Fréttablaðið - 04.12.2007, Blaðsíða 53

ÞRIÐJUDAGUR 4. desember 2007
Bergur Thorberg opnaði um helg-
ina sýningu á kaffiverkum sínum
í Gallery Art Iceland á Skóla-
vörðustíg 1a. Sýninguna nefnir
Bergur „Biðhetjur-Biðenglar“.
Eins og nafn sýningarinnar
gefur til kynna er viðfangsefni
Bergs biðin. Í myndunum veltir
hann fyrir sér hverju við bíðum
eftir og hvernig við verjum bið-
tíma okkar. Biðstaðan felur óhjá-
kvæmilega í sér hugmyndina um
framtíð, ljósa eða óljósa, og gerir
Bergur sér mat úr þeirri kyrr-
setu sem í biðinni er fólgin.
Bergur hefur haldið fjölda
einkasýninga og tekið þátt í sam-
sýningum á Íslandi og víðs vegar
í Evrópu og Ameríku. Hann notar
kaffi í verkum sínum og vinnu-
ferlið er sérstakt að því leyti að
verkin eru unnin á hvolfi og án
þess að listamaðurinn snerti
beint flötinn sem þau eru unnin á.
Þetta óvenjulega verklag leiðir
til verka sem eru vel þess virði
að kynna sér nánar. - vþ
Eftir hverju er beðið?
Samtökin IBBY á Íslandi voru
stofnuð fyrir 22 árum og hafa á
þessum tíma unnið markvisst að
því að efla barnabókmenntir og
aðra barnamenningu. Meðal ann-
ars gefa samtökin tvisvar á ári út
tímaritið Börn og menning sem
fjallar um barnamenningu út frá
margvíslegum sjónarhornum.
Nýverið kom út hausthefti 22.
árgangs þessa áhugaverða tíma-
rits.
Efni blaðsins er fjölbreytt að
vanda. Í tilefni 100 ára fæðingar-
afmælis Astridar Lindgren nú í
nóvember skrifa Katrín Jakobs-
dóttir, Erna Erlingsdóttir og Guð-
rún Lára Pétursdóttir greinar um
bækur höfundarins auk þess sem
Sigþrúður Gunnarsdóttir segir frá
pílagrímsferð sinni á heimaslóðir
Astridar. Í haust eru liðin 150 ár
frá fæðingu rithöfundarins og
prestsins Jóns Sveins sonar,
Nonna, og minnist Björn Bjarna-
son þess víðförla og merkilega
manns. Á meðal annarra höfunda
sem fjalla um barnabækur og
barnaleikhús í blaðinu eru Bryn-
hildur Björnsdóttir, Hermann
Stefánsson, Ingólfur Gíslason,
Þorgerður Jörundsdóttur og Æsa
Guðrún Bjarnadóttir. Þá má í blað-
inu finna viðtal við höfundinn og
þýðandann Rúnar Helga Vignis-
son og Stefán Pálsson skrifar pistil
um tombólur fyrr og nú, en vin-
sældir slíkra hlutaveltna virðast
síður en svo fara dalandi í vin-
sældum á meðal íslenskra barna.
- vþ
Nonni, Lindgren
og börnin
ÖRN ÁRNASON
Flytur revíutónlist í
Iðnó ásamt Soffíu
Karlsdóttur.
Í tilefni af 110 ára afmæli Iðnó
hafa þau Soffía Karlsdóttir
söngkona og Örn Árnason leikari
sett saman dagskrá þar sem þau
rifja upp
nokkur revíu-
lög, bæði þekkt
og óþekkt.
Söngvarnir sem
fluttir eru á
sýningunni eru
frá árunum
1902-1950.
Nokkur þessara
laga hafa ekki
verið flutt síðan
þau voru
frumflutt og
eru mörg þeirra
hreinar gersemar.
Margar revíur voru sýndar við
miklar vinsældir á árunum 1930-
50 eins og hefur tónlistin úr þeim
lifað áfram með þjóðinni.
Sýningin í Iðnó ætti því að vera
flestum kærkomið tækifæri til að
upplifa sönglist fyrri ára og ylja
sér við minningarnar í svartasta
skammdeginu. Næsta sýning er á
föstudaginn kemur og hefst kl.
20. Miðaverð er 2.900 kr., en
innifalið í því er glæsilegt
smurbrauð að dönskum sið. - vþ
Revíulög í
Iðnó
BIÐSTAÐA Eitt af verkum Bergs.
Sýning á
teikningum
japanskra og
akureyrskra
barna verður
opnuð í dag í
Ketilhúsinu á
Akureyri.
Viðfangsefni
teikninganna
er „friður“,
en það verður
að teljast
sérlega
viðeigandi í
jólamánuðin-
um.
Sýningin
var upphaflega sett upp í
Borgarbókasafninu í Reykjavík í
tilefni þess að friðarsúla Yoko
Ono var tendruð á afmælisdegi
Johns Lennon 9. október síðastlið-
inn. Á sýningunni í Reykjavík
mátti sjá teikningar reykvískra
barna úr þremur leikskólum og
einum grunnskóla við hlið
teikninga barna frá japönsku
borginni Chiryu, en nú hafa
myndir eftir nemendur Lundar-
skóla og Hlíðarskóla á Akureyri
tekið stað reykvísku myndanna.
- vþ
Friður í
Ketilhúsinu
FRIÐARSÚLA YOKO
ONO Í VIÐEY Tákn um
frið.
BÖRN OG MENNING Haustheftið er
komið út.
ASTRID LINDGREN Fjallað er um verk
hennar í tímaritinu Börn og menning.
www.ferdamalastofa. is
Lækjargata 3 | 101 Reykjavík | Sími 535 5500 | Fax 535 5501 I Netfang: upplysingar@icetourist.is
Strandgata 29 | 600 Akureyri | Sími 464 9990 | Fax 464 9991 I Netfang: upplysingar@icetourist.is
Styrkir til úrbóta
á ferðamannastöðum
Eitt helsta aðdráttarafl Íslands í hugum ferðamanna, innlendra sem erlendra, er íslensk náttúra. Stefna
íslenskra stjórnvalda er að ferðaþjónustan í landinu starfi sem mest eftir hugmyndafræði um sjálfbæra
ferðaþjónustu. Liður í því er markviss uppbygging og fyrirbyggjandi aðgerðir til verndar íslenskri náttúru.
HVERJIR GETA SÓTT UM:
Öllum sem hagsmuna eiga að gæta er frjálst að sækja um styrk að uppfylltum ofangreindum skilyrðum. Við
úthlutun verður m.a. tekið mið af ástandi og álagi svæða, og mikilvægi aðgerðanna vegna náttúruverndar. Einnig
verður tekið tillit til þess hvort viðkomandi verkefni nýtur þegar fjárstuðnings opinberra aðila. Ekki verður sérstak-
lega litið til dreifingar verkefna eftir landshlutum.
UMSÓKNARFRESTUR:
Umsóknafrestur er til 28. janúar 2008
MEÐFYLGJANDI GÖGN:
Með öllum umsóknum skal skila inn gögnum er sýna fram á mikilvægi framkvæmdarinnar sem og skriflegt
samþykki hlutaðeigandi aðila s.s. landeigenda, sveitafélags, og umhverfisyfirvalda ef með þarf.
HVAR BER AÐ SÆKJA UM:
Umsóknir berist á rafrænu umsóknareyðublaði sem finna má á heimasíðu Ferðamálastofu www.ferdamalastofa.is
Einnig er hægt að skila inn skriflegum umsóknum á eyðublöðum sem fást á skrifstofu Ferðamálastofu, Strandgötu
29, 600 Akureyri.
Upplýsingar veitir umhverfisfulltrúi í síma 464-9990 eða með vefpósti valur@icetourist.is
Ferðamálastofa starfar samkvæmt lögum frá 1. janúar 2006 Verkefni Ferðamálastofu eru einkum:
1. Útgáfa leyfa, skráning á starfsemi og eftirlit með að skilyrðum fyrir þeim sé fullnægt. 2. Þróunar-, gæða- og
skipulagsmál ferðaþjónustu, þ.e. framkvæmd markaðrar ferðamálastefnu, samræming umhverfis- og
fræðslumála, miðlun upplýsinga, svæðisbundin þróun og alþjóðlegt samstarf. 3. Markaðs- og kynningarmál
ferðaþjónustu, í samræmi við ákvörðun ráðherra hverju sinni. Ferðamálastofa starfrækir fimm skrifstofur í fjórum
löndum, Reykjavík, Akureyri, Kaupmannahöfn, Frankfurt og New York.
Ferðamálastofa auglýsir styrki til úrbóta í umhverfismálum fyrir árið 2008, sérstök áhersla verður lögð á
verkefni sem stuðla að bættu aðgengi fyrir alla að áningastöðum. Úthlutað verður um 50 milljónum og
skiptist upphæðin í þrjá meginflokka:
1. TIL MINNI VERKEFNA:
Úthlutað verður til minni verkefna í umhverfismálum. Aðallega verða veittir styrkir til efniskaupa. Hámarks-
upphæð hvers styrks verður 500 þúsund krónur. Til ráðstöfunar eru um 10 milljónir króna.
2. TIL STÆRRI VERKEFNA Á FJÖLSÓTTUM FERÐAMANNASTÖÐUM:
Veittir verða styrkir til stærri verkefna þar sem umsækjendur stýra framkvæmdum og svæðin verða í umsjón eða
eigu styrkþega eftir að framkvæmdum lýkur. Þegar til úthlutunar kemur verður stuðst við eftirfarandi
vinnu-reglur:
a) Um er að ræða svæði eða staði sem verulegur fjöldi ferðamanna sækir heim.
b) Megin áhersla verður lögð á að styrkja svæði þar sem fullnaðarhönnun og framkvæmdaleifi
liggur fyrir, þó getur hluti af styrkupphæð farið til vinnu á deiliskipulagi.
c) Hluti af styrkupphæð Ferðamálastofu getur farið til verkhönnunar á
viðkomandi svæði, þó aldrei meira en sem nemur 25% af styrkupphæð.
d) Ferðamálastofa áskilur sér rétt til að fara yfir hönnun á viðkomandi svæði
ásamt þeim forsendum sem þar liggja að baki.
e) Styrkþegi er ábyrgur fyrir eðlilegu viðhaldi svæðis og mannvirkja er tengjast
viðkomandi framkvæmdum.
f) Standi styrkþegi ekki við ákvæði (d) getur ekki orðið af frekari
styrkveitingum til viðkomandi fyrr en að því ákvæði uppfylltu.
g) Engu fé verður veitt til styrkþega fyrr en að undangengnum skriflegum
samningi milli Ferðamálastofu og styrkþega.
3. TIL UPPBYGGINGAR Á NÝJUM SVÆÐUM:
Veittir verða styrkir til uppbyggingar á nýjum svæðum sem skipulögð hafa verið þannig að ferðamönnum nýtist
viðkomandi svæði. Þegar til úthlutunar kemur verður stuðst við eftirfarandi vinnureglur:
a) Styrkupphæð getur aldrei orðir hærri en sem nemur 75% af
framkvæmdakostnaði.
b) Megin áhersla verður lögð á að styrkja svæði þar sem samþykkt deiliskipulag liggur fyrir,
þó getur hluti af styrkupphæð farið til vinnu á deiliskipulagi.
c) Hluti af styrkupphæð Ferðamálastofu getur farið til verkhönnunar á
viðkomandi svæði, þó aldrei meira en sem nemur 25% af styrkupphæð.
d) Ferðamálastofa áskilur sér rétt til að fara yfir hönnun á viðkomandi svæði
ásamt þeim forsendum sem þar liggja að baki.
e) Styrkþegi er ábyrgur fyrir eðlilegu viðhaldi svæðis og mannvirkja er
tengjast viðkomandi framkvæmdum.
f) Standi styrkþegi ekki við ákvæði (e) getur ekki orðið af frekari
styrkveitingum til viðkomandi fyrr en að því ákvæði uppfylltu.
g) Engu fé verður veitt til styrkþega fyrr en að undangengnum skriflegum
samning milli Ferðamálastofu og styrkþega.