Fréttablaðið - 21.12.2007, Qupperneq 6

6 21. desember 2007 FÖSTUDAGUR
SAMKEPPNI „Ég er eindregið þeirrar
skoðunar að forsendur Samkeppn-
iseftirlitsins fyrir úrskurði sínum
séu rangar,“ segir Ingimundur Sig-
urpálsson, sem var forstjóri Eim-
skipafélags Íslands þegar það
braut gróflega gegn samkeppnis-
lögum á árunum 2001 til 2002.
Samkeppniseftirlitið (SE) hefur
gert Eimskipi að greiða 310 millj-
óna sekt fyrir brotin.
SE fullyrðir í ákvörðun sinni að
markvissar aðgerðir Eimskips á
þessum tíma hafi miðað að því að
bola Samskipum út af markaðnum.
Ingimundur furðar sig á slíkum
fullyrðingum. „Þetta er bara hrein-
lega rangt. Ég hef aldrei tekið þátt
í umræðu um að það ætti að bola
Samskipum út af markaði enda
finnst mér það bara liggja í augum
uppi að Eimskip hefði aldrei getað
verið eitt á markaði hér. Þetta var
aldrei inni í umræðunni.“
Ingimundur segist ekki sjá
ástæðu til að hann segi af sér sem
formaður Samtaka atvinnulífsins,
starfinu sem hann gegnir nú,
vegna úrskurðar SE.
Í tölvupóstum ræddu yfirmenn
Eimskipa um það sem kallað var
„árás“ og „markaðsatlaga“ að Sam-
skipum og í minnisblaði sem meðal
annars var lagt fyrir Ingimund, er
nefnt að setja skuli Samskip „á
hælana með því að herja á þeirra
viðskiptamenn úr mörgum
áttum“.
„Þetta er tungutakið sem tíðkast
þegar menn eru í samkeppni,“
segir Ingimundur. „Þetta þekkist
til dæmis úr íþróttunum. Menn
nota oft svona orðalag þegar verið
er að peppa sig upp í keppni en það
þýðir ekki að
menn ætli að
ganga milli bols
og höfuðs á hlut-
aðeigandi. Það
var aldrei rætt.“
Eimskip var
meðal annars
fundið sekt um að
hafa gert fjölda
einkakaupsamn-
inga við við-
skiptavini, sem
skuldbundu þá til
að skipta eingöngu við Eimskip.
Það er ólöglegt ef fyrirtæki er ráð-
andi á markaði. Deilt var um hvort
Eimskip hefði á þessum tíma verið
ráðandi á sjóflutningamarkaði.
„Samkeppniseftirlitið byggir
allt sitt á þeirri staðhæfingu að við
höfum haft markaðsráðandi stöðu.
Því er ég ósammála,“ segir Ingi-
mundur. „Við fórum yfir þetta með
sérfræðingum á sínum tíma og
komumst að hinu gagnstæða.“
Ingimundur, sem í dag er for-
stjóri Íslandspósts og formaður
Samtaka atvinnulífsins, hefur ekk-
ert komið að málinu síðan hann lét
af starfi forstjóra Eimskipafélags-
ins í lok árs 2003. Hann hefur
hvorki verið kallaður til af SE né
Eimskipi, og á ekki von á því nema
málið endi fyrir dómstólum.
En Ingimundur hleypst ekki
undan ábyrgð. „Ég bar að sjálf-
sögðu ábyrgð á starfsemi fyrir-
tækisins á þessum tíma, það er
ekki spurning, en þetta snýst ekki
um það á þessu stigi heldur hvort
Samkeppniseftirlitið hefur rétt
fyrir sér eða ekki.“
stigur@frettabladid.is
Aldrei rætt um að
knésetja Samskip
Fyrrverandi forstjóri Eimskips hafnar því að reynt hafi verið að bola Samskipum
út af markaði á árunum 2001 til 2002 líkt og Samkeppniseftirlitið fullyrðir. Um-
mæli undirmanna sinna um „árásir“ segir hann orðalag sem tíðkast í samkeppni.
DETTIFOSS Ingimundur segir Eimskipafélagið hafa fengið álit sérfræðinga þess efnis
að félagið væri ekki ráðandi á sjóflutningamarkaði. Markaðsráðandi staða gerir
einkakaupsamninga ólöglega. FRÉTTABLAÐIÐ / GVA
INGIMUNDUR
SIGURPÁLSSON
Vandinn er
RÚSSLAND, AP Leiðtogar Rúss-
lands, Kasakstans og Túrkmenist-
ans gerðu í gær með sér samning
um að leggja gasleiðslu meðfram
strönd Kaspíahafs.
Rússar hafa þar með tryggt að
þeir verði áfram einráðir um
flutning á gasi frá ríkjunum við
Kaspíahaf.
Með samningnum dvína vonir
Bandaríkjanna og Evrópusam-
bandsins um að lögð verði
gasleiðsla beint frá ríkjunum við
Kaspíahaf án þess að leiðslan
lægi um Rússland.
Nýja leiðslan verður tilbúin
árið 2010 og á að geta flutt
tuttugu milljarða rúmmetra á ári
til að byrja með. - gb
Gasleiðsla frá Kaspíahafi:
Rússar tryggja
sér yfirburði
VINNUMARKAÐUR Enn bætist í hóp
fyrrverandi starfsmanna Jarðvéla
sem óskað hafa eftir aðstoð verka-
lýðsfélagsins Eflingar við að inn-
heimta laun sem þeir eiga inni hjá
verktakafyrirtækinu Jarðvélum.
„Fyrrverandi starfsmenn Jarð-
véla streyma inn til okkar,“ segir
Ágúst Þorláksson hjá Eflingu.
Hann segir að alls reki Efling nú
mál fyrir átján fyrrverandi starfs-
menn sem hafi ekki fengið greitt
fyrir vinnu í nóvember.
Ágúst segir mennina orðna
úrkula vonar um að fá launin
greidd fyrir jól, og engin svör fáist
um framhaldið frá Jarðvélum.
Jarðvélar hafa unnið að tvöföld-
un Reykjanesbrautar. Vegagerðin
hefur nú aukið eftirlit sitt með
merkingum í kringum vinnusvæð-
ið við Reykjanesbrautina, til að
tryggja að merkingar séu ávallt í
lagi. Slíkt er venjulega í höndum
verktakans, í þessu tilviki Jarð-
véla, en Gunnar Gunnarsson
aðstoðarvegamálastjóri segir að
eins og ástatt sé hjá verktakanum
hafi þótt þörf á því að auka eftirlit
með þessum þætti.
Jarðvélar hafa fengið frest til
áramóta til að sýna fram á að fyrir-
tækið geti lokið tvöföldun Reykja-
nesbrautarinnar, og verður
ákvörðun um það hvort samningi
við Jarðvélar verður rift tekin
eftir áramót, segir Gunnar.
Ekki náðist í forsvarsmenn
Jarðvéla við vinnslu fréttarinnar.
- bj
Fleiri fyrrverandi starfsmenn Jarðvéla óska eftir aðstoð við að innheimta laun:
Úrkula vonar um fé fyrir jól
REYKJANESBRAUTIN Vegagerðin yfirfer nú sjálf merkingar við vinnusvæði á Reykja-
nesbrautinni, en lítil starfsemi hefur verið þar á vegum Jarðvéla undanfarið.
FRÉTTABLAÐIÐ/VILHELM
DÓMSMÁL Héraðsdómur Reykja-
víkur dæmdi í gær karlmann í
sex mánaða óskilorðsbundið
fangelsi auk greiðslu 714.805
króna í skaðabætur fyrir að slá
annan mann í höfuðið með
gleríláti. Málsatvik voru þau að
sá dæmdi sló fórnarlambið eftir
að þeim sinnaðist á veitingastað í
Reykjavík. Hlutust af árásinni
mikil sár á höfði, meðal annars
fjögurra sentimetra skurður
undir hárlínu og þriggja senti-
metra skurður framan við eyra.
Þykir árásin bæði fólskuleg og
hættuleg. Dæmdur þarf einnig að
greiða sakarkostnað og málsvarn-
arlaun. - ovd
Sérstaklega hættuleg árás:
Sló mann
með gleríláti
BANDARÍKIN, AP Öldungadeild
Bandaríkjaþings samþykkti á
miðvikudag frumvarp sem
auðveldar athugun á bakgrunni
fólks sem vill kaupa skotvopn. Í
lögunum er kveðið á um hvaða
geðheilbrigðisskýrslur skulu
kannaðar. Frumvarpið fer nú til
fulltrúadeildar.
Í apríl skaut geðveikur maður
32 til bana í háskóla í Virginíuríki.
Áður hafði dómari úrskurðað að
maðurinn væri sjálfum sér hættu-
legur og ætti að sæta meðferð.
Persónuverndarlög komu þó í veg
fyrir að þær upplýsingar bárust í
gagnagrunn á alríkisstigi sem
notaður er til að kanna bakgrunn
væntanlega skotvopnakaupenda.
- sdg
Vopnalög í Bandaríkjunum:
Geðveikir geti
ekki keypt vopn
MÓTMÆLI Nýtt frumvarp er á leið til
fulltrúadeildar.
FORSETAR RÚSSLANDS OG KASAKSTANS
Vladimír Pútín og Nursultan Nasarbajev
undirrituðu samninginn í gær.
FRÉTTABLAÐIÐ/AP
NÁTTÚRA Landhelgisgæslan brýnir
fyrir sjómönnum að fylgjast vel
með veðurspá á aðfangadag en þá
er fullt tungl og stórstreymi því
samfara.
Útreikningar sjómælingasviðs
Landhelgisgæslunnar sýna að
sjávarhæð á aðfangadag og jóla-
dag verði rúmum fjórum metrum
yfir meðalstórstraumsfjöru.
Því ber að fylgjast með hvort
blási af hafi og hvort loftþrýsting-
ur sé lágur en við slíkar aðstæður
verður sjávarhæðin meiri. - jse
Landhelgisgæslan:
Flóðajól í ár
Varað við örverum
Umhverfisstofnun varar fólk við
örverum í jólamatnum yfir hátíðarnar.
Til að eiga ekki matareitrun á hættu
þurfi að gæta að hreinlæti og réttri
hitun og kælingu matarins. „Enga
hálfvelgju, takk!“ segir Umhverfis-
stofnun.
VÍSINDI
FÉLAGSMÁL Miðborgarprestur frá Dómkirkjunni í
Reykjavík fær fjögurra milljóna króna styrk á næsta
ári úr borgarsjóði.
„Miðborgarprestur mun sinna margvíslegum
samfélagsverkefnum, aðallega í miðborginni,“ segir í
greinargerð Dags B. Eggertssonar borgarstjóra með
tillögu hans til borgarráðs um að framlengja styrkinn
úr borgarsjóði til þessarar starfsemi til eins árs.
Í skýrslu Þorvaldar Víðissonar miðborgarprests til
borgarstjóra um starfið kemur fram að verksvið
miðborgarprests er margþætt. Miðborgarpresti í
hálfu starfi sé meðal annars ætlað að sinna kristilegu
götustarfi, æskulýðsstarfi og sálgæslu og að vera
talsmaður þeirra sem eru undir í samfélaginu.
Miðborgarprestur, sem starfi sem prestur við
Dómkirkjuna og sinni þar hefðbundnum verkum, sé
fulltrúi Þjóðkirkjunnar í SAMAN hópnum sem er sam-
tarfsvettvangur stofnana, félaga og sveitarfélaga um
forvarnir og unglinga. „Dómkirkjan leitast við að
svara breyttum aðstæðum með nýjum áherslum í
starfi sínu. Fyrsta árið í embætti miðborgarprests
sýnir að verkefnin eru næg og verðug. Dómkirkjan
vill sinna auknu miðborgarstarfi í hlutverki sínu sem
miðborgarkirkja,“ segir séra Þorvaldur í skýrslu sinni
til borgarstjórans. - gar
Borgarráð framlengir styrkveitingu til samfélagsstarfs miðborgarprests í eitt ár:
Fjórar milljónir í borgarprest
ÞORVALDUR VÍÐISSON
Miðborgarprestur segir
næg og verðug verkefni
að takast á við.
FRÉTTABLAÐIÐ/GVA
Finnst þér rétt að hafa auglýs-
ingahlé í miðju áramótaskaup-
inu?
Já, 24,5 %
Nei 75,5 %
ERTU SÁTTUR VIÐ RÁÐNINGU
ÞORSTEINS DAVÍÐSSONAR SEM
HÉRAÐSDÓMARA?
Segðu skoðun þína á vísir.is
KJÖRKASSINN