Fréttablaðið - 21.12.2007, Síða 77

FÖSTUDAGUR 21. desember 2007 37
UMRÆÐAN
Jafnréttismál
Fyrir kosningar lofaði Samfylk-ingin úrbótum í jafnréttismál-
um. Það ætti því ekki að vera vand-
kvæðum bundið fyrir þingmenn
flokksins að samþykkja frumvarp
til laga um jafna stöðu og jafnan
rétt kvenna og karla sem nú liggur
fyrir Alþingi.
Sjálfstæðisflokkurinn, sam-
starfsflokkur Samfylkingarinnar í
ríkisstjórn virðist hins vegar ætla
að standa í vegi fyrir því að þetta
mikilvæga frumvarp verði sam-
þykkt, nema þá í útþynntri mynd.
Það er svo sem ekki við öðru að
búast enda er það ekkert launung-
armál að margir fulltrúar Sjálf-
stæðisflokksins telja að fullu jafn-
rétti hafi nú þegar verið náð og því
séu lögin gagnslaus. Þeir sem á
hinn bóginn telja að jafnrétti hafi
ekki verið náð, vilja í raun og veru
ekki gera neitt þar sem þeir eru
vissir um að það muni nást með
leiðum hins frjálsa markaðar.
Fyrir liggur að fulltrúar Vinstri
grænna og Framsóknarflokksins
eru tilbúnir að styðja frumvarpið í
óbreyttri mynd. Ábyrgð á fram-
gangi þess hvílir því á fulltrúum
Samfylkingarinnar. Nú er því tími
til kominn að standa við stóru
orðin.
Pétur Blöndal, þingmaður Sjálf-
stæðisflokksins, spurði að því í
fyrstu umræðum um frumvarpið á
Alþingi hvort félagsmálaráðherra
hefði meiri trú á því að troða jafn-
rétti ofan í kokið á atvinnulífinu en
að gera það með frjálsum samning-
um. Hvar er frelsið í því, mætti
spyrja sjálfstæðismenn, að konur
komi að lokuðum dyrum í sumum
stéttum og þurfi að sætta sig við
verri kjör? Ef karl og kona hafa
mismikla möguleika á að öðlast
tekjur og völd í samfélaginu, þá eru
þau ekki jafn frjáls. Þess vegna
skerða jafnréttislögin kannski það
frelsi sem karlar hafa nú umfram
konur, en auka um leið frelsi kvenna
til hins sama.
Við erum því miður búin að bíða
of lengi eftir því að jafnrétti kynj-
anna komi af sjálfu sér og viljum
ekki bíða lengur. Það er augljóst að
fulltrúar Sjálfstæðisflokksins vilja
ekki gera neitt til þess að tryggja
jafnrétti, bara sitja og bíða. Sam-
fylkingin hefur allt að vinna og
nægan stuðning. Stöndum saman –
stuðlum að jafnrétti.
Höfundar sitja í stjórn Ungra
vinstri grænna.
Að troða jafnrétti ofan í kok
ELÍAS JÓN
GUÐJÓNSSON
ERLENDUR
JÓNSSON
Við erum því miður búin að
bíða of lengi eftir því að jafn-
rétti kynjanna komi af sjálfu
sér og viljum ekki bíða lengur.
SEND IÐ OKK UR LÍNU
Við hvetj um les end ur til að senda
okk ur línu og leggja orð í belg um
mál efni líð andi stund ar. Grein ar og
bréf skulu vera stutt og gagn orð.
Ein göngu er tek ið á móti efni sem
sent er frá Skoð ana síð unni á vis ir.is.
Þar eru nán ari leið bein ing ar. Rit stjórn
ákveð ur hvort efni birt ist í Frétta blað-
inu eða Vísi eða í báð um miðl un um
að hluta eða í heild. Áskil inn er rétt ur
til leið rétt inga og til að stytta efni.
UMRÆÐAN
Hjálparstarf
Kannast einhver við það þegar makinn segir við elskuna sína í
jólainnkaupunum: „Hvort á ég að
kaupa þetta rauða eða bláa?“ og
makinn svarar: „Elskan mín, kauptu
bara bæði.“ Stundum þarf ekki að
gera upp á milli, heldur velja bæði.
Í umræðunni um hjálparstarf
heyrast stundum raddir sem segja:
„Af hverju er verið að hjálpa
erlendis, er ekki hægt að aðstoða
fólk á Íslandi?“ Í spurningunni ligg-
ur að annaðhvort
aðstoðum við á
Íslandi eða erlend-
is. En er spurning
um annaðhvort
eða í þessu tilviki?
Af hverju ekki
bæði? Það er að
minnsta kosti svar
Hjálparstarfs
kirkjunnar. Innan-
landsstarfið er öflugt allt árið og
jólaaðstoðin í desember er í sam-
vinnu við Mæðrastyrksnefnd
Reykjavíkur og Reykjavíkurdeild
Rauða krossins. Á síðasta starfsári
voru 3.139 umsóknir afgreiddar
fyrir utan 1.647 umsóknir um jóla-
aðstoð eða samtals 4.786 umsóknir.
Aðstoð felst í ráðgjöf og matargjöf-
um. Umsækjendur geta einnig
fengið föt, aðstoð við lyfjakaup,
kaup á innbúi, aðstoð vegna náms
og fleira. Einstaklingar og fyrir-
tæki hafa stutt þetta starf rausnar-
lega.
Samhliða þessu sinnir Hjálpar-
starfið neyðaraðstoð, þar má nefna
uppbyggingarstarf eftir jarð-
skjálftana í Pakistan, mataraðstoð
og aðgangur að vatni tryggður á
neyðarsvæðum í Afganistan, Dar-
fúr og Srí Lanka.
Loks eru það þróunarverkefni á
Indlandi, Eþíópíu, Mósambík,
Úganda og Malaví. Á Indlandi snú-
ast verkefnin um mannréttindi og
vinnuréttindi stéttlausra, þar sem
meðal annars er unnið að því að
leysa börn undan skuldaánauð og
stutt við heimavist og skólastarf.
Verkefnin í Afríkulöndunum snúa
að miklu leyti að því að auka
aðgengi að hreinu vatni, byggja
brunna, fræða um hreinlæti og
heilsu. Þegar vatnið er komið skap-
ast grundvöllur fyrir auknu skepnu-
haldi, meiri uppskeru og fjölbreytt-
ari fæðu. Þess vegna segjum við
þegar við hvetjum þig til að taka
þátt í jólasöfnun Hjálparstarfs
kirkjunnar: „Það er gott að gefa
vatn“ og það gerirðu með því að
borga gíróseðilinn sem sendur
hefur verið inn á heimili lands-
manna eða með því að leggja inn á
reikning 1150 26 50886 kt. 450670-
0499.
Stuðningur við Hjálparstarfið er
stuðningur til sjálfshjálpar, hvort
heldur sem er á Íslandi eða í fjar-
lægum löndum. Markmið starfsins
er að skapa hverjum einstaklingi
grundvöll til að standa á eigin
fótum og getu til að mæta skini og
skúrum lífsins.
Höfundur er fræðslu- og upplýs-
ingafulltrúi Hjálparstarfs
kirkjunnar.
Annað hvort
eða bæði
BJARNI GÍSLASON
fi skbúðin
hafberg