Fréttablaðið - 21.12.2007, Qupperneq 58

21. DESEMBER 2007 FÖSTUDAGUR10 ● fréttablaðið ● jólin koma
Í bók Jónínu Leósdóttur Talað út –
um lífið og tilveruna standa þessi
orð: „Það er alveg makalaust að heilt
þjóðfélag skuli árlega fara á annan
endann í desember. Bara vegna þess
að fram undan eru tveir, þrír frídag-
ar sem venja er að nota til að skiptast
á gjöfum og hitta fjölskyldu og vini.“
Síðan koma heilræðin hvert af öðru.
Öll byggjast þau upp á því að búa sér
til lista yfir það sem gera þarf. Fyrst
jólakortalista, síðan jólagjafalista
og að lokum matarinnkaupalista.
Svo kemur þessi gullvæga setning:
„Þeir sem ekki geta hugsað sér jól
án taugaáfalls og eftirkasta ofþreytu
geta þó vitanlega valið sér lengri og
krókóttari leið að sama marki. Þeir
geta farið ótal ferðir í Bónus, fyllt
allar geymslur af niðursuðudósum
og bökunarvörum, flett fjórum ár-
göngum af Gestgjafanum í leit að
uppskriftum, búið til heimagert kon-
fekt og bakað fullt af kökum til að
henda eftir jólin. Þá verður líka svo
mikið fjör hjá þeim í janúar. Þá taka
við heimsóknir til bankastjóra til að
semja um greiðslujöfnun, heimsókn-
ir í líkamsræktarstöð til að ná af sér
jólakílóunum og heimsóknir til sál-
fræðings til að greiða úr sálarflækj-
unum sem sköpuðust af öllu stress-
inu.“
Eftir að hafa lesið þessi gull-
korn var púlsinn tekinn á höfundin-
um, Jónínu Leósdóttur, og hún spurð
hvernig hún fari að því að halda blóð-
þrýstingnum á réttu róli um þessar
mundir. „Mér finnst voða gott að hafa
lífið eins einfalt og hægt er og reyni
að draga úr streitu á öllum sviðum.
Því reyni ég að forðast staði þar sem
margt fólk er með angist í augunum
og svitaperlur á enninu. Svo róa inn-
kaupalistarnir mig. Ég er svo mikil
listakona!“ svarar hún brosandi og
nefnir sem dæmi að hún gefi eintóm-
ar bækur í jólagjöf. „Það vita allir í
fjölskyldunni að það koma ferkant-
aðir, harðir pakkar frá mér,“ bætir
hún við.
Jónína kveðst hafa sleppt því í
mörg ár að baka fyrir jólin en hafa
prófað það þegar hún var yngri. „Ég
bjó úti í Bretlandi í nokkur ár þegar
ég var rúmlega tvítug. Þá var ég ný-
lega gift manni úr Skagafirði og hann
var vanur að hafa laufabrauð á borð-
um eftir uppskrift mömmu sinnar og
ég byrjaði að steikja laufabrauð þar
eftir uppskrift frá tengdamóðurinni.
Í mörg ár stóð ég líka í tilraunum við
að baka mjúkar súkkulaðibitakök-
ur en tókst ekki og þá bara hætti ég
þessu. Kaupi frekar hnetur og ávexti.
Svo finnst mér voða gott að kveikja
á kerti heima hjá sér. Það fyllir mig
friði.“ - gun
Streitulaus jól
● Jónína Leósdóttir reynir að hafa lífið eins einfalt og mögulegt
er á jólunum. Hún forðast staði þar sem margt fólk safnast saman
og býr til innkaupalista sem róa taugarnar.
Jónína Leósdóttir
rithöfundur. „Ég
fer bara yfir listana
mína góðu og finn
að engin ástæða
er til að stressast
upp þó fæðingar-
hátíð frelsarans sé í
nánd.“
FR
ÉT
TA
BL
A
Ð
IÐ
/V
A
LL
I
Spilavinir
Spil og púsluspil fyrir alla fjölskylduna
Langholtsvegur 126 · 104 Reykjavík · Sími 553 3450 · spilavinir@spilavinir.is · www.spilavinir.is
Hjá Spilavinum er hægt að kíkja í kassann
og jafnvel prófa spilið, áður en það er keypt!
Jungle Speed
Spil sem byggir á hraða og snerpu!
Tilvalið í
möndlug jöfi na!