Fréttablaðið - 04.12.2007, Blaðsíða 11

ÞRIÐJUDAGUR 4. desember 2007 11
DÓMSMÁL Kona hefur verið dæmd
í Héraðsdómi Reykjaness í 30
daga skilorðsbundið fangelsi og
til greiðslu ríflega 132 þúsund
króna fyrir að skalla aðra konu á
skemmtistað í Reykjanessbæ.
Fórnarlambið nefbrotnaði í
árásinni, sem átti sér stað á
nýársnótt.
Konan sem varð fyrir árásinni
var stödd inni á salerni skemmti-
staðarins þegar árásin átti sér
stað. Hafði hún rekið á eftir
árásarkonunni sem hafði verið
lengi inni á klósettbás.
Árásarkonan neitaði sök fyrir
dómi. Dómurinn taldi sannað út
frá framburði fórnarlambsins og
vitna að líkamsárásin hefði átt
sér stað. - jss
Kona dæmd í héraðsdómi:
Skallaði konu á
skemmtistað
UMFERÐ Evrópusambandið vill
koma á fót samevrópsku neyðar-
númeri og koma fyrir sjálfvirk-
um búnaði í öll ný farartæki frá 1.
september 2010.
Persónuvernd segir um að
ræða búnað sem fari sjálfkrafa í
gang við umferðarslys eða fyrir
tilstilli ökumanns eða farþega og
tengi viðkomandi við svarstöð og
gefi uppplýsingar um staðsetn-
ingu og fleira. Kerfið verði
annaðhvort skylda eða frjálst val:
„Ef þessi leið verður farin væri
það ólögmætt af hálfu trygginga-
félaga, bílaleigna og fyrirtækja
með bíla fyrir starfsmenn, að
beita aðila þrýstingi til þess að
hafa búnaðinn virkan.“ - gar
Nýtt öryggiskerfi fyrir bíla:
Samevrópskt
neyðarnúmer
Á MIKLUBRAUT Neyðarsímkerfi fyrir bíla
er á teikniborðinu.
DÓMSMÁL Rúmlega þrítugur
maður hefur verið dæmdur í
átján mánaða fangelsi í Hæsta-
rétti fyrir hrottafengna árás á
þáverandi unnustu sína.
Maðurinn var undir áhrifum
áfengis og örvandi efna þegar
hann réðst á konuna á heimili
móður hennar. Hann sló hana í
andlitið, reif í hár hennar, skellti
höfði hennar við gólfið, tók hana
kverkataki og vafði sæng um
höfuð hennar svo hún átti erfitt
með andardrátt.
Maðurinn var jafnframt
dæmdur til að greiða konunni
1.200.000 krónur í skaðabætur, og
var upphæðin hækkuð um
helming frá dómi héraðsdóms. - sh
Fangelsi fyrir árás á unnustu:
Reyndi að kæfa
konu með sæng
BALÍ, AP Fulltrúar frá nærri 190 löndum eru
nú saman komnir á loftslagsráðstefnu
Sameinuðu þjóðanna á indónesísku orlofs-
eynni Balí til að ræða næstu tvær vikurnar
um næstu skref í baráttunni gegn loftslags-
breytingum, einkum og sér í lagi búa í
haginn fyrir bindandi alþjóðlegt samkomu-
lag sem tekið geti við af Kyoto-bókuninni
þegar hún rennur út árið 2012.
Eitt af höfuðmarkmiðum ráðstefnunnar er
að búa þannig um hnúta að Bandaríkin
fallist á að skerast ekki lengur úr leik í hinni
hnattrænu baráttu gegn afleiðingum
hlýnandi loftslags og gerist aðili að arftaka-
samkomulagi Kyoto-bókunarinnar um
aðgerðir til að draga úr losun gróðurhúsa-
lofttegunda út í andrúmsloftið.
Fulltrúar Bandaríkjastjórnar hafa lýst því
yfir að þeir ætli sér ekki að vera „hindrun“ í
vegi fyrir nýju alþjóðasamkomulagi, en
Bandaríkjastjórn er eftir sem áður andsnúin
ýmsum þeim aðgerðum sem flest önnur ríki
styðja, svo sem að ríku þjóðunum séu sett
bindandi markmið um minni losun. For-
svarsmenn ráðstefnunnar skoruðu á fulltrúa
ríkja heims að tvínóna ekki í baráttunni
gegn loftslagsbreytingunum. „Augu heims-
ins hvíla á ykkur,“ sagði Yvo de Boer,
framkvæmdastjóri ráðstefnunnar, í gær.
„Heimsbyggðin væntir nú stórs stökks fram
á við.“ - aa
ÞRÝSTIHÓPAR FJÖLMENNA Hér brýna fulltrúar grænfrið-
unga ráðstefnufulltrúa á Balí að „sjóða ekki“ loftslagið.
FRÉTTABLAÐIÐ/AP
Fulltrúar um 190 þjóða mættir á loftslagsráðstefnu Sameinuðu þjóðanna á Balí:
Kallað eftir stóru framfaraskrefi
SVEITARSTJÓRNIR Bæjarstjórn
Mosfellsbæjar hyggst halda
óbreyttu útsvari á næsta ári,
12,94 prósent. „Er Mosfellsbær
eitt fárra sveitarfélaga sem ekki
fullnýtir hámarksprósentuna,“
segir í tilkynningu sem bærinn
sendi frá sér í tilefni af fjárhags-
áætlun næsta árs. Hámarkspró-
senta útsvars er 13,03.
Heildartekjur Mosfellsbæjar
eru áætlaðar 4.065 milljónir
króna og gjöldin 3.798 milljónir.
Meðal nýjunga eru heimagreiðsl-
ur til foreldra eins til tveggja ára
barna. Verja á 775 milljónum til
uppbyggingu skólamannvirkja,
meðal annars framhaldsskóla. - gar
Fjárhagsáætlun í Mosfellsbæ:
Hækka útsvarið
ekki upp í topp