um ræðir, auk fleiri
skóla um landið. Stefnt er að því að hafa fingrafaralesara í öllum mötuneytum sem
fyrirtækið rekur. Myndin tengist ekki efni fréttarinnar. FRÉTTABLAÐIÐ/PJETUR
VENESÚELA, AP Hugo Chavez, forseti
Venesúela, beið á sunnudag sinn
fyrsta kosningaósigur þegar meiri-
hluti venesúelsku þjóðarinnar kaus
gegn stjórnarskrárbreytingum sem
miðuðu meðal annars að því að auka
völd hans umtalsvert. Mjótt var á
mununum þar sem 51 prósent
þjóðar innar kaus gegn breytingun-
um en 49 með.
Þegar úrslitin urðu kunn skömmu
eftir miðnætti aðfaranótt mánu-
dags brutust út mikil fagnaðarlæti
meðal stjórnarandstæðinga. Margir
felldu tár og aðrir sungu: „Og nú er
hann á útleið!“
Chavez sagðist í gær hugsanlega
hafa verið of djarfur að biðja kjós-
endur um að samþykkja afnám allra
takmarkana á því hve oft hann gæti
boðið sig fram til forseta. Sagði
úrslitin hafa kennt sér að „lýðræði í
Venesúela er að þroskast“.
Chavez ítrekaði að virðing sín
fyrir úrslitunum sannaði að hann
væri sannur lýðræðissinni og kall-
aði hann eftir því að endir yrði
bundinn á átök á götum sem kom til
nokkrum sinnum í aðdraganda
kosninganna. „Það er engin einræðis-
stjórn hér,“ sagði forsetinn.
Í forsetakosningunum fyrir ári
fékk Chavez 63 prósenta atkvæða
þegar hann bauð sig fram til seinna
kjörtímabils. Sagði hann lélega
kjörsókn meðal stuðningsmanna
sinna skýra tapið nú. Kjörsókn á
sunnudag var 56 prósent en var 70
prósent fyrir ári. - sdg
Venesúelamenn höfnuðu stjórnarskrárbreytingum um aukin völd forsetans:
Fyrsti kosningaósigur Chavez
MÚLBUNDINN FORSETI Hugo Chavez
virðist múlbundinn á þessu veggspjaldi
stjórnarandstæðinga þar sem málað
hefur verið yfir munn hans.
FRÉTTABLAÐIÐ/AP
FATLAÐIR Kennaraháskóli Íslands
fékk í gær Múrbrjótinn, viður-
kenningu Landssamtakanna
Þroskahjálpar.
Ólafur Proppé, rektor Kennara-
háskólans, tók við viðurkenning-
unni fyrir hönd skólans. Friðrik
Sigurðsson, framkvæmdastjóri
Þroskahjálpar, segir að ástæðan
sé svokallað starfstengt diplóma-
nám sem skólinn býður þroska-
heftum.
„Þetta er nánast einsdæmi í
heiminum. Það eru ekki margar
háskólastofnanir sem hafa með
þessum hætti opnað dyr sínar og
boðið þessum hópi til náms,“
segir Friðrik. - ghs
Landssamtökin Þroskahjálp:
KHÍ fékk
Múrbrjótinn
Fylgdist þú með keppninni um
Ungfrú heim?
Já 9%
Nei 91%
SPURNING DAGSINS Í DAG:
Ert þú skráð(ur) á Facebook
eða MySpace?
Segðu skoðun þína á vísir.is
KJÖRKASSINN